الأحد، 26 أبريل، 2009

فضيحة بجلاجل اسباني


فى الأسبوع الماضى، بدأت السفارة الإسبانية ومكتب الأمم المتحدة التحضير للزيارة المنشودة التي علي اثرها اصبحت فضيحة مصر في اسبانيا فضيحة بجلاجل حيث ستقوم دهشور باستقبال النائبة الأولى لرئيس الحكومة الإسبانية ماريا تيريسا، التى تزور المنطقة للإشراف على توزيع مبلغ ٦.٣ مليون دولار من اموال الشعب الاسباني الذي تبرع بها للشعب المصري الحقير وحيث من ما هو معروف عن المصري انه حلمجي وفهلوي وممكن يعمل اي حاجة علشان يطلع منك فلوس فطبعا الشعب الاسباني بيقول ان الشعب المصري مش محتاج والفلوس اللي احنا بنتبرع بيها دي مش من حقهم وللرد علي ذلك كانت هذة الزيارة والهدف منها هو إقناع الشعب الإسبانى بجدوى الأموال، التى رصدتها الحكومة الاسبانية لتطوير المنطقة وبالفعل كانت الزيارة العظيمة من الوفد الاسباني الشقيق ولكي تتكمل الفضيحة فقد اصطحب الوفد الاسباني معه كل المصورين والصحفيين الاجانب مع غياب تام للحكومة ما عدا طبعا ممثلين عن مكتب الأمم المتحدة وصندوق التضامن الاجتماعى باعتبراهم وفد وزارة الشحاتين في مصر ومع بداية الزيارة بدأت السيدة الاسابنية بتوزيع النقود علي الفقراء في دهشور وبدأت الاموال ضئيلة الي حد كبير في بداية الزيارة حيث بدأت النائبة بتوزيع مئات الجنيهات وطبعا كل ما تدخل في القرية تلاقي الفقر بيشتد الي ان قابلت الحاجة ماجدة، أو «فلافل ليدى» كما سماها الإسبان في كل صحفهم وكما هو موضح بالصورة قامت السيدة العجوز بتقبيل يد النائبة امام جميع وسائل الاعلام التي نشرت الصورة وزلت كرامة اللي جايبين اهلنا بيها وكل ده علشان النائبة الاسبانية دفعت 1500 جنيه فقط لاغير يعني حوالي 200 يورو والحصيلة الكاملة التي وزعها الوفد الاسباني كانت ٦.٣ مليون دولار يعني ثمن رصيف واحد من اللي اتكسر في اسكندرية تمن شارع واحد من اللي بيتسرق الاسفلت بتاعه في اي محافظة ٦.٣ مليون دولار يعني ولا حاجة بالنسبة لأحمد ابو هشيمة اللي دفع 9 مليون دولار علشان يبوس الواوا ٦.٣ مليون دولار يعني ولا حاجة عند احمد عز ٦.٣ مليون دولار يعني ولا حاجة عند ساويرس وعائلته ٦.٣ مليون دولار يعني مرتب احمد شوبير في اسبوعين في قناة الحياة ٦.٣ مليون دولار يعني ربع اجر عادل امام ٦.٣ مليون دولار يعني نص الغنيمة التي يتحصل عليها عمرو خالد من اقل حملة من اللي بيعملهم وغيرهم كتير اوي ولو اتكلمت من هنا لبكرة برضه مش حلاقي وقت اقول علي الفلوس اللي مسروقة ومش حلاقي وقت اقول علي الذل اللي احنا حاسين بيه ديما لغاية ما اتعودنا عليه وبقي حاجة طبيعة جوانا اتعدونا عليه لغاية ما بقينا مش عارفين احنا بنتذل ولا لا ؟؟


ولو سألت الحاجة ماجدة حتقولك مهو انا ببوس ايد الحكومة علشان الرغيف ابو شلن يبقي ليه مش حبوس ايد الاسبان علشان الف ونص ؟؟

ولو سألت اي شاب حيقولك مهو انا ببوس ايد صاحب الشغل 12 ساعة في اليوم علشان 600 جنيه في الشهر

ولو سألت اي طالب حيقول مهو انا ببوس ايد المدرس علشان يشرح من غير درس

وسألت اي مدرس حيقول مهو احنا بنبوس ايد الوزير علشان فلوس من غير كادر

كل ده زل ليه ؟؟ مع اننا نستحق عيشة احسن من دي مليون مرة


يا رب فكها بقي ده احنا كلنا طهقنا

هناك 17 تعليقًا:

بنت القمر يقول...

واقفه في زوري بالعرض
:((

mido يقول...

http://egyptianchronicles.blogspot.com/2009/04/terrible-photo-to-start-day-with.html

Alkomi يقول...

يارب كفاية بقى نوعية الاخبار دي عشان انا اتبضنت

شمس النهار يقول...

عجبني اوي موضوع الشعب الاسباني الشقيق دي :)
طبعا ماهو كده بقا شقيق طبعا
زي كده الاخوه اللي كانت بين الامير العربي اللي كان عايز يتبرع للأمريكان في 11 سبتمبر بس همه عندهم دم ورفضوا
*
مش عارفه الموضوع اللي هقوله لك ده صح والا غلط بس انا سمعته ساعة الزلزال
ان العاملين بمرسيدس رفضوا التبرع بالمال ساعتها عشان كم العربيات المرسيدس اللي بيستوردها العرب وخصوصا المصريين
اصل عقبال املتك الاجانب عموما بيعملونا علي اننا عرب كيان واحد مالهمش دعوه انت من انهي بلد انت عربي
يعني همه مالهمش دعوه بالمشاكل الاسريه اللي بين العرب

Appy يقول...

هنلوم على ايه ست ومش فاهمه حاجه وغلبانه العيب مش فيها يا تامر
الله يحرق كده بجد

اصحى يا مصر : اسلام ديو يقول...

ينهارى يا جدعان
الصورة مبينة كل حاجة من غير ما نتكلم

ينهارسوح
طب نعمل ايه بس ؟؟
صدقنى كلنا فى النضال واحد
وكلنا هنحاول علشان نعيش عيشة صح
يااااااااااارب انتا اللى عالم بينا
انتا اللى شايفنا
ياااااااارب خد اللى واكلنهاوالعة
انا اسف بجد البوست اثر فيا

تحياتى وانا معاك فى كل كلمة
تحياتى للمدونة الجميلة
ولصاحب المدونة

خمسة فضفضة يقول...

حسبنا الله ونعم الوكيل في اللي كانوا السبب

محدش بيموت ناقص حلم يقول...

جامع مانع

دمت بخير

ورحمنا الله

بنت السقا يقول...

فضييييحة بجد ؟؟ ياللا مفضوحيين جوه جت على بره مزلولين جوه جت على بره !! بلا أرف !! صح الناس بتتزل عشان رغيف العيش أبو شلن....أنا لما بعدي ساعات على طبور العيش بتخنق ...إيه الأمم دي ولا المجاعات والله!!

Desert cat يقول...

يا تامر هى الناسي الغلابة كدا
اللى يديها حاجه تبوس ايده
زى الرقاصة اللى بينقطها بخنسه جنبه بتلزق له
طبعا مع الاختلاف
وخد عندك كمان مثال الاخوانجية اللى بيعروفا كويس اوى يستغلوا الناس اللى من نوعية الست دى والرقاصة برضه
:))

Appy يقول...

انت بتغيظ فيه يعنى جايب ليه بوست يحرق الدم ما انا عارفه انجازته يا خويا مشكرين انا فى فتره نقاهه ههههههههه

سبهللة يقول...

ما ضاع حق ورائه مطالب واحنا مش بنطالب بحقنا
وبالتالى نستهال اكتر من كدة

بصراحة الصورة حرفت دمى من قبل ما اقرا ملايين المشاهير اللى انت حاططهم

يا عم خد بالك مننا شوية ضغطنا عالى لوحده مش ناقصة انفجار فى المخ كمان

ربنا يلطف بينا

ايوشة يقول...
أزال أحد مشرفي المدونة هذا التعليق.
هندسة وصفية يقول...

يا نهار اسود
يا نهااااااااار اسود
بس العيب مش عليهم
تصدق برضه وجعتني اوي الكلامة في دكان شحاتة
لما قاله يا عم انا مش شحات
قام رد عليه و قاله يا سيدي كلنا شحاتين هي ماشية الا بالشحاتة
الله يجازي الي كان السبب

الاسبانى يقول...

بوسه اتفوت ولا حد يموت .مافى بنات بتبع نفسها باقل من كده

غير معرف يقول...

يا سبحان الله الاسبان حاسيين بينا وبفقرنا وجوعنا وحاجتنا الشديدة وان 9 مليون مصري تحت خط الفقر والحكومة بتاعتنا مش فاضية غير للسرقة
والله احنا شعب نستاهل اللي احنا فيه نستاهل حكامنا
عشان معترضناش يقؤلك يا عم هو انا اللي هغير الكون يا اخي علي الاقل انتخب حد غيره يقؤلك اللي نعرفه احسن من اللي منعرفوش يا اخي انتخب حد غيره بعدين لو لقيته وحش من حقك انك تعترض
وسلملي علي قانون الطوارئ

موقع زواج يقول...

هى دى ستات ولا انا بيتهيئلى