الخميس، 25 ديسمبر 2008

يوم التدوينة البيضاء

تضامنا مع مدوني تونس الخضراء



معاً ضد سياسة الحجب في تونس

السبت، 4 أكتوبر 2008

ثقافة الحمامات


مسؤول في «الإسكان»: غياب ثقافة استخدام الحمامات سبب كارثة الدويقة


*


ده كان عنوان في المصري اليوم والمختصر بتاعه أن «السلوكيات الخاطئة وسوء التعامل مع دورات المياه بين الكثير من مواطني المنطقة المنكوبة، تسبب في (تلف مواسير الصرف الصحي)، مما أثر سلباً علي الهضبة.وأدي الي انهيارالصخور ................................................

انا حطيت نقط بدل الشتيمة علشان محدش يقول عليا قليل الادب . يعني بالصلاة علي النبي الناس الفقيرة الغلبانة اللى مش لاقيين ياكلوا طلعو هما السبب فى انهيار الهضبة عشان هم معندهمش ثقافة فى استخدام الحمامات

يعني سؤال رفيع كدة يا حضرة ( المسطول ) قصدي يا حضرة المسئول هو حضرتك متعرفش ان الناس دي مش لاقية الرغيف الحاف طيب حضراتكم ممكن توفروا ليهم رغيف العيش وبعد كدة اعمل ثقافة ازاي يتخلصو من الفضلات

يا رب حتي تعمل كتيب وتسميه ثقافة الحمامات والكتاب ده يتطبع ويتوزع علي طلبة المدارس والجامعات ويكون الامتحان فيه عملي ونظري وياريت حضرتك كمان توضح وجه الاختلاف بين دخول الحمام في الدويقة ودخول الحمام في مصر الجديدة ومنكم نستفيد يعني .

الكلام فكرنى بعضو مجلس الشعب الى قال على شهيد المحلة الذى استشهد داخل حدود منزله"عشان معندوش ثقافة اين يقف" وطلع الواد هو اللي غلطان

وبعدين هي الثقافة بقت في كل حاجة كدة حتي في دخول الحمام يعني حاشرين الثقافة في كل حاجة وبقت الحجة الوحيدة لأي مسئول ان الناس بقت مش مثقفة طيب يا حضرات المسئولين يا ريت بقي تعرفوا

ان احنا مش شعب اكسلانسات يعني مش مثقفين ومش ناوين نبقي شعب اكسلانسات يعني مش ناوين نبقي مثقفين ومش عايزين نبقي شعب اكسلانسات يعني مش عايزين نتسقف يعني خلينا الثقافة لأهل الثقافة وحوار الثقافة اللي طالع جديد وعايزين الشعب كله يبقي متثقف ده مش حينفع معانا

وموضوع ثقافة استخدام الحمامات ده مستفذ جدا يعني يا ريت بلاش يتكرر تاني ويا ريت متعترفوش بغلطكم اللي هو سوء حال البنية التحتية بس برده بلاش ترموها علي الناس وتقولو ان هما اللي مش عارفين يستخدموا الحمامات

ويا ريت يا حضرة المسئول الكبير تبقي تقولنا حضرتك بتستخدم الحمام ازاي يمكن احنا بنشخ غلط

*

انا مش مستغرب من تصريح المسئول اللي ألقي المسئولية علي اهالي الدويقة الغلابة لأن ده مبدأ وثقافه الحكومات الفاشله والتى تلقى بالوم على شعوبها وهى ثقافه ابتدعت منذ ثلاثون عاما لحفظ ماء وجه المسؤليين الفاشليين والعاجزين لكني استغربت من حجته هذه المرة فقد اقحم الثقافة في وسط لا يجوز ان ينطق هذا المصطلح بداخله

فكيف له ان يذكر الثقافة مع الحمام في جملة واحدة ؟؟


وسأضرب لكم مثال علي طول عمر المبررات الفاشلة الضعيفة الغير مقنعة : عندما وقف يوسف والى امام مجلس الشعب واعلن ان الاكتفاء الذاتى من القمح سيتحقق بعد سبعه سنوات. وبعد انقضاء السنوات السبع سئل والى لماذا لم نحقق هذا الاكتفاء فأجاب ان الزياده السكانيه هى السبب.


وهنا يهمث في أذني احد الخبثاء بأن هذه اللهجة ما هي الا تثبيت لمبدأ العجز

فـ يا ايها المسؤل أين كنت سيادتك عندما انهارت اول صخره عام اربعة وتسعون ولماذا لم تقم بالتوعيه المنشوده منذ أربعة عشر عاما . ام انك كنت منتظر ان تعاقب القتلى حتى لايفعلوا ذلك مره اخرى.

ماتقوله يعتبر هراء بكل معنى الكلمه ولايوجد مسؤل فى العالم يجرم شعب إلا فى مصر.


ثم أضاف المسئول: قررنا عمل حملات توعية للمواطنين في المنطقة بعد نقلهم لمساكن التطوير خلال المرحلة المقبلة، وذلك لتعريفهم بكيفية استخدام الحمامات والأحواض طيب حضرتك الحملة دي ح تبقي عاملة ازاي؟ ومين رئيسها ؟؟ ومين اللي حيشارك فيها وحيتسرق عليها قد ايه قصدي حيتصرف عليها قد ايه ؟؟ ومين ح يبقي الراعي الرسمي لحملة التوعية بثقافة الحمامات و يا تري لو جيبنا

الواد بتاع ميلودي يعمل اعلان تضامنا مع الحملة حيبقي شكله عامل ازاي ؟؟


***

نصيحة لكل مواطن برجاء استخدام البامبرز لحين الانتهاء من وضع أسس

الحملة القومية لثقافة الحمامات

الثلاثاء، 30 سبتمبر 2008

عيد مبارك

كل سنة ومصر كلها بخير مسلمين ومسيحين بمناسبة العيد اللي هو ح يبقي يوم الاربع علي حسب ما اعلنت دار الافتاء المصرية ومنعرفش طبعا هم اعلنوا كدة ليه ؟؟ يعني بناء علي توجيهات الرئيس ولا حد تاني
مع العلم بأن اول ايام العيد هو الثلاثاء في كل من

السعودية والإمارات والكويت وقطر والعراق ( السنة فقط ) وفلسطين وليبيا والسودان والأردن واليمن والصومال وجيبوتي وجنوب نيجيريا و تركيا وبلغاريا والتشيك وسلوفاكيا وكوسوفا وسلوفينيا وإيطاليا والمجر ورومانيا ومقدونيا وصربيا والبوسنة والدنمارك وكينيا وأوغندا وتنزانيا وإثيوبيا والبرازيل وأمريكا الجنوبية وروسيا والصين.

وده طبعا بيدل علي تمسكنا وثبوتنا علي المبدأ وهو التأخر في كل شئ حتي العيد لازم نبقي متأخرين عن الناس كلها حتى الفرحة لازم تجيلنا آخر ناس , مع إننا أول شعب نفسه أى حاجه تفرحه وتخرجه من الذل والقهر اللى هو فيه

وللعلم فقط
U.S. Naval Observatory Astronomical Applications Department Sun and Moon Data for One Day The following information is provided for

Egypt - Cairo (longitude E30.1, latitude N31.2): New Moon on 29
September 2008 at 08:12 Universal Time.

نقلا عن موقع مرصد البحرية الامريكية


ولو ركزنا في الجملة الاخيرة
.. بتقول أنه فلكيا يولد القمر الجديد في القاهرة التي تم تحديد احداثياتها (خطوط الطول و دوائر العرض) بالاعلى في يوم 29 سبتمبر الساعه 8:12 وفقا للتوقيت العالمي ( نقدر نقول جرينش ) يعني الساعه 10 الصبح في مصر يوم الاثنين يعني الثلاثاء عيد



بس هم مرضوش يقولولنا علشان الحسد

الثلاثاء، 16 سبتمبر 2008

سؤال يفطر

طبعا كلنا تابعنا الكارثة بتاعة الدويقة وشوفنا تقاعص الحكومة او عجزها في مواجهة الازمة باجهزة الدفاع المدني او جهاز مواجهة الكوارث

وكلنا برده شوفنا حريق مجلس الشوري واللي برده عجز الدفاع المدني وجهاز مواجهة الكوارث في السيطرة عليه ؟؟

وقبل كل ده كان برده في غرق العبارة وبرده عجزت الحكومة واجهزتها المدنية في السيطرة علي الموقف وانتشال الجثث

وغيره وغيره وغيره وكانت الحكومة في كل مرة تستدعي فرق من الجيش يعني في حادثة العبارة الحكومة استدعت لانشات الجيش ومروحيات المسح والاستكشاف التابعة للجيش والقوارب المطاطية الخاصة بالجيش والفرق الطبية المرسلة من مستشفيات الجيش ويتم انقاذ المصابين عن طريق ضباط الجيش ومستشفيات الجيش وفي حريق مجلس الشوري برده كلنا شوفنا الطيارة اللي كان نازل منها الجردل البدائي اللي برده تابعة للجيش بس ماشي اهو عرفو يعملو حاجة بعد اشتعال النيران لمدة 8 ساعات و اخيرا في الحادثة بتاعة الدويقة حتي المخيمات اللي اتعملت علشان ينام فيها اهل الدويقة برده كان الجيش هو اللي عملها

طيب يعني من كل اللي فات ده شوفنا الجيش ينقذ الغارقين الجيش يسيطر علي الحرائق الجيش يأوي الجيش يعمل كل حاجة طبعا ده مش غريب علي قطاع بتنفس بالامر والنظام هو السمة الاجابية الوحيدة فيه وطبعا ده مش بيقلل من قيمة الجيش خالص ومش ده موضوعنا اصلا

طيب فين بقي اجهزة الدولة ؟؟؟ فين معدات الدولة ؟؟ في الموظفين اللي بيتصرف عليهم من خزينة الدولة ؟؟ فين فرق الاغاثة والطوارئ ؟؟
فين جهاز مواجهة الكوارث ؟؟ فين فرق وزارة الصحة ؟؟
فين اي حاجة مش بتاعة الجيش ؟؟
ده حتي شرطة المرور عجزت عن السيطرة علي الموقف في الشارع واستدعت الشرطة العسكرية علشان تسيطر لها علي المرور اللي هو شغلتها الاساسية

في اي دولة محترمة في حاجة اسمها إدارة الأزمات والطوارئ ولو اخدنا مثلا امريكا حنلاقي في كل ولاية ادارة للآزمات ولما تحصل مصيبة كبيرة يستدعو ادارة الازمات بتاعة الولاية ولو المصيبة كبيرة اوي وادارة الازمات بتاعة الولاية مش قادرة تسيطر علي الكارثة يستدعو ادارة الازمات الفيدرالية وكل ده بعد ما يفشل جهاز الدفاع المدني في مواجهة الكارثة
يعني مستحيل نلاقي واحد من المارينز اتدخل في حل اي كارثة داخل الولاية مهما كانت الكارثة دي ايه حتي لو كانت ضرب برج التجارة العالمي

طيب نرجع لمصر تاني
دلوقتي الفلوس اللي بتتصرف علي كل الاجهزة دي لزمتها ايه ؟؟
القوات المسلحة وظيفتها انها تعمل مخيمات للمشردين ولا تنقذ الغارقين ؟؟
ولو افترضنا ان وظيفة القوات المسلحة هي كل شئ حتي انقاذ الغارقين والمشردين . طيب مين اللي ح يحمي الحدود الخارجية ؟؟

انا حاولت الاقي اجابة ملقتش غير شتيمة في الحكومة و النظام السؤال بقي ..
****




هو الشتيمة في الحكومة و النظام بتفطر ؟؟؟؟

الاثنين، 8 سبتمبر 2008

ماذا يحدث في مصر؟؟؟؟

بسم الله الرحمن الرحيم
"ظهر الفساد في البر والبحر بما كسبت ايدي الناس لنذيقهم بعض الذي عملته ايديهم لعلعهم يرجعون "
" بما كسبت ايدى الناس "
" بما كسبت ايدى الناس "
" بما كسبت ايدى الناس "
" بما كسبت ايدى الناس "
هو في ايه ؟؟؟
سؤال صعب اوي ليه كل الكوارث دي ورا بعضها وليه كل ما نحاول نفوق من كارثة تحصل كارثة تانية اكبر من الاولي ؟؟؟
*
هو ده غضب من ربنا ولا سوء استخدام مننا ولا نعمل زي كل مرة ونقول الحكومة مش شايفة شغلها
يعني مش طبيعي اني افتح الاخبار اسمع انهيار جبل علي ناس ويموت العشرات ويفضلو 3 او 4 ايام بينتشلو الجثث
ومش طبيعي ان قبليها بيوم اسمع انه اتقبض علي رجل اعمال كبير ويطلع سفاح وقتال قتله ومطلوب من الانتربول
*
طيب والمساجين اللي بيقضوا عقوبة في سجن ازاي يبقي معاهم سلاح ؟؟
ومن اين حصلو علي هذا السلاح ؟؟
وهل هذا السلاح بكفائة اسلحة الشرطة ؟؟ تبقي مصيبة .
وهل كل المساجين مدربين علي استخدامه ؟؟ تبقي مصيبة اكبر
*
انا واحد بضرب نار بسلاح وعارف اكبر خزنة في تاريخ الطبنجة 20 وده غير صعوبة وجودها معاهم اللي احتمال ان تكون معاهم خزنة ثمانية او 15 لا اكثر طيب هل هما جابو خزن كمان ولا جايبين ار بي جي ولا رشاش ولا مخبيين الاسلحة بتاعتهم داخل قوالب الحلاوة ؟؟؟
*
حتي لو كلامهم صح وفي تبادل اطلاق نار فاطلاق النار يجب ان يكون متكافئ او قريب من التكافئ لكي اسميه تبادل لكن 4 مقابل 22 ده حتي حرام في توازن القوي إلا لو كان فعلا في تكافئ وعدد المساجين اللي معاهم سلاح يساوي عدد الشرطة اللي معاهم سلاح ودي تبقي كارثة طبعا
*
طيب لو طبقت نظرية المؤامرة الشهيرة لصاحبتها نوارة نجم وقولت الحكومة بتقول ان فيه ناس دخلت سلاح فى محاولة لتهريب بعض المساجين كل ده علشان يداروا الفضيحة الكبيرة وهى التعذيب والتنكيل بالمصريين ومساجين المصريين طيب والناس اللي اتقتلت التانية دي ذنبها ايه والعساكر اللي ماتت دي ذنبها ايه ؟؟
طيب وحنفترض ان كلام الحكومة صح والناس اللي هم اهل المساجين كلهم ولاد كلب طيب دخلو السلاح السجن ازاي دول لو كانو رايحين كارفور ولا سيتي ستارز كان اتمسكوا غير ان السلاح في الصعيد معروف انه سهل بس مش سهل لدرجة انه ممكن يدخل السجن للمساجين كأني بتفرج علي
PRISON BREAK وحسيت ان فى مسجون اسمه هريدى سكوفيلد هو اللى خطط ومعاه اخوه جعيدى بوروز ومعاهم عباس سوكري والله العظيم ده مش بيحصل في الافلام الاجنبي كان زمان اهل المسجون بيهربو سجاير في الاكل مخدرات في الفراخ انما سلاح في اللحمة ح يتهرب ازاي .؟؟ انا حسيت ان الخبر ده عن سجن الهند المركزي مثلا واللي صرح بكدة المحافظ بتاع نيودلهي
*
طيب لو حبينا نعد الكوارث الدويقه وغلاء الأسعار والحديد وأزمة الأسكان وازمة البطاله وانقلاب فى السجون وسوق العقارات الى حايوقع لو طلعت مصطفى اتسجن واتحجز على فلوسه والدوله أممت مشاريعه وغيره وغيره أنا مش عارف ايه اللى بيحصل ويقولك الى سربوا الامتحان خدوا 10سنوات واللى غرق العباره أخد برأه وبتاع اكياس الدم الفاسد طلع برده براءة وكل ده علشان القضاء بتاعنا النزيه اللي عيين ابن مقبل شاكر في النيابة رغم تخرجه من كلية الحقوق بتقدير مقبول يعني التعليم والقضاء برده بقي فيه فساد
*
افتكر لما شارل ديجول وصل قصر الإيليزيه كان في فساد كتير في كل ارجاء فرنسا فسأل عن التعليم والقضاء هل وصل لهم الفساد فرد رجال الدولة لا
فقال لهم اذا هناك امل من الاصلاح
*
طيب احنا نعمل ايه بقي ؟؟؟ القضاء بقي فاسد والتعليم بقي افسد كدة يبقي مفيش امل من الاصلاح
يعني ناخدها من قصيرها ونسافر ولا اللي يطول حاجة ياخدها ونسرق وننهب زي ما بيحصل ؟؟
*******
ليه بعد كل كارثة لا تخرج تصريحات حكومتنا الرشيدة إلا عن ان الحادث قضاء وقدر وان الاهالي هما اللي غلطانين وصرف تعويضات للمتضررين وتشكيل لجنة لحصر المخالفات ومنع تكرار الكارثة، لكن مفيش حاجة على الارض بتتغير ..
واللي مش مصدقني هايتأكد بنفسه الكارثة الجاية

الاثنين، 1 سبتمبر 2008

رمضان كريم

كل سنة وكل الناس طيبين


حتي الحكومة اللي بدعي عليها ربنا يا يهديها يا ياخدها برده طيبة


كنت ناوي اتكلم علي الكراتين والفلوس اللي فرقها الحزب الوطني وسيادة الرئيس من فلوس الشعب وفي الاخر فضحوهم بمناسبة رمضان



وموائد الرحمن اللي اتلغت وكانت الحجة هي ترشيد الاستهلاك وفي نفس الوقت طبعا سرقة الفلوس


وحملة ترشيد الاستهلاك في رمضان والفوانيس والياميش والبلح اللي وصل 24 جنيه واللحمة اللي بقت بـ 56 جنيه

والصعايدة الرجالة اوي اللي ضحكو علي الجزارين وباعو اللحمة البلدي بـ 25 جنيه

والمسلسلات والتلفزيون والبرامج التافهة اللي بيتصرف عليها من فلوسنا




بس قولت بلاش نكد في رمضان وكفاية علينا دخلت رمضان والمدارس والعيد في شهر واحد وربنا يقدرنا علي الصيام والقيام وختم القرأن






كل عام و أنتم بخير


الجمعة، 22 أغسطس 2008

حدوتة الكادر

اهلا بكم
بعد الفاصل الطويل والحاجات الكتير اللي حصلت مش حتكلم عن الانجازات اللي عملتها الحكومة وبراءة هاني سرور وممدوح اسماعيل وحريق مجلس الشوري اللي حيترمم علي حسابنا وبفلوسنا لكن عايز اجابة لأسئلة من بعض المدرسين عن الكادر
بس الاول قبل اي حاجة هو ايه حدوتة الكادر دي ؟؟؟
من حوالي 3 سنين كدة الرئيس مبارك اتمطع وراح رازعنا قرار من قرارته الصائبة دائما وقال ايه حيخلي الحد الادني لمرتبات المدرسين الف جنيه والحد الادني لمعاش المدرسين 500 جنيه والحافز 150% وطبعا القرار ده كان زي قرار العلاوة اللي فاتت يعني من الاخر اشتغالة
بس مع الوقت المدرسين حالتهم ادهورت اكتر من الاول فعملو بالمثل بتاع اليهودي لما بيفلس بيدور في دفاتره القديمة
ولما نكشوا في الدفاتر القديمة ايدهم جت بالصدفة علي قرار الكادر ومسكو فيه واخذو يطالبون بتحقيقه

وطبعا علشان الحكومة بتاعتنا ماشية علي مبدأ ان هي مش حتنفذ اي كلمة بتقولها راحت اخترعت بقي حاجة اسمها اختبارات الكادر
ونزلت نماذج امتحانات وكمان نزلت نماذج اجابة للامتحانات دي علي النت وبكدة تخلي المدرسين بالعافية يتعلمو كمبيوتر وانترنت علشان يقدموا علي النت في اختبارات الكادر وعلشان ينزلو نماذج الامتحان واجابتها من علي النت
طيب يعني ايه اختبارت الكادر ؟؟
الاجابة من احد المدرسين وهو انه حيختبر المدرس في 3 حاجات
( اللغة العربية - اختبار تربوي - مادة تخصص )
السؤال بقي اللي سألهولي احد اصدقائي من مدرسين مادة التربية الرياضية
( يعني الالعاب )
قالي بالنص انا راجل متخرج من اكتر من 10 سنين ولما كنت في الكلية دخل دكتور لغة عربية علشان يدينا مادة العربي اللي كانت مقررة علينا في التيرم الاول من سنة اولي كلية ضحكنا عليه ومرضناش نحضر ومن ساعة ما خلصت ثانوية عامة وانا ما فكرتش ابص في كتاب عربي جايين دلوقتي يختبروني في مادة اللغة العربية طيب انا بقي حستفاد ايه يعني وانا بوقف العيال في الطابور الصبح حقول زراعين امام رفعا مع وضع فتحتين علي حرف الألف ولا حعرب الجملة قبل تحية العلم ؟؟؟ ده السؤال الاول
السؤال الثاني قالي انا تخصص جمباز في الكلية جايين دلوقتي بعد ما طلعلي كرش يسألوني الاعصاب اليمفوية البيضاء سريعة الانقباض ولا بطيئة الانقباض ؟؟ ده السؤال الثاني
السؤال الثالث قالي ليه بقي الدكتور يسري الجمل وزير التعليم مدخلش الاختبارات دي ليه مش المفروض ان هو((( رأس الافعي ))) قصدي الرأس المدبر للوزارة ؟؟؟
السؤال الرابع علي لسان احد اساتذتي وهو مدرس لغة انجليزية والاستاذ ده كان مشهور ان هو في البيت كان بيكلم مراته انجليزي لأن هي كمان مدرسة انجليزي وفي الفصل مش بينطق ولا حرف عربي ناقص يشتري الخضار من السوق بالانجليزي قال طيب انا اصلا قربت انسي العربي ومش حستفاد بيه في الشغل خالص يبقي ليه بقي حتخليني امتحن عربي ؟؟
بالنسبالي انا بقي عايز اسأل سؤال هو حضرتك يا سيادة الوزير فاضي ومش لاقي حاجة تعملها؟؟ علشان كدة اخترعت حوار الكادر ولا بتحل مأزق وقعك فيه الرئيس مبارك ولا الموازنة العامة للدولة فلست ومفيش فلوس تصرفوها للمدرس
بلاش افترا على الناس الغلابة وبعدين مين اللى خرج الوزراء والريس مش هما المعلمين اللى انتوا بستهزءوا بيهم دلوقتى ؟؟
سوال اخر سيادة الوزير
ما رايكم عندما يقول طالب ابتدائى للمعلم انت هتروح تمتحن ثم يضحك ؟؟
علي فكرة حرام عليكم والله اللى بتعملوه فى الناس انتم قلتم كادر المدرسين قالت شكرا لكن عينكم فيه ده حرام مش قادرين عليه انتم احرار تقولوا كلام وانتم مش قده برضه انتم أحرار لكن تلعبوا بالغلابة ده ممنوع يا حكومة مش فاهمة حاجة وفى الآخر تقولوا برنامج الريس طيب ابقي سلملي علي الريس
واسأله هو المدرسين بتوعه اللي درسوا له السنين دي كلها وخلوه وصل لرئيس جمهورية امتحنوا كادر ولا لا ؟؟
غير بقي ان في حاجة قالهالي اخصائي اجتماعي ومحدش واخد باله منها
التربية الاجتماعية خلت اسئلة النماذج المرحلة الثانية من كادر المعلمين بأسئلة خاصة بها وهذا يعنى حرمان الاخصائيين الاجتماعيين من حصولهم من كادر المعلمين للمرحلة الثانية فهل هذا مقصود من وزارة التربية والتعليم ؟؟؟

ولما سئلت ناظر مدرسة اعدادية عن الكادر مكنش عايز يرد عليا ولما عرف اني حنشر الكلام علي النت رد عليا كادر ايه اللى انت جاى تقول عليه...يكفى احراج مكانة المعلم المصرى على مستوى العالم بعد ان كان يشار اليه بالبنان..جميع دول العالم كانت تتعاقد مع الحكومة المصرية على استعارتنا باغلى الاسعار فتشفط الحكومة اكثر من النصف ..اما الان..........حسبنا الله ونعم الوكيل ..ضاعت هيبة وشرعية وشرف المعلم المصرى ..من اجل 100 جنيه....اهوووو..مخرج وخلاص من قرار رئيس الجمهورية ...ولكن ما يحزننى اننا ثمار هذا القرار فى عقود قادمة من الاهانات والتجريح فى الدول العربية على وجه الخصوص ...ناهيك عن وقف الاعارات والتعاقدات الا بشرووووووط قاسية....ارجو من سيادة رئيس الجمهورية السيد\محمد حسنى مبارك بسرعة التدخل لايقاف هذه المهزلة الهزلية المبكية فى حق التعليم المصرى والمعلم المصرى

طبعا لو الكلام ده منفعش كالعادة والوزير عمل اللي في دماغه
فإليك ايها المعلم بعد النصائح

فى مقولة بتقول (يعيش المعلم ويتعلم) ودى الى ماشى بيها سيادة الوزير
1-لازم تذاكر كويس
2-تجهز قلمك ومسطرتك واستيكتك وقلم رصاص
3-لازم تسطر ورقة الاجابة كويس
4-تحسن خطك وتوضح الاملاء
5-لازم تقرا الفتحة واية الكرسى علشان تبعد عنك الشطان
6-اقرأ ورقة الاسئلة كلها الاول
7- لولقيت سؤال صعب سيبة للاخر
8-اكتب اسمك على ورقةالاجابة بوضوح
9-اكتب رقم جلوسك بوضوح
10-اعتمد على نفسك بس
11-اياااااااااكم ... والغش
12-لما تخلص سلم الورقة واخرج للى جاى يوصلك للامتحان واوعى تقلة الامتحان صعب (عييييب) وفى النهاية ربنا يوفق الكل
***
اخر الكلام خالص سألت واحدة جارتنا والدتها مدرسة قالتلي حرام عليهم مش عارفين ناكل كل ما نقول لماما اطبخي تقولنا انا بذاكر

الثلاثاء، 19 أغسطس 2008

BACK

BAAAAAAAAAAAAAAACK
البوست ده ملهوش اي لزمة غير اني بجد عايز اقول للناس اللي سألت عليا شكرااااا شكراااا شكراااا
وبجد وحشتوووووووني
واخص بالذكر ( حنان الشريف ) قطة الصحراء اللذيذة اللي بجد احرجتني بزوقها وذكائها
وكمان عايز اقول لرحاب ( APPY ) ربنا يخليكي للغلابة وبجد سؤالك عليا وانا مش موجود خلاني فرحان اوي
وكمان اللي عايز اقولها شكرا كتير امي الصغيرة واختي الكبيرة ( ام اياد ) سبهللة اللي بجد اول ما شوفت تعليقها كنت حعيط من الفرح
وكمان البنت همس المتغاظة طلعت جدعة اوي وسألت عليا
مش عايز انسي اي حد سواء كان سووو او تامر نبيل او ابراهيم او المهاجر او ملك الكبدة او اي حد سأل عليا خلال الشهرين اللي فاتو بس هو فعلا كانو اصعب شهرين مرو في حياتي بس الحمد لله عدوا خلاص حصل خلالهم حاجات كتير اوي بس للاسف انا كنت بمعزل عن العالم وانشاء الله حرجع تاني وحعمل نيو لوك بس بعد ما اخد فترة نقاها قصيرة
وكل سنة وانتم طيبين بمناسبة شهر رمضان وربنا يكرما ويقدرنا علي الصوم والطاعة خلال الشهر الكريم
اخيرا عايز اقول ان انا بجد عرفت قيمة الحكومة اللي انا ضدها علشان خلتني اعمل مدونة واتعرف علي ناس محترمين وشباب بجد خايف علي بلده ربنا يحميكم
ونلتقي بعد الفاصل

الأحد، 15 يونيو 2008

كنت فين يا خشب لما كنا نجارين





استمرار مسلسل الفساد العالمي في مصر

**************

بعد اقالة وزير التعليم لمشرفي توزيع أسئلة الثانوية العامة في المنيا بلاغ جديد حول تسريب امتحان الإنجليزي للثانوية العامة ..واكتشاف‏ 8‏ لجان مخصصة لأبناء المسئولين

هذا الموضوع يشغل العديد من الاسر المصرية فهم يستثمرون اموالهم في ابنائهم حيث يعمل الاب والام ليلا ونهارا لكي يستطيع ان يدبر الاموال اللازمة للدروس وبعد استنفاذ جميع الموارد المتاحة والغير متاحة يفاجئ الابوين بأخبار تسريب الامتحانات فلك ان تتخيل كم حرقة الدم التي تصيب الابوين فور سماع هذة الاخبار فكيف ان يجد ويكدح ويجتهد الابوين لتوفير الاموال ويجد الطالب ويجتهد لمذاكرة ما دفع فيه ابويه الاموال
ان يفاجئ بأن طالب اخر لم يجد ولم يجتهد ولم يكن له دخل بأي شئ ولا يفقه شئ عن شئ فقط كل مؤهلاته ان ابوه مسئول او حالته المادية متيسرة قد حصل علي الامتحان بكل بساطة بدون تعب وبدون مجهود ومع كل هذا ينفي سيادة اللواء المحافظ احمد ضياء الدين وهذا ليس جديد عليه فهو يتبع من فترة ليست بالقصيرة سياسة ترويج الاشاعات والنفي والقاء التهم جزافا
لذلك لا نستغرب موقفه

اتذكر ايام الثانوية العامة فهي فعلا كانت احلي ايام العمر لكل الطلبة كنت طالب عادي جدا بذاكر في المراجعات فقط لمجرد انتظار فرصة تسمح لي بالغش وهذا ما يسمي بالاجتهاد للغش يعني من الاخر كنت بغش بمجهودي وكنت انتظر فرصة الغش مع احساس بالرعب والفزع من والدي فهو لم يكن يتخيل الي الان اني كنت اغش في اي يوم من الايام بس اي حد بيفهم في موضوع الغش حيعرف ان مينفعش تغش وانت مش مذاكر بمعني ان مينفعش احل امتحان الكيمياء وانا مش عارف السؤال ده في انهي باب والا ح ابحث عن اجابة سؤال في الكهربية في الباب التاسع اللي هو العضوية يعني الخلاصة لو انا مش مذاكر يبقي مش حغش مع العلم ان مش اي حد مذاكر بيعرف يغش مع وجود بعض المواد لا تصلح للغش مثل الرياضيات مثلا

فكيف لطالب لم يجتهد ليذاكر ولم يتجتهد ليغش ولم يجتهد ابويه ليحصلو علي الاموال ان يغش ؟؟

من يشترى لابنه اسئلة الامتحان و يعطيها له ثم يودعه و يقبله و هو ذاهب للامتحان و يقول له ربنا معك...الا يخشى انه لن يراه ثانية؟
,وليخش الذين لو تركوا من خلفهم ذرية ضعافا خافوا عليهم فليتقوا الله وليقولوا قولا سديدا ,صدق الله العظيم

طيب تخيل طالب مش مذاكر ومش عارف يغش طيب ده حيعمل ايه ؟؟؟ الاجابة الوحيدة اللي مكنتش متاحة علي ايامي هي انه يشتري الامتحان وده بقي الجديد طيب الكارثة بقي في ان الطالب ده من غير والده مكنش حيعرف يعمل اي حاجة وطبعا بما ان والده مسئول كبير فهو ليس قادر فقط علي ان يشتري له الامتحان ولكنه قادر ايضا علي ان يجعل ابنه يؤدي الامتحان في احد المستشفيات ( لجنة خاصة )

وهنا فقط انا احسد هذا الطالب علي فرصته في الغش فهو ليس متاح له الغش فقط ولكن معه الامتحان والاجابة ولجنة خاصة المراقبين اللي فيها كلهم متظبطين علي رأي مرجان احمد مرجان ( شربو شاي بالياسمين ) فهل لو توفرت لي كل هذه الامكانيات تري اين كان مكاني بين الكليات ؟؟

اذا نظرنا لحال مصر الان نجد سرقة الأعضاء.2- سرقة الأراضي.3-سرقة الذمم 4-سرقة الامتحانات.5-سرقة عضوية المجالس التي تعطي الحصانة.5- سرقة رئاسة الجامعات. 6- سرقة اسلاك الكهرباء.7- سرقة كابلات السد العالي.7-سرقة قضبان السكك الحديدية. 8-سرقة أموال الحجاج(وزارة الداخلية).9-سرقة المواطنين مصر اصيبت بأمراض عديدة وأصبحت كالسيدة العجوز التي تنتظر ملاك الموت ليخلصها من الحياة
وهنا يهمس احد الخبثاء الامتحان واتسرب والغاز واتهرب
اتذكر قول الشاعر الكبير فاروق جويدة

هَذِي بـِلادٌ .. لمْ تـَعُـــدْ كـَبـِلادِي لاشيء يبدو في السَّمـَــاءِ أمـامنـــا غيرُ الظـلام ِوصــورةِ الجــلاد

وَدُعَاءُ أمي ..”كِيسُ”مِلـْح ٍزَادِي رُدُّوا إلي أمِّي القـَمِيـــصَ فـَقـَـدْ رَأتْ مَالا أرَي منْ غـُرْبَتِي وَمُـرَادِي
وَطـَنٌ بَخِيلٌ بَاعَنــي فـــــي غفلـــــة ٍحِينَ اشْترتـْهُ عِصَابَة ُالإفـْسَـــادِ

في لـَحْظـَةٍ سَكـَنَ الوُجُودُ تـَنـَاثـَـــرَت ْحَوْلِي مَرَايا المَوْتِ والمِيـَـــلادِ قـَدْ كـَانَ آخِرَ مَا لـَمَحْتُ عـَلـَي الـْمَـدَي
وَالنبْضُ يخْبوُ .. صُورَة ُالجـَلادِ قـَدْ كـَانَ يضْحَـكُ وَالعِصَابَة ُحَوْلـَــــــهُ وَعَلي امْتِدَادِ النَّهْر يبْكِي الوَادِي

وَصَرَخْتُ ..وَالـْكـَلِمَاتُ تهْرَبُ مِنْ فـَمِي :هَذِي بـِلادٌ .. لمْ تـَعُـــدْ كـَبـِلادِي

وانا اضم صوتي لصوت احدي الطالبات في محافظة الاسكندرية فهي قالت لي بالحرف الواحد ماليش دعوه يا اما الامتحانات تتسرب فى كل المحافظات او بلاش تسريب خالص والامتحانات السنه دى وحشه زفت

وعلي رأي مرجان مصر كلها شربت شاي بالياسمين

الأربعاء، 11 يونيو 2008

اخر الرجال المحترمين



تحية لكل رجل شريف غيور علي حقه وحق بلده
*********
لا يوجد في وسعي غير ان ارفع القبعة لأحد الرجال المحترمين الشرفاء وهو النائب العام المستشار / عبدالمجيد محمود
بعد القرار الصائب الذي اتخذه بالنقض على الحكم الذى اصدرته محكمة جنايات القاهرة ببراءة جميع المتهمين فى قضية أكياس الدم الفاسدة الموردة من شركة "هايدلينا" الى وزارة الصحة وهو الحكم الذي اثار الشارع المصري وكان بمثابة المفجأة الفاجعة او الصدمة للجميع
ويعد هذا الحكم بالبراءة دافع قوي للتشكيك في موت المستشار أحمد عزت العشماوي الذي لقب بجلاد الفاسدين فهذا المستشار النزيه رحمه الله كان من اول المدينين لقضية اكياس الدم الفاسدة وهو الذي أمر بالقبض علي المتهمين وهم حضور في احدي جلسات المحكمة دون اي مقدمت غير انه قد التمس الادانة من الادالة المادية وقد خاف المستشار العشماوي من هروب هاني سرور ورفاقه الي خارج البلاد مثل ما فعل الكثير غيرهم من امثال اشرف السعد وممدوح اسماعيل ولذلك تحفظ عليهم وهم بداخل قاعة المحكمة وامر بألقاء القبض عليهم فورا
وبعد مرور خمس جلسات ترأسها المستشار العشماوي وافته المنية وانتقل الي جوار رب كريم في ظروف غامضة واثيرت الشكوك في موته لكن سرعان ما توارت هذه الشكوك بفعل فاعل ولكن من ابرز هذه الشكوك أن أسرة المستشار العشماوي عندما نشرت نعيه في ذكرى الأربعين في صحيفة الأهرام بتاريخ الخميس ٢٤ أبريل الماضي في الصفحة 38 ، قالت ما نصه
«شكر وذكري الأربعين» «ولا تحسبن الذين قتلوا في سبيل الله أمواتا بل أحياء عند ربهم يرزقون» أسرة المرحوم المستشار الجليل أحمد عزت العشماوي، تتقدم بخالص الشكر إلي كذا وكذا ، ... لا أراكم الله مكروها في عزيز لديكم، «ولكم في القصاص حياة يا أولي الألباب» ، وقد فهم من قرأ هذا النعي المثير أن موت المستشار العشماوي لم يكن وفاة عادية ، وإنما هو أقرب إلى "الشهيد" ، وأنه "قتل" ، لأن الأسرة استدلت صراحة بالآية الكريمة "الذين قتلوا في سبيل الله" ، ثم أضافت إشارة أكثر خطورة إلى أنه قتل غدرا وأنها تتمنى "القصاص" من قاتليه ، مستشهدين بالآية الكريمة "ولكم في القصاص حياة" ، وهذا نعي لا مثيل له فيما أعرف ، فما الذي تقصده أسرة فقيد العدالة الكبير ، هل قتل المستشار العشماوي أثناء نظره قضية هايدلينا ، التي رأس فيها خمس جلسات أمر فيها بحبس جميع المتهمين ، ثم انتقلت القضية لغيره بعد مقتله أو وفاته ، الله أعلم ، وإذا صح ما فهمه الكثيرون من إشارة عزاء أسرته من أن الراحل الكبير قد قتل ، فمن الذي قتله ، وما مصلحته في قتل أشهر سيوف القضاء على رؤوس المفسدين لهذا وبعد ما صدر من النائب العام المستشار عبد المجيد محمود فقد يطمع بعض من الشعب المصري في نزاهة المستشار عبد المجيد محمود ونطلب منه ان يتم جميله علينا ويأمر بالتحقيق في التالي
1 - بفتح تحقيق في وفاة المستشار أحمد عزت العشماوي والاستماع إلى شهادة أسرته، ومصارحة الرأي العام بما ينتهي إليه التحقيق
2 - قضية المبيدات المسرطنة والمتهم فيها وفيما حولها من روافد ..يوسف والى
3 - القمح المسرطن الذى قررالخبراء عدم صلاحيتة وتم تهريبة وبيعة للناس
4 - المخالفات المالية فى جريدة الاهرام والمتهم فيها ابراهيم نافع
5 - قضية غرق العبارة ومن الذى وقف خلف تهريب صاحبها ومن هم شركائه
6 - قضية بيع الغاز للعدو الاسرائيلى تحت بنود سرية وحاسبة المسئول عن الصفقة وخاصة المهندس سمح فهمي وزير البترول ورجل الاعمال حسين سالم
7 - توريد الحديد والاسمنت للعدو الاسرائيلى لبناء الجدار العاذل والمستوطنات على الارض الفلسطينية
8 - قضية بيع الاراضى لرجال اعمال لكى يستصلحوها ارض زراعية وتم تسقيعها وبيعها ارض بناء والفارق فى السعر كبيربشهادة الجهاز المركزي للمحاسبات والغرض مخالف لهدف الاستخدام
9 - قضية احتراق القطارات بركابها لاهمال الصيانة
10 - قضية تدمير القطاع العام وبيعة لاسماء بذاتها بأبخس الاسعار
11 - قضية اختفاء 17مليار جنية من حصيلة بيع القطاع العام
12 - احتكار الحديد ومحاسبة المسئول عن تفصيل القوانين لحماية المحتكرين واعوانهم من امثال احمد عز
13 - محاسبة القضاة والمستشارين اللذين اصدرو حكم البراءة لهاني سرور مع تقصي دوافع هذا الحكم المشين والمهين للقضاء المصري الشريف
سيدى المستشار الموقر ...انت من يجب علية حماية ممتلكات هذا البلد..انت الملاذ الاخير لهذه الامة التى بليت باشياء كثيرة وهذا قدرك ان تحمى المجتمع من الفاسدين والمفسدين...اتمنى ان ارى بلدى مصر ام الدنيا كما كانت ام الدنيا...وهناك الكثير وانت تعرف كل شيىءاكثر من اى شخص اخر فحارب وبشدة كل اشكال والوان الشر فمصر تستحق ان يدافع عنها رجال من امثالك وسوف يلتم حولك الشرفاء والله معك ونحن نقدر لك ما قمت بة وفخورين بك..ويبقى امامك الكثير للقضاء على الفساد واستعادة ثقة الشعب فى نفسة..اولا وثانيا لكى يعرف الشباب المصرى اليائس ان هناك قانون يحكم وليس شلة او عصابة.
وهنا فقط سوف يهلل الشعب المصري بأكمله ويصيح الله اكبرويحمد الله علي انه لايزال في مصر مسئول عنده ضمير و عنده الشجاعة لمواجهة الفساد مهما تكن العواقب ..وسوف يوجه جميع افراد هذا الشعب تحية حب واجلال لهذا الرجل الشريف الذى أبى أن تسقط ورقة التوت عن القضاء المصرى المتسيس و الذى كنا يوما نحسبه اخر رموز الشرف و النزاهة المتبقية لهذا الوطن البائس الذى غرق فى أعماق الفساد و لم يعد يسمع له صريخ أو حتى أنين حيث مات اكلينيكيا تحت وطئةالظلم و الجوع و الفقر و الجهل و المرض

الأحد، 8 يونيو 2008

ازمة مستشفي المطرية ** وتصريحات المسئوليين الجهنمية !!!!

بعد وفاة الاطفال الاربعة بوحدة المبتسرين بمستشفي المطرية نفي الدكتور محمد عوض، رئيس الشركة القابضة لكهرباء مصر، أن يكون لقطاع الكهرباء أي علاقة بحادث انقطاع التيار الكهربائي، عن مستشفي المطرية التعليمي، الذي تسبب في وفاة ٤ أطفال رضع
الموضوع ده من الاسبوع اللي فات بس انا مكنتش عايز اكتب عنه اي حاجة لأني مش عارف حيثيات الموضوع خالص بس بعد تصريحات الدكتور اللي قال فيها «إحنا بعيد عن هذا الموضوع، ولا علاقة لنا بوفاة الأطفال، فمسؤولية وزارة الكهرباء تنتهي عند العداد». بصراحة استفزيت طيب يا دكتور انا عايز اسأل حضرتك لما المسئولية بتاعتكم بتخلص عند العداد مين اللي مسئول عن الصيانة ؟؟ ومين اللي مسئول عن تشغيل العداد اللي مسئولية حضراتكم بتخلص عنده ؟؟؟ ثم أضاف: «يجيبوها يمين يجيبوها شمال إحنا بعيد، ولسنا سبباً في هذه العملية، فالتيار الكهربائي كان يصل إلي العداد الخاص بالمستشفي حتي الساعة الثانية صباحاً، وهو الوقت الذي توفي فيه الأطفال، أما ما حدث بعد ذلك فنحن لا نعلم عنه شيئاً». وقبل ما ارد علي الدكتور عايز اذكر حاجة صغيرة للاسف اننا لانتحرك الابعد حدوث كارثه.
بعد كل هذا التقدم من المؤسف انه يحدث انقطاع للتيار ومن الممكن ان تكون داخل مصعداو عياده لطبيب بها أجهزة أو--أو-- بغض النظر عن هذا الحادث
1- كل مستشفي يجب أن يكون بها مولد كهربى(ديزل) يعمل أوتوماتيك عند انقطاع التيار ويتم عمل الصيانه الكامله له كل فتره وتجربته كل أسبوع للتاكد من عمله فى حاله الطوارئ
2-كل مستشفى يجب أن يكون بها وحده UPS أيضا وهى تعمل فى حاله الانقطاع وعدم دخول الديزل أوتماتيك لسبب ما وهذه الوحده يتم توصيلها للأماكن الحيويه مثل غرف العمليات والعنايه المركزه وغرف الأطفال المبتثرين والاستقبال والطوارئ
وهذا لا ينفي المسئولية عن قطاع الكهرباء حيث انه في دول كثيرة اقل من مصر في المستوي الاقتصادي
3- يوجد لكل مستشفي عدد 2 خط كهرباء احدهم اساسي يعمل بنظام التوالي والتوازي والاخر يعمل بمجرد انقطاع التيار الكهربي عن الخط الاول وهي كهرباء مباشرة ( Static electricity )
يعني يا دكتور حضرتك تجيبها يمين او تجيبها شمال لازم يكون لوزارة الكهرباء دخل باللي حصل ؟؟
طيب حنقول ان الاطباء هم المسئولين ؟؟؟ رد احد الاطباء في برنامج العاشرة مساءا يوم الاربع بأن الاطفال ماتو مبتسرين يعني ماتو قبل ما الكهربا تقطع يعني بمعني اوضح المستشفي ملهاش ذنب و وزارة الكهرباء كمان ملهاش ذنب
طيب الاطفال دي ماتت ازاي يا دكتور يا بتاع الكهرباء ؟؟؟
طيب الاطفال دي ماتت ازاي يا دكتور يا بتاع المستشفي ؟؟؟
الاجابة حتبقي بعد تقرير الطب الشرعي واللي حيثبت ان الاطفال ماتو منتحرين
الله يرحمك يا سيدي يا عمر بن الخطاب رضي الله عنه كان يقول لو عثرت بغلة في العراق لكان مسئول عنها عمر في أيامنه الغبره كل مسئول يتنصل من مسئوليته واساتذه في الفزلكة ورمي المسئولية على الآخرين وبنفس البراعة لو كانت هناك نجاحات لتسابق عليها جميع الأكابر وكل ينسب النجاح لنفسه لان الفشل يتيم ما تلقيش له أب وموت أطفال داخل حضانة في مستشفى تعليمي في أي مكان في العالم يعني انتحار كل مسئول وأولهم وزير الصحة والوزير بتاع الاتجاهات يمين وشمال هو بريء أصله متعود على كده أنا كنت عايز أسمع كلام الوزير لو الأطفال دول كانوا أبناء مسئولين أو ابناء جاليات من خارج المخروسة - اقصد المحروسة لازم كان حيقول كلام تاني خالص
وهنا جدير بالذكر ان في دول اقل احتراما من مصر كانت استقالة الحكومة بأكملها لو حدث مثل ما حدث او علي الاقل كان استقال وزير الصحة و وزير الكهرباء او احدهم وده يبقي اضعف الايمان مش يتنصل كل منهم من المسئولية ونذكر اليابان عند حدوث زلزال 2004 استقال وزير الاسكان مع انه طبعا مش هو اللي عمل الزلزال ومكنش فيه اهمال في انقاذ ضحايا الزلزال لكنه لم يقدر علي تحمل مسئولية وفاة اشخاص

فهل نحن اقل من اليابان ؟؟؟ الاجابة معروفة وهي طبعا نحن اقل من اليابان
طيب هل نحن اقل من كندا التي استقال فيها وزير الخارجية لتركه وثائق سرية بمكان غير آمن ؟؟ والاجابة معروفة وهي ايضا نعم نحن اقل من كندا

هل نحن اقل من روسيا التي قدم وزير الدفاع استقالته لقرابته من رئيس الوزراء الجديد ؟؟؟
وهل نحن اقل من ايطاليا التي استقال فيها وزير الاصلاح بعد ارتدائه قميص مرسوم عليه الكاريكاتير المسئ للرسول( صلي الله عليه وسلم ) ؟؟
يذكر ان في كل الدول لم يتسبب اي من الوزراء السابقين في موت صرصار بسبب الاهمال وليس اربع اطفال
في وسط كل هذا والسيد رئيس الوزراء لم يعقب علي الموضوع بأي شكل ولم نري له اي تصريح سوي تصريح وحيد علي ظلال مؤتمر دافوس للمطرب تامر حسني حيث قال له «شرفتنا يا تامر وإحنا بنحب نتشرف بيك في أي تعامل باسم مصر ونعتبرك واجهة لبلدك». وهنا يهمس في اذني بعض الخبثاء كيف يصبح تامر حسني واجهة للبلد وهو مدان في قضية مخلة بالشرف ؟؟
كم كنت اتمنى ان يقال ذلك لعالم او عامل شريف وليس لطالب فاشل دراسيا مزور هارب من ضريبة الرجولة
وهنا اسئل احمد نظيف بماذا شرف تامر حسني مصر شرف مصر لانه تهرب من التجنيد ولا شرف مصر لانه مزور ولا شرف مصر لان اتهم في قضيه تمس الشرف ؟؟؟ لكي الله يا مصر
والله بالله تالله لو تشريف الدولة بالتزوير والتهرب من الخدمة العسكرية لفعلتها
وهنا ارد علي اسطورة جيله تامر حسني بس إلي قالك يا تامر انك شرفت البلد هو نفسه إللي ضيع شرف البلد و اتباعة علي اي صعيد خلال الـ20 سنة
يعني حضرتك يا دكتور نظيف مش شايف الاطفال اللي بيتقتلو بسبب الاهمال ومش شايف القوانين اللي بتتفصل علشان المحتكرين يهربو بفلوس الشعب ومش شايف العمال المعتقلين اللي لسة خارجين من السجون وما زالو يعانون من اثار التعذيب ؟؟
الي هذا الحد وصل التبجح بالحكومة المصرية ؟؟
الي هذة الحالة من الهذيان وصل السيد رئيس الحكومة والحكومة ؟؟؟
طيب انا لسة ضد الـحـكومة

الخميس، 5 يونيو 2008

دلع عيني دلع --- عز عملها وخلع


ويستمر مسلسل تدمير مصر على ايدي ابطال الحزب الوطني ومحتكري السلطه وينجح احمد عز ورفاقه من رجال اعمال سلطه حكومه الخراب الوطني ويفلتوا باموالهم المشبوهه التي امتصوها من دم الشعب المصري بمساعده الحزب الوطني وينجح نواب الشعب من الحزب الوطني ولااريد ان اقول انهم نواب شعب فالشعب منهم برئ ونعلم تماما كيف دخلوا المجلس واصبح نواب الحزب الوطني متواطئون مع المحتكرين في سرقه اموال الشعب حيث لم يفلح أحمد عز في الاجتماع الأساسي الذي أدرجت فيه جريمة الاحتكار ضمن جرائم غسيل الأموال. فهو اليوم في ذكري النكسة قام علينا بأجتماع عاجل للجنة التشريعة بمجلس الشعب برئاسة الدكتورة امال عثمان بألغاء المادة التي قضت بإدراج الأموال المتحصلة من الممارسات الاحتكارية علي قائمة جرائم غسيل الأموال. والاجتماع ده يعتبر الاول من نوعه في تاريخ مجلس الشعب حيث انه لم يستغرق اكثر من أكثر من ٧ دقائق ولم يحضره غير عدد قليل من نواب الحزب الوطني، ولم يحضره اي شخص من المعارضة وهنا واحتج النواب، الذين حضروا بعد انتهاء الاجتماع بدقيقة واحدة، ومنهم جمال حنفي، وعلاء عبدالمنعم، ومحمود عامر، وطلعت السادات، وأحمد ناصر، حيث أبدوا غضبهم لإبلاغهم بموعد الاجتماع قبله بساعتين فقط، دون تحديد ما ستتم مناقشته فيه. يعني اجتماع محدش يعرف عنه اي حاجة غير قبل المعاد بساعتين ولم يستغرق سوي سبعة دقائق والناس تحضر بعد ما يخلص بدقيقة واحدة ده ممكن نقول عليه ايه ولماذا يتفاني طباخين القوانين المسلوقة في بلدنا المريضة الي مساندة ومناهدة احمد عز بالقانون يعني ليه يعملو قانون يفيد بأن الممارسات الاحتكارية ليست خفية، وإنما علنية، وبالتالي فإنها لا تنطبق عليها فلسفة قانون مكافحة غسيل الأموال. لا وكمان الحكومة طلبت إعادة المداولة حول إضافة أموال الممارسات الاحتكارية إلي غسل الأموال، يعني المعارضة رافضة والشعب رافض واللجنة المركزية يوم الاحد الماضي ايضا كانت رافضة ولكن إرادة عز الحديدية المباركة أمرت بأن يتم عقد الاجتماع وعدم أعطاء الأعضاء إللي دمهم مش خفيف الفرصة ليحضروا ويعترضوا. وبالأمر تم حذف النص إللي معجبش عز في أول اجتماع. اسلوب ادارة البلد بالطريقه دي تدل علي شيئ واحد هو ان النظام الحاكم وحكومته وحزبه ولجنة سياساته ونوابه في مجلس الشعب والشوري واثقين تماما ان مافيش اخره ولا في جنة ولا نار ولا حساب ولا بعث بعد الموت
لأن اللي بيحصل ده ظلم بين ولا يرضاه حتي الشيطان
يعني الامل الوحيد اللي كان الشعب بيتعلق بيه وبيقول بكرة الحال حـ يتعدل ويجي اليوم اللي نعرف نرجع فلوسنا من عز خلاص مبقاش ينفع لأن الاحتكار دلوقتي بحكم القانون والدستور ليس عليه اي عقوبات وهذا الاجتماع ليس بغريب على لجنة اغلب اعضائها من الحزن الحاكم ومن نواب الاغبية ان تحذف وتضيف على هوا من يدير مصر وهو السيد احمد عز محتكر ثروات مصر من الحديد والسبب الرئيسى وراء باقى الاحتكارات والسبب الرئيسى فيما الت اليه الاحوال السيئة فى مصر من ارتفاع فى اسعار كل مناحى الحياة بداية من الارتفاع الجنونى فى العقارات الذى ينذر بكارثة اجتماعية محققة لا محالة انتهاءا الى ارتفاع اقل انواع الغذاء مثل العدس والفول . وكالعادة الاجتماعات المفاجئة التى لا يعلم بها اعضاء المعارضة الا قبل انعقادها بقليل لتاخذ نواب الاغبية حريتها فى اصدار ما تشاء من قرارات
عندما كنت في كلية التجارة علي ما اتذكر انه توجد مادة تسمي بالاقتصاد وفي ألف باء الاقتصاد توجد قاعدة اقتصادية تنص علي أن سوق المنافسة الكاملة لا يتوفر إلا إذا توفرت المعلومات لكل الناس واللي بيحصل في بلدنا ان مفيش معلومات لأي حد اصلا سواء من الاعلاميين او من الاشخاص العاديين فبالتالي لا توجد اي نوع من انواع المنافسات وده بيترتب عليه نتيجة واحدة وهي الاحتكار
ويعد الاحتكار والفساد ظواهر مرتبطة عضويا بأي نظام شمولي استولت فيه السلطة على مؤسسات الدولة وتسخرها لصالحها وأي نظام لايسمح لكل أصحاب مصلحة واحدة أن ينظموا أنفسهم في تنظيم يخصهم وأي نظام يستند على طبقة من ( رجال الأعمال ) أنشأها هو على نهب البنوك وضرب القانون بعرض الحائط وأي نظام يحتكر المعلومات لنفسه وهنا يتسائل بعض الشباب التي تسمهيم الحكومة بالقلة المندسة عن شئ واحد وهو الي متي سنظل نحارب طواحين الهواء ؟؟
فنحن في مصر يوجد لدينا مشكلة وهي أننا نحب أن نحارب طواحين الهواء وخيالات المئاتة. ودائما نشكو من الحكومة (التي نقصد بها الوزراء) ، ونشكو من الأغلبية في مجلس الشعب ، ونشكو من واضعي القوانين المشبوهة والموافقين عليها ، ونشكو من مزوري الانتخابات من غالبية الشرطة والقلة من القضاة والكثير من موظفي الحكومة ، ...إلخ والحقيقة أن القائم على الحكم حقيقة هم الأسرة الحاكمة وبعض أقربائها وأصدقائها من مراكز القوى التي قد لا يعلمها كثير من المصرين أما ما يتعاطى معه الناس ممن ذكرت أعلاه فهم خدم منتفعون تم تجمعهم وتبلورهم حول البؤرة الرئيسية ولا يملكون من الأمر شيء إلا في ضوء ما أعطي لهم من أوامر وسماحات وهم وكلاء أعمال للسادة الكبار الذين يأكلون معظم الوجبات ويتركون جزء منها للخدم بالطبع وهؤلاء الخدم يقومون أيضا بدور القناع (الماسك) الذي يرتديه السادة حتي إذا بلي وظهر سوءات ما تحته تم تغييره بقناع جديد صلاحيته لم تنته ولا أبالغ إن قلت إن هذا النموذج المحلي هو تقريبا النموذج العالمي للأنظمة الأجنبية الاستعمارية وأباطرتها فتلبس أقنعة من أنظمتنا الحاكمة لنا حتى تنأى بنفسها عن الاستبداد المباشر والاستيلاء على ثروات هذه البلاد وبالطبع أيضا تترك للخدم باقي الوجبات وتظهر هي بصورة الديموقراطية وحقوق الإنسان حتى إذا بلي القناع وأبدى ما خلفه من سوءات من يرتديه تم تغييره بقناع جديد وهكذا. فنحن الشعوب في آخر السلسة الاستغلالية. ... طيب ركزوا معي: ربنا قال عز من قائل: (ليميز الله الخبيث من الطيب ويجعل الخبيث بعضه على بعض فيركمه جميعا فيجعله في جهنم أولائك هم الخاسرون) عند صناعة الحديد الصلب في أفران الصهر يتم صهر المواد الخام التي يختلط بها الحديد مع الشوائب المضرة التي تضعف خصائصه ولا ينفع استخدامه بها ومع الصهر يرتفع الشوائب والمكونات الضارة على سطح المصهور وتكون طبقة تسمى الخبث (بفتح الخاء) ومع الصهر يتجمع الخبث وينفصل من الصلب ويطفو على السطح (ويعلو فوق باقي الحديد المصهور النقي) ثم في النهاية نميل الفرن قليلا فيسقط الخبث في مزبلة التاريخ ويظل الحديد النقي تنتفع به الشعوب ويصنع الدروع وأدوات الإنتاج يعني ربنا اللي قال طيب الحكومة بتاعتنا عايزة ايه ؟ انا متوقع ان السيد رئيس الوزراء سيلقي علينا بيان هذا نصه يا ايها المواطن العزيز لا تحشر نفسك فيما لا يخصك او فيما لا تفهم فيه...هل انت من المحتكرين او لك قضية غسيل اموال ....متبقاش غتيت وخليك فى حالك ومشاكلك ..العيش وحلينالك المشكله ومصارف المدارس وادينا بنحاول الثانويه وهنخليهالك سنه واحده بس خلى عندك دم وخليك خفيف ...يا سيدى المواطن تحدث عن مشاكلك فقط حتى لا توجع دماغك انت...لأن محدش هيعبرك وفى الاخر انت اللى هيجيلك المرض...احنا ورانا مشاكلك ومشاكل غيرك يعنى لازم تقدر ان احنا اللى شايلين كل المشاكل .عشان خاطرك انت بس احنا بننصحك وانت حر...عشان فيه حريه فى البلد...و...كفايه اننا سايبين القلة المندسة اللي اسمهم المدونين برة السجون لغاية دلوقتي وقد اعزر من انذر وهذا البيان يفلسف سياسة الاستاذ احمد عز رئيس لجنة الخطة والموازنة وهي
احتكار الحديد واحتقار الشعب
طيب في سؤال كدة صغير محشور في زوري وعايز حد يجاوبني عليه ؟؟
يعني قانون الطوارئ بقاله 27 سنة ومدوه سنتين كمان علشان قانون الارهاب اللي هو البديل بتاعه لسة متعملش
يعني قانون الارهاب يستغرق 29 سنة وقانون ممارسة الاحتكار يستغرق 7 دقائق ؟؟ في حاجة غلط ولا بيتهيألي
مهومن اللي بيحصل ده انا بقيت ضد الحكـومـة

الأحد، 1 يونيو 2008

سلام مدور.....علشان السلام المربع بقة غالي



المقال ده هدية من العبد الفقير الي الله تامر صلاح اللي هو انا
للحكومة اللي انا مازلت ضدها وبقولها الف مبروك علي انها اقرت قانون المرور غصب عن الشعب والمعارضة
مع اني محتار ودماغي حتنفجر ازاي الحكومة اقرت القانون وهم اصلا مكنوش موجودين في الجلسة بتاعة مجلس الشعب بدليل ان الدكتور احمد فتحي سرور رئيس المجلس شد مع الدكتور مفيد شهاب وده اللي سمته جريدة المصري اليوم أول صدام بين «سرور» و«شهاب» بسبب غياب الحكومة عن مناقشة قانون المرور وقال سرور إنه سيضطر إلي اتخاذ إجراءات حادة في مواجهة الحكومة، للحفاظ علي كرامة المجلس، ووصل الأمر إلي حد تهديده بإلغاء الجلسة، غير أن الدكتور شهاب دخل في اللحظة نفسها، وقال ـ موجها كلامه إلي رئيس المجلس ـ «يعز علي أن تكلمني بهذا الانفعال يا سيادة الرئيس، وأنت تعلم أنني مريض وخرجت من القاعة للذهاب إلي الحمام.. وكنت أتمني أن تقدر هذا الظرف ولا تضطرني إلي الدخول في التفاصيل»، وأغلق شهاب الميكروفون الذي يتحدث فيه بعصبية. طبعا الدكتور سرور مسكتش رد علي الدكتور مفيد وقاله «أعرف أنك مريض.. لكنك غبت ساعة.. فهل كنت في الحمام طوال هذه المدة؟.. وكلامي بانفعال لأنني أحترم المجلس». وكلمة احترم المجلس دي مجتش علي مزاج الدكتور مفيد فبرده قرر انه ميسكتش ورد عليه وقاله «وأنا أحترم المجلس قدر احترامك له»، لكن سرور ختم المساجلة بقوله: «كان الواجب أن تستعين بأحد زملائك ليعاونك ويسد فراغك، لأن غياب الحكومة استهانة بكرامة المجلس». الي يغيظ في كل ده ان الكلام ده علي الهواء مباشرة قدام كل دول اللي بتشوفنا علي الفضائيات ولما الدكتور سرور حس ان شكله بقي وحش هو والدكتور مفيد يعني يقوله كنت فين يرد يقوله في الحمام يعني شكلهم مش حلو فبعد فترة، ذكر الدكتور سرور أنه طلب من الأمين العام للمجلس حذف انتقاداته للحكومة من مضبطة المجلس، مبررا ذلك بأنه لم يكن انتقادا رسميا، وإنما تم في إطار العلاقة الودية التي تربطه بالدكتور شهاب. المهم بقي ان القانون اللي اقره المجلس حيخدم الشعب جدا وطبعا الشعب ده متمثل في المهندس احمد عز
ازاااااااااااااااااااااااي ؟
الاقرارات دي تنص علي ان اقصى عمر لسيارات الاجرة هو العشرون عاما فقد ووافق المجلس وسط اعتراض المستقلين على احلال سيارات الاجرة وسيارات نقل الركاب التي مضى على صنعها عشرين عاما بسيارات حديثة وطبعا الكلام ده مرفوض بسبب وجود في مصر اكثر من نص مليون سيارة عمرها تجاوز الاربعون عاما وهذا ما يعني انه قد يتشرد اكثر من نص مليون اسرة وقد واكد نواب المعارضة ان كل سيارات نقل الركاب بين المحافظات هى سيارات بيجو مضى على صنعها اكثر من اربعين عاما واكدوا ضرورة ان تكون الحالة الفنية للسيارة هى الفيصل. لكن كلام المعارضة مجاش علي مزاج المهندس احمد عز وحس ان كلام المعارضة في تعارض لمصلحته اللي هي طبعا مصلحة الشعب فرد علي نواب المعارضة وقال اننا يجب ان ننظر للامام ونتخذ قرارات شجاعة لان السيارات القديمة معدل استهلاكها للوقود اكثر وحالتها اصبحت تشكل خطرا على المواطنين وهناك قلة فى قطع الغيار وصعوبة صيانتها واكد ان التحديث صعب ولكن يجب ان ننظر الى مصلحة المجتمع وهناك دول عربية كثيرة اخذت بهذا الاسلوب منذ عشر سنوات . واضاف المهندس احمد عز علي كلامه ان هذا الجدل حول هذه السيارات انه نفس الجدل الذى ثار منذ ربع قرن حول الغاء العربات الكارو. وده بيأكد قد ايه ان المهندس احمد عز متابع التطورات من ايام العربات الكارو الي الان وطبعا كلنا عارفين ان بعض ما العربيات القديمة ما تتكهن وتبقي خردة حيتعمل بيها ايه ؟؟؟ بس المهندس احمد عز والحكومة مذكرتش ان اصحاب السيارات الاجرة حيجيبو منين الفلوس بتاعة الاحلال مع العلم بأن المصري اليوم انهاردة نشرت في الصفحة الاولي خبران
تقرير رسمي: كل مواطن مصري مديون للخارج بـ٣٩٨.٥ دولار
وهنا يكمن خوف بعض الشباب وانا منهم يعني أنا دلوقتي معيش غير 25000 جنية علشان أجيب عربية و دة بعد جمعيات و حوارات و حركات بهلوانية أعمل أية دلوقتي علشان أركب عربية؟؟ أسرقها و أغير رقم الشاسية زي ماناس كتير عملت ؟؟ ولا أدخلها من بورسعيد و أدفع10000 جنية رشوة لتسجيلها زي مابرضة ناس عملت ؟؟؟ ولا ..... نعمل حوار عربيات المعوقين التي هي بدون جمارك و متخافش مهو انت حتكون ممضية علي شيكات بالمبلغ !!! ولا أمشي مظبوط زي ماكنت عايز و أستني كمان 8 سنين ؟؟؟ بس ساعتها حيصدر قانون بمنع سيارات البنزين و أعطاء قروض ميسرة لشراء
السيارات التي تعمل بشخاخ البرغوث !!
ويلاحظ في دولتنا العظيمة ممبوزيا العظمي ( مصر سابقا ) ان القوانين بتتفصل من اجل مخالفتها فقط والكبار فوق القانون اى القانون عباره عن سقالة يرتفعوا بها على الناس وكذلك القانون بالنسبة للغلابة سيف بتار فهو لايعرف غيرهم ليطبق عليهم وايضا القانون بالنسبة للسلطة التنفيذية سبوبة للتربح وشراء الفيللات والشاليهات والجرى ورا الستات وانفاق الاموال عليهم انفاق من لايخشى الفقر لأنها احسن من بير بترول لاينضب .كذلك القانون بالنسبة للامن ماسورة يتدفق عبرها من تغضب عليه السلطة الى المعتقلات والسجون ومنها فرع الى ماوراء الشمس .وفى الاول والاخر نحن نعيش فى غابة ليس للقانون فيها وجود مطلقا .انظرو الى القاهرة ماهى الا اكبر قرية فى العالم كما قالو علينا الطلاينه زمان لما للعشوائية والقذارة واللامبالاه واللامسئوليه فيها من حضور
وهنا السؤال من احد الشباب المصريين جدا اللي مش عارفين يعملو حاجة غير انهم يحبو البلد من غير اي مبرر
س : يعني لا أكل و لا شرب و لا مصيف ولاعيش ولا شغل ولا جواز ولا عربية ولاأي حاجة نعمل ايه ؟؟
مع مراعاة ان .... مفيش بلد عايزة تدينا فيزا علشان نغور في داهية يعني اقتراح السفر غير متاح
يعني مفيش اي حل غير اننا نضرب للحكومة تعظيم سلام علي كل اللي بتعمله معانا من مد حالة الطوارئ لأقرار تعديلات دستورية ودلوقتي قانون مرور حيشرد اكثرمن نص مليون اسرة ويحبس اكثر من 2 مليون شخص بس يا ريت لما نضرب السلام يكون سلام مدور .....علشان السلام المربع بقة غالي!!.

الأربعاء، 28 مايو 2008

العلم نور فعلا ولا ( يكيل بالبادنجان )



قبل كل شئ برجاء كلنا نصلي علي النبي ( عليه افضل الصلاة والسلام )
الموضوع ده يا حضرات كبير فقد صرح الدكتور مفيد شهاب بصيغة الامر المغلظة وقال < احمدوا ربنا علي «الطوارئ».. والبلد لا يستطيع الحياة دونه لشهر واحد > وده يثبت ان الدكتور مفيد شهاب فاهم حاجات كتير اوي احنا كلنا موش فاهمنها وده طبعا بصفته راجل متعلم ومتنور ومخه شغال موش زينا احنا القلة المندسة اللي محدش فينا فاهم حاجة وبرده موش قادرين نفهم أهمية الحكومة الذكية الالكترونية وكلام الدكتور مفيد بيثبت ان العلم نور فعلا ولا ( يكيل بالبادنجان ) ... أشكر الدكتور مفيد جدا شهاب انه فهمنا الوضع وجاب التايهه وبحمد ربنا وببوس ايدى ( شعر ودقن ) ان انا عايش فى بلد الامن ( المركزى ) ... يبدو ان قانون الطوارىء ده طلع مهم وما نقدرش نعيش من غيره واحنا اللى طلعنا شعب غشيم وموش فاهم وظلمنا الطوارىء وسوأنا سمععتها ... وعندى رجاء من الدكتور شهاب لما الحكومة فى المستقبل - يعنى يديك طولة العمر - تفكر تلغى قانون الطوارىء ياريت يبقى بالتدريج و على مراحل مش مرة واحدة ليحصلنا صدمة
( اللاطوارىء) ودى ممكن تضرنا بجد وتأثر على الاصلاح والشفافية واحنا مش ناقصين
والسؤال هنا يعني حجة الدكتور مفيد ان قانون الطوارئ بيمنع الجريمة قبل حدوثها يا صلاة النبي
طيب اي محامي بيفهم او حتي مبيفهمش يعرف ان القانون يتعامل مع الجريمة ساعة حدوثها ( حالات التلبس ) او بعد حدوثها او عند الشروع فيها وده كلام ناس محامين كبار زي الاستاذ حافظ ابو سعدة انما قانون يمنع جريمة قبل حدوثها طيب ازاي ؟ مش فاهم يا جدعان
والمفروض كمان ان الدكتور مفيد كان يكمل جميله ويقولنا اذا كان هذا الكلام صحيح بمعنى انه كانت هناك جرائم تخريبية اجهضت فلماذا لم تقم الحكومة بالكشف عن تلك الجرائم واعلانها على الشعب حتى يكون على بينة من الامر وحتى لا يقولون ان هذا كلام مرسل لا اساس له من الصحة خاصة وان الثقة منعدمة بين الشعب والحكومة , اما قولكم انه لم يتم الاعلان عن هذه الجرائم منعا للشوشرة على سمعة مصر وحتى لايقال ان مصر غير مستقرة , فهذا القول لايصلح مبررا لعدم النشر اذ ان كلامك الان يفيد ان مصر غير مستقرة ولكن الحكومة تتستر على ذلك وتخفيه حتى لاتشوشر على نفسها , فكان من الافضل الكشف صراحة عن تلك الجرائم المبهمة اجلاءا للحقيقة وليس فى ذلك عيب بل ان فيه الدليل القاطع على وجود الارهاب وان الدولة تتصدى له بالمرصاد , اما التعتيم فليس فى صالح مصر , بقيت نقطة هامة جدا وهى ان قانون الطوارىء ليس معناه ارهاب المواطنين والبطش بهم وباسرهم بحجة ان البلد فى حالة طوارىء اقصد انه يجب الا يساء استعمال السلطة باسم قانون الطوارىء اذ ان قانون الطوارىء معناه انه لاتوجد ضمانات ولا حماية قانونية لاى مواطن فهو معرض فى اى وقت لان يجد نفسه تحت سيطرة الامن باسم الطوارىء والدليل علي كدة كريم البحيري وزمايله ايه تهمتهم وفين قرار حبسهم وايه حجة الامن لإعتقالهم غير قانون الطوارئ وبعدين يا دكتور مفيد حضرتك بتتكلم علي سمعة مصر عايز اقولك ان مد قانون الطوارئ فعلا دمر سمعة مصر وخير دليل علي كدة كلام شون مكورماك المتحدث باسم وزارة الخارجية الامريكية إن الرئيس حسني مبارك تعهد في حملة إعادة انتخابه عام 2005 ان يلغي حالة الطواريء. وقال مكورماك للصحفيين "إنه أمر مخيب للآمال أن يقرروا مد حالة الطواريء." يعني امريكا اللي حبيبة حضرتك مش عاجبها طيب وحنفترض ان كلام سيادتك صح والبلد تخرب لو الطوارئ اتلغت تفسر بأيه كلام سيادة اللواء أحمد ضياء الدين محافظ المنيا عندما اعترضت أكثر من 200 سيدة من قرية ميانة بمركز مغاغة في المنيا موكبه وطلبو منه طريقة لكي يوفر بها الخبز لأهل القرية رد عليهم الباشوات دخلوا في مجال المخابز ونجحوا منذ فترة في تشغيل عدد منها والاستيلاء علي الدقيق وبيعه في السوق السوداء.. ومين يقدر يقرب من الباشوات احب اعرف من سيادتك مين البشوات اللي يقصدهم سيادة اللواء مروج الشائعات وليه قانون الطوارئ لا يطبق علي هؤلاء البشوات ولا الموضوع فيه خيار وفاقوس مع كل الاعتزار لقطة الصحراء وكل اهالي فاقوس انما الموضوع لازم حد يفهمهولي ومعلش الحد ده لازم يراعي ان انا تعليم مجاني وفهمي علي قدي ويشرحلي نحمد ربنا علي ايه
( المفروض نصبر علي الابتلاء مش نحمد ربنا عليه ) ولو انا كلامي غلط حد يفهمني على ماذا يحمد المصريون الله على اتهام الشعب المصرى كله فى اى وقت وفى اى حين على انه متهم بالارهاب ؟ أم على معدلات التضخم التى يصرخ منها الجنين فى بطن أمه بفضل تلك الطوارئ ؟ أم على حكم العسكر للوطن بدلا من السياسيين ؟ أم على قتل الولاء لدى المواطن بسبب تلك الطوارئ ؟ أم على ضرب القاضى بالحذاء ( الجزمة ) بفضل الطوارئ ؟ أم على ضرب احكام القضاء عرض الحائط . بفضل الطوارئ ؟ أم على تأميم النقابات المهنية . وذلك بفضل الطوارئ ؟ أم على منع المرشحين من الترشيخ فى أى انتخابات قادمة . وذلك بفضل الطوارئ ؟ أم على تزوير ارادة الشعب فى اى انتخابات بفضل الطوارئ ؟ أم بسبب تجميد الاحزاب فى مقارها بدلا من تواجدها فى الشارع المكان الطبيعى لاى حزب فى العالم وذلك بفضل الطوارئ ؟ أم على توقف الحياة الطبيعية للمصريين من قضاء واساتذة جامعة وعلماء ومفكرين بفضل الطوارئ ؟ لاننا نعيش حياة طوارئ ؟ أم على تحويل مجلس النواب الى سكرتارية حزبية بدلا من نواب وطنيين يناقشوا مصلحة الشعب . بفضل الطوارئ ؟ أم على قتل اى ابداع يمكن ان ينتج فى يوم ما بفضل الطوارئ ؟ أم على تحويل مدنيين الى محاكمات عسكرية فى ظل الطوارئ ؟ أم على الاحتكارات التى سادت مصر فى كل مناحى الحياة . بفضل الطوارئ ؟ يا د مفيد ان كان الطوارئ لمكافحة الارهاب كما تدعى فاقول لك ان الطوارئ اكبر زريعة للارهاب . وأسأل حضرتك سؤال استحلفك بالله ان تجيب عليه بصراحة شديدة امام الله وامام الشعب . هل انت مقتنع بالطوارئ ؟ واذا كنت مقتنع بيها طيب ما تفسر لنا مقتنع بيها ليه ؟؟ ويمكن نقتنع احنا كمان ونبقي مش ضد الحكـومـة

الأحد، 25 مايو 2008

حد يصوط معايا



تحديث 26/5/2008
بكل بساطة نقول مبروك علي حالة الطوارئ اقروها دلوقتي في مجلس الشعب علي طريقة اعلان روابي مش بس زادت ربع كيلو ولا نص كيلو دي زادت كيلو بحاله نفس الطريقة قانون الطوارئ مش بس 6 شهور ولا سنة واحدة لأ دول مدوها سنتين كاملين هيييييييييييييييييية


تمديد حالة الطوارىء في مصر لمدة عام
ده كان اول خبر علي الريق كدة قريته . وطبعا اليوم باظ وربنا يستر علي اللي جاي يعني بعد ما قولنا خلاص والدنيا حتبقي حلوة واحلي سنين دلوقتي رجعنا في كلامنا زي الريس مهو برده رجع في كلامه بصراحة جامد يعني الله ينور يا ريس يا بو كلمه واحده . هي دي الرجوله الغي الطوارئ ورجعها تاني . ادي علاوه وارفع الأسعار . ادي حريات واقبض علي نص الشعب مع ان لسة مفكرينه بكلامه
بس تقول ايه من برة شهامة واصالة تشوفه تقول احسن انسان انما من جوة يا عيني عليه بياع ويبيع حتي والديه
وعلي رأي الدكتور إبراهيم درويش، الفقيه الدستوري الكبير ، «الطوارئ» باق بالثلاثة لأن النظام يتصور أنه يحميه
ياسادة ياكرام اللى كان بيحلم أن الطوارئ ستلغى من مصر فهو واهم لأن هذا النظام وعلى رأسه لافاش كيرى لايمكن بأى حال من الأحوال أن يظل على قمة هذا البلد بدون طوارئ ، نظام لايؤمن بحرية الرأى على عكس مايتشدق علينا نهارا جهارا بأنه مع حرية الرأى ومع الديموقراطية وبقية العبارات الرنانة من هذا القبيل ، كل ذلك من أجل الرأى العام العالمى فقط لاغير ، أما هو فمن أعماق أعماقه لايؤمن بأى رأى سوى رأيه هو ولايسمع أى إنسان سوى نفسه فقط ، وكل من حوله جعلوه إلاه لأن بقاء هذا الوضع من صالحهم ، أتحدى أى إنسان أن يحلم بإنتهاء قانون الطوارئ طالما أن الحزب الوطنى فى الحكم ومسيطر على كافة مقاليد البلد ، أى حرية رأى يتحدثون عنها والصحفيون يسجنون وإسراء عبد الفتاح تعتقل لمجرد رأى ، القضاة تنتهك كرامتهم لمجرد أنهم يريدون بلدهم فيها العدل مطبق على الجميع ، غلاء فاحش فى البلد لم نرى له مثيل منذ قيام ثورة 1952 م ، اللى بيحصل فى مصر الآن فجور فجور فجور ، السلع الإستراتيجية ملك البلد تباع لشخص واحد لم يدفع من ثمنها سوى 10 % فقط والباقى ديون عليه للبنوك أى للشعب الغلبان ، واحد تانى يبيعوا له أرض دريم مساحتها 831 فدان بسعر 90 ألف جنيه فقط لاغير يابلاش مع أن أقل شقة الآن فى أفقر الأحياء لايقل ثمنها عن 200000 جنيه والآن هذه الأرض قيمتها 12 مليار جنيه ياحلاوة ، الغاز يباع لعدونا برخص التراب ويغلوا البنزين والسولار للشعب ، كل ذلك ماكان يحدث إلا فى ظل قانون الطوارئ لو فيه دستور وديموقراطية حقيقية فى البلد ماكان يحدث هذا الفساد الذى قال عنه أحد أركانهم أنه اصبح للركب وأنا أصحح له ذلك وأقول له أن الفساد أصبح للرقاب وليس للركب ، التاريخ سوف يضع هذا النظام وأركانه فى مزبلته ، وعموما فى النهاية أتذكر قول المولى عز وجل ( إن الله لايغير مابقوم حتى يغيروا مابأنفسهم ) طول ماهذا الشعب على حاله هذه فلن يتغير أى شئ فى البلد بل ستسير الأمور الى الأسوأ ، وأبشروا ياشعب مصر وزير مالية هذا النظام يصرح بأنه هناك زيادات أخرى قادمة ، مش عارف عايزين إيه تانى من البلد خلاص أصبحت خراب ، ويصرح النظام بأن النمو فى إزدياد وتقدم كانوا عايزين 2.6 مليار لتغطية زيادة الرواتب جمعوا من زيادة الأسعار الماضية 26.2 مليار شفتم النظام الرشيد بيعمل إيه ، بيشغل فلوسه معانا يعني يدينا 30 جنيه ياخدهم 50 جنيه بصراحة ناس بتفهم
بس المهم اننا عارفين ان يطبق قانون الطوارئ في حالة الحرب والكوارث والمصائب في البلاد هي مصر فيها حرب ؟؟ طيب مصر فيها كوارث ومصايب ؟؟ انا مش شايف اي كارثة او مصيبة غير الحكومة مع ان في ناس بتقول «إن الحكومة ستفاجئ الجميع بإلغاء الطوارئ، علي أن تصدر قانون مكافحة الإرهاب في الدورة البرلمانية الحالية، وتكون بمثابة مفاجأة وهمية مثل قرار زيادة الأجور ٣٠%، وتعديل المادة ٧٦». بس انا بالنسبالي لو خيرت بين خيارين كلاهما مر، بين تجديد الطوارئ أو إقرار قانون الإرهاب.. أفضل الاستمرار في تجديد الطوارئ لأنه في حالة إقرار قانون الإرهاب سيعتبر القانون الثاني في البلاد لمكافحة الإرهاب بعد قانون ٩٣»، ,وده معناه أنه سيحول مصر إلي حالة طوارئ دائمة ويومية وليست استثنائية. لكني بتمني ان مصر يجي عليها وقت وتبقي من غير طوارئ ولا ارهاب بس علشان ده يحصل ممكن نعمل ايه ؟ غير اننا نبقي ضد الـحـكومة

الأربعاء، 21 مايو 2008

ده بقي مش خازوق ده خابور

يعني احنا لسة مفوقناش من اللي عمله الريس مع بوش ولعبة الاطفال اللي كان بيلعبها معاه دي اذ نفاجأ بأن في حاجة اسمها تسقيع الاراضي وده يعني ايه بقي ؟؟
ده يعني ان في بعض المستثمرين اللي هم اسمهم حيتان الاقتصاد بيشترو اراضي من الدولة بتراب الفلوس وبكل بسلطة ينامو عليها لغاية ما سعر الاراضي دي يولع ويبدأو يبيعوها مثال علي كدة ارض دريم لاند الارض دي ارتفع سعرها من ‏90‏ ألف جنيه إلى 12‏ مليار ازاي في حاجة يبقي مكسبها عشرومية في المية . ازاي ؟؟
وازاي برده بكل بساطة كدة ارض مساحتها ‏831‏ فدانا تتباع بالسعر الخايب ده 90 الف جنيه يا بلاش ده كدة المتر واقف بأقل من 50 قرش مع ان سعر متر الارض في عزبة الصفيح سعره وصل لاأكثر من 50 جنيه طيب السؤال هنا الناس دي بتعمل كل ده ليه ؟؟
والسيد جمال مبارك صفته ايه وبمناسبة ايه يصرح و يقول مصر ستاخذ مكانها بحلول2025 ومراته تقصد ايه لما ترد علي صحفي وتقول
و ده حصل في مؤتمر دافوس صحفي أجنبي سأل خديجة: انت مين؟ فأجابت: أنا زوجة جمال مبارك.. فعلق: إذاً أنت شخصية مهمة ليه شخصية مهمة علشان ايه يعني ؟؟ الله يخرب بيوتكم وبيوت اللي جنب بيوتكم سرقتوا البلد ونهبتوها من اول مامسك مبارك الحكم واحنا بنسمع شعارات وكذب من اول مصر 2000 وتبرعوا لسداد ديون مصر ومشروع 100مدرسة ومشروع1000مصنع ومصر بتتقدم بينا اقصدكم بتتنيل وتتنهب بينا وكله نهب في نهب احنا عايزين نعرف فلوس مصر بتروح فين المليارات اللي جات من قناة السويس والبترول والسياحة وتحولات المصريين والمعونة الامريكية كل ده راح فين لوضربنا الفلوس دي في30سنة مدة حكم نظام مبارك وعائلته الفاسد لوصلنا لمبلغ لايقل عن 10تريليون جنيه والتريليون 1000مليار والمليار الف مليون جنيه اين ذهبت كل هذه المليارات هل ذهبت لصالح هذا الشعب ام ذهبت لصالح حيتان النظام امثال حسين سالم صديق مبارك اللي اعطاه صفقة تصدير الغاز لاسرائيل ببلاش وكانه بيبقشش من جيبه وامثال احمد عز صديق جمال مبارك اللي كان شغال طبال واخد مصنع الدخيلة بتراب الفلوس عشان يحتكر الحديد ويوصل سعر الحديد من 1600 الى7700جنيه بجد دي مهزلة ولا ثروة الشعب المصري دي راحت لجيب نواب القروض اعضاء الحزب الوطني الفاسد اللي نهبوا اموال بالمليارات من البنوك بتسهيلات مباشرة من عائلة مبارك امثال رامي لكح وغيره وهربوا للخارج ماهي خبرة جمال مبارك الاقتصادية عشان يخطط لمصر 2025 ده كان مجرد موظف في بنك في بريطانيا وحسب كلام محمد حسنين هيكل انه كان لجمال مبارك تعاملات مريبة رصدتها اجهزة المخابرات البريطانية والكل يعرف موضوع متاجرته بديون مصر يبقى ابوه هنا يقول تبرعوا لسداد ديون مصر والواد بره شغال سمسرة بديون مصر نفسي اعرف ايه مؤهلاته لهو معه دكتوراة في الاقتصاد ولا حتى ماجستر ولا حتى دبلومة ولا حتى طالع بتقدير جيد جدا نقول ده عنده خبرة وممكن يعمل حاجة لكنه جاب اصحابه الانتيم وعملوا حاجة اسمها لجنة السياسات اللي خربت البلد وبدا يمسكهم الوزارة والرجل الكبير قاعد في شرم الشيخ في القصر اللي بناه له حسين سالم بتاع صفقة الغاز المصدر لاسرائيل وسط الجو الجميل والوجه الحسن اصل هو شبع يخلي ابنه بقى ياخد حظه ويشبع هو كمان ويظبط الوضع لنفسه عشان ينط على كرسي الحكم ساعة ما الرجل الكبير يودع مبارك كان له جملتين اول مامسك الحكم الكفن مالوش جيوب وانا ماورثتاش عشان اورثها هل لما ياخد قصر من حسين سالم ويعطيه مقابله صفقة تصدير الغاز لاسرائيل يتفق مع مقولته الكفن مالوش جيوب وهل اللي بيتم الان من اطلاق يد جمال مبارك في كل شئ في البلدلدرجة ان البلد اصبح لها رئيسين يتفق مع مقولته انا لم اورثها لاورثها حسبي الله ونعم الوكيل اللهم ارنا عجائب قدرتك في كل ظالم وكل مفتري وكل واحد مش ضد الـحـكـومـة

الاثنين، 19 مايو 2008

وده بقي خازوق هدية من الحكومة بمناسبة المنتدى الاقتصادي

اولا في البداية انا عايز اشكر السيد الموقر المحترم الاب الحنون محمد حسني مبارك علي كل اللي بيعمله من اجل شعب ناكر الجميل ( اللي هو احنا ) يعني الراجل حيعمل ايه ولا ايه ده صارف 20 مليون دولار و10 مليون جنيه علشان يطلع شكلنا حلو قدام الدول الاوروبية المتقدمة اللي جايين يحضرو المنتدي الاقتصادي في شرم الشيخ
ثانيا عايز اقول للناس استحملو شوية الموضوع بدأ يتحل من عند ربنا لأنها انهاردة ضاقت اوي
( وضاقت ولما استحكمت حلقتها فرجت وكنت اظنها لا تفرج ) يعني طن الحديد خلاص هانت قرب يدخل علي 10000 جنيه
انهاردة طن الحديد سجل 7700 جنيه وكمان المصانع توقفت عن إنتاج حديد التسليح شائع الاستخدام، واكتفت بإنتاج كميات قليلة من مقاسات قريبة منه، وهو ما أكده أحمد الزيني، نائب رئيس الشعبة العامة لمواد البناء، بقوله: المصانع تنتج مقاسات غير مطلوبة للسوق، وحذر من انفلات الأسعار إذا لم تتدخل الحكومة والسؤال بقي هنا الحكومة مش عايزة تتدخل ليه ؟؟ حد عنده اجابة ؟؟
اجاوب وامري لله الحكومة الله يكون في عونها مش فاضية يعني السيد الرئيس والسيد رئيس الوزراء والوزراء كلهم في شرم الشيخ مش فاضيين عندهم مؤمتر اقتصادي بيحضرو الاله الامريكي جورج بوش وطبعا كلهم تحت امر سيدنا الاله اللي جاي علشان يغيظنا ويقولنا ان اسرائيل عندها ديمقراطة وانها عندما تحتفل بعيدها الـ١٢٠، وستكون عندها من أعظم الديمقراطيات في المنطقة، وستلحق الهزيمة بـ«حزب الله» و«حماس» و«القاعدة»، معتبرا أن هذه رؤية عالمية وليست يهودية أو أمريكية.
بس الريس عمل حركة عجبتني اوي لما غادر القاعة الرئيسية للمنتدي، الذي يستمر ثلاثة أيام، فور إلقاء كلمة الافتتاح، دون أن ينتظر سماع كلمة الرئيس بوش، . والشهادة لله اول ما عمل الحركة دي انا قولت الريس بتاعنا ده راجل وسيد الرجالة كمان بس لما عرفت ان بوش وصل إلي القاعة بعد ساعة من بدء الجلسة الافتتاحية قولت هو الريس بيردها ولا ايه وطلع فعلا كلامي صح واللي حصل أن الرئيس مبارك كان ينوي حضور الجلسة الافتتاحية للمنتدي كاملة، لكن عندما علم أن الرئيس الأمريكي سيحضر في منتصف الجلسة، ولن يستمع إلي كلمته قرر أن يكتفي بإلقاء الكلمة، ثم يغادر القاعة. وبيني وبينكم ده بقي ممكن نسميه شغل عيال يعني ايه رئيس دولة منظمة يقول هو مسمعنيش انا كمان مش حسمعه هو احنا في الفصل ؟؟
طيب ده بالنسبة للحكومة طيب والمعارضة ؟؟ كانو فين لما طن الحديد وصل للرقم الخيالي ده ؟؟ حد عنده اجابه ؟؟
برده امري لله واجاوب انا المعارضة بتاعنا كل اهتمامتها بالرقصات والدليل علي كدة ان في شهر واحد تقدم احد النواب المحترمين بطلب احاطة والمجلس بالفعل ناقشه عن مسرحية روايح لـ فيفي عبده وامبارح بس تقدم 17 نائب محترم بـ 17 طلب احاطة في مجلس الشعب علشان دينا فطبعا دينا وفيفي عبده اهم من العبارة اللي غرقت واللي المحامي بتاع ممدوح اسماعيل بيطلب من المحكمة المصرية عدم تطبيق القانون المصري بأعتبار ان ممدوح اسماعيل والضحايا والبحر الاحمر والحاجات دي كلها مش مصرية واكتفي بأن العبارة ترفع العلم البنمي، وطالب بعدم سريان قانون العقوبات المصري علي الحادث، لأن قانون دولة العلم هو الذي يطبق إذا وقع الحادث في المياه الدولية. و برده دينا وفيفي عبده اهم من حرب الرغيف التي تتجدد.. والمشاجرات والتحرشات التي تحدث للحصول علي الكيس ذي الـ«٨ أرغفة»
وطبعا كل ده والسيد رئيس مجلس الشعب عامل نفسه نايم ومكبر دماغه وبيكتفي بـ أنه يجدد تهديده للحكومة بعقد جلسة مغلقة لمناقشة غياب الوزراء ومننساش الجانب الديني مهو برده مش فاضي يعني كان الله في عون شيخ الازهر هو كمان كان بيحضر لـ لقائه التاريخي المهم مع السفيرة الأمريكية مارجريت سكوبي، وجاء مع الخبر صورة استقبال أو وداع فضيلته لسكوبي وهي كاشفة الشعر رافعة الحاجبين محمرة الوجنتين باسمة الثغر متمكيجة.. وفي الصورة فضيلته يسلم عليها بكلتا يديه واضعاً يدها اليمني بينهما وهذا لا يجوز من فضيلته والله أعلم معلش انا دخلت في 100 موضوع كلهم كانو خانقني بس كان لازم حد يبين الخوازيق وبعدين يعني كل الخوازيق دي عندنا وعايزينا نبقي
ضد الـحـكـومـة

فضايح فضايح الحلقة الـ 4

شكرا لكل اللي تابعو الحلقة الاولي من المسلسل و الحلقة الثانية من المسلسل والحلقة الثالثة من المسلسل وده التكملة

الحلقة الرابعة من مسلسل فضايح الحكومة المصرية


فتح المحضر يوم الأحد الموافق 3/3/1968 الساعة 12,10 ظهراً بمبنى مجلس قيادة الثورة.
بالهيئة السابقة
وحيث حضر المطلوب سؤالـه فقد استدعيناه وواصلنا استجوابه بالآتي قال:
اسمي: محمد صفوت محمد الشريف (سابق سؤالـه)
س: أكمل أقوالك. ؟
جـ: هناك واقعة أشرت إليها في تقرير حدثت في الأسبوع الأول من شهر يوليو 1967 وكنا في الوقت ده بنراقب راجل ألماني لا أذكر اسمه وكان لـه نشاط ضار بأمن الدولة وكان لـه محل عمل عبارة عن شركة أدوية مجاورة لمنزل المشير بالجيزة وفي اليوم التالي لبدء مراقبته اتصل بي رئيس وحدة المراقبة التي كانت مختصة بالعملية تحت رئاستي وأخبرني بأنه حصل احتكاك بين عربيات المراقبة وبين أفراد الحراسة على بيت المشير وأنهم اصطحبوا إحدى سيارات المراقبة وفيها الضابط المختص ولا اذكر اسمه وأفراد القوة التي معه ودخلوهم بيت المشير وكان رئيس وحدة المراقبة الذي أبلغني بذلك هو عبد المجيد إدريس واسمه الكودي "همت" وكان فيه عربية مراقبة أخرى فكلفته بأن يبعدها عن المنطقة حتى لا يحدث بالنسبة لها احتكاك مماثل وأبلغت جمال عباس رئيس إدارة العمليات بالموضوع الذي قام بدوره بإبلاغ حسن عليش وبعد فترة قصيرة اتصل بي جمال عباس وقال لي خلي همت ييجي لي على مبنى هيئة الأمن القومي فوراً ومعاه ملف العملية فأعطيت تعليمات بذلك لهمت ثم اتصل بي حسن عليش وقال هو إيه اللي حصل بالضبط فحكيت لـه حسب ما أبلغني همت ثم اتصل بي جمال عباس وقال لي بناء على أوامر حسن عليش أني أحضر أنا كمان وفعلاً توجهت لمبنى هيئة الأمن القومي وتقابلت مع حسن عليش وجمال عباس وبدر ضابط الدراسة وحسن عليش قال لي همت ماجاش ليه فقلت لـه أني أعطيته تعليمات فقال لي إحنا حانسبق على بيت المشير ولما ييجي همت هاتو وتعالى وأنا انتظرت همت ولكنه لم يحضر فقلت أروح بيت المشير ولما أقابله في السكة أو ألاقي عربيته هناك فاعرف أنه هناك وفعلاً لما وصلت عند بيت المشير لقيت عربية همت واقفة واتلموا عليّ أفراد الحراسة وسألوني عن شخصيتي ورغم أني عرفتهم بنفسي أصروا على إبراز تحقيق الشخصية فقلت لهم جاي لحسن عليش هو موجود جوه فقالوا أيوه اتفضل ودخلوني في مكتب قريب من باب البيت ثم حضر لي جلال هريدي وقال لي اتفضل احنا عاوزينك جوه ودخلني في صالون وشفت جمال عباس وهمت وبدر وحسن عليش وكان الأخير ثائراً وقال لي ضباطك مش عارفين شغلهم وأنا كنت لسه مش فاهم إيه الموضوع وقال لي هو فيه ورق بيخرج من عندكم والا من إيه وأنا فهمت بعد كده أن الضابط همت وهو جاي لنا في هيئة الأمن القومي من مقر وحدته اللي في الهرم فكر أنه يمر عند بيت المشير علشان يسحب عربية المراقبة الثانية فاستوقفه جلال هريدي واصطحبه إلى داخل المنزل وقال لـه مش عيب أبقى أنا اللي معلمك وتراقبوا بيت المشير لأن همت كان ضابط صاعقة قبل كده وكان همت جايب معاه ملف العملية في عربيته فاستولى جلال هريدي على الملف ولما حضر حسن عليش وشاف الملف ومكانش لسه فاهم اللي حصل بالضبط فعلشان كده قال لي هو الورق بيخرج من عندكم والا إيه.
ثم استدعينا جميعاً لمقابلة المشير وكان في حجرة مكتبه وشفت صلاح نصر قاعد بجانبه وكذلك شمس بدران وأنا ماكنتش أعرف شمس قبل كده ولكن جمال عباس أخبرني إن هو اللي قاعد والمشير قال لي انتم بتراقبوني فنفيت ذلك وشرحت لـه الموضوع وإننا بنراقب الراجل الألماني ولاحظت أن ملف العملية في إيده وقال لي دا بيت الراجل عند ميدان الجيزة فإيه اللي يجيبكم هنا فقلت لـه أن لـه محل عمل مجاور لبيته وفي النهاية قال لي أنا مش مقتنع بالكلام ده وحسن عليش ثار على همت أمام المشير وصلاح نصر وقال لـه انت ضابط مش فاهم شغلك ولو كان عندك حسن تصرف ماكنتش حطيتنا في الموقف ده وكان يقصد أنه أساء التصرف باختيار مكان لمراقبة بالقرب من منزل المشير أي مكان وضع سيارات المراقبة ثم أمرنا صلاح نصر بالانصراف إلى مبنى إدارة المخابرات وأخذنا معانا الناس اللي كانوا حاجزينهم في بيت المشير. ثم لحق بنا صلاح نصر في مبنى الإدارة ومعه حسن عليش واستدعانا صلاح نصر في مكتبه أنا وجمال عباس وبدر وكان موجود وجيه عبد الله وأخذ يتناقش معانا في العملية وفي الهدف وفي خطة المراقبة وكان واضح من كلامه أنه بيعتقد أننا بنراقب المشير من وراه وقال لحسن عليش الهيئة بقت بايظة ووبخ همت وقال لازم فيه عمليات بتجرى وأنا مش عارفها وأنا لازم أعرف حقيقة الموضوع ده إيه وفي نفس اليوم عقد مؤتمر لجميع الضباط في الهيئة بالكامل وقال لنا أن الشغل بقى بايظ وأن المراقبات بايظة والضباط مش فاهمة شغلها وكان مفهوم من كلامه أنه بيعتقد أننا بنخبي عليه شغلنا.
وكان همت أخبرني أنا وجمال عباس قبل عقد المؤتمر بأن المشير قال لـه عقب ما دخل لـه جلال هريدي انتم إزاي تراقبوني وثار عليه وكان ذلك بحضور صلاح نصر وأن صلاح نصر تدخل في الموضوع وقال لهمت أنت بتراقب مين؟ فهمت قال لـه ده شغلي ورفض يجيبه فثار صلاح نصر وقال لـه أنت مش عارفني وزغده في صدره وعقب المؤتمر اللي عقده لنا صلاح نصر أصدر حسن عليش تعليمات لجمال عباس ويسري الجزار بمنعه المرور عند بيت المشير وأن محدش مننا يروح هناك خالص ثم أكد حسن عليش هذه التعليمات في مؤتمر عقده في اليوم التالي لرؤساء وحدات الميدان وقرر فيه أن جميع خطط المراقبات لابد من عرضها عليه بواسطة إدارة التعليمات للتصديق.
وفاتني أن أذكر أنه لما جمعنا صلاح نصر في مكتبه عقب عودتنا من بيت المشير وكلمنا الكلام اللي قلت عليه رد حسن عليش وقال لـه "أهي دي القيادات اللي عندي بايظة وأنا على رأسهم فسيادتك غيرنا" وأنا بعد كده قلت لحسن عليش ليه تقول كده وانت عارف إن شغلنا مضبوط فقال لي دي كانت ثورة غضب وأنا عارف شغلكم كويس وأظهرت لـه احتجاجي على اللي حصل وطلبت نقلي من مكاني كرئيس منطقة ولكنه طيب خاطري.
وحصل بعد كده بحوالي 15 يوم أن دخلت سيارة مراقبة في شارع النيل الذي به منزل المشير لمتابعة هدف أجنبي وبرضه حرس المشير مسكوها واتصل بي يسري الجزار وقال لي العربية دي كانت بتراقب مين فقلت لـه وأمر بعمل مجلس تحقيق لم أكن عضواً فيه للتحقيق في سبب مخالفة الأوامر الخاصة بمنع التواجد في تلك المنطقة وما اعرفش إيه اللي تم بشأن هذا المجلس واستكمالاً لأقوالي أضيف أنه ترددت إشاعات عن علاقات نسائية لصلاح نصر وحسن عليش فقد ذكر لي أحمد الطاهر في أوائل 1967 أو أواخر 1966 أنه علم عن طريق صلاح شعبان بإشاعة مفادها أن صلاح نصر على علاقة بسعاد حسني وأن الإشاعة دي تتردد في نادي من نوادي الكرة لا أذكره لأن صلاح شعبان لـه نشاط في الكورة. وأخبرني أحمد الطاهر بأنه أبلغ حسن عليش بهذا الأمر. وليست لدي معلومات أخرى عن هذا الموضوع.
كما ترددت إشاعة أيضاً 1967 عن وجود علاقة بين حسن عليش وبين إحدى المندوبات اللي هو بيشغلهم وتدعى نازلي ولا أذكر لقبها وأنه متزوج منها بعقد عرفي وتفصيل ذلك أنه في نفس اليوم اللي قبض فيه عليه على عبد اللطيف أمرني حسن عليش بعد ما رحنا مبنى هيئة الأمن القومي بأن استدعى لـه المندوبة المذكورة وقال لي أنه عرف من محمود كامل شوقي نقلاً عن مندوبة أخرى اسمها "بسمة" بأن نازلي تشيع أنها على علاقة به وأنه متزوجها عرفياً وأنه عايز يحقق في الموضوع ده واستدعيت لـه نازلي كما استدعى بسمة وآمال شوكت وهي مندوبة أخرى على صلة قرابة بنازلي وهي التي نقلت الإشاعة لبسمة وواجههم حسن عليش ببعض وأنا حاضر وبسمة قالت أنها سمعت الكلام ده من أمال شوكت ولكن أمال أنكرت ونازلي بدورها أنكرت أن لها علاقة بحسن عليش.
وكان فيه إشاعة أخرى عن حسن عليش برضه أنه على علاقة بنجاة الصغيرة وأنا سمعتها من محمود كامل شوقي في أواخر 1966 على ما أذكر وأخبرني محمود بأنه سمعها في إسكندرية عن طريق مدير فندق البوريفاج وقد قام بتبليغها لحسن عليش .
س: ما تقديرك لعمليات الكنترول التي تمت؟
جـ: عملية الكنترول في ذاتها وإذا لم تخرج عن الخط المرسوم لها وكانت لتغطية أهداف مخابرات حقيقية فهي تعتبر عملية ناجحة ولها قواعدها في علم المخابرات وهي مطبقة عالمياً وتدرس في علم المخابرات لتحقيق الأهداف التي سبق أن شرحتها وكانت تتم بطريقين فإما أن تكون عمليات نابعة من القاعدة أي من قسم المندوبين بحيث أني أشغل المندوبات وأوجههم نحو الأهداف المطلوب تغطيتها من وجهة نظر المخابرات وفي هذه الحالة تكون لنا أي لقسم المندوبين اقتراحات وخطة في العمل ويحصل التصديق عليها من رئيس المجموعة حسن عليش ودي كانت القاعدة الأساسية في العمل ولكن إلى جانب هذا كانت هناك احتجاجات محددة تصدر بها أوامر لنا من رئيس المجموعة وما علينا إلا التنفيذ وقد لا يكون الغرض منها واضحاً بالنسبة لي وليس لي الحق في أن أسأل الرئيس الآمر بها عن الهدف منها حسب المبادئ اللي كنا ماشيين عليها في إدارة المخابرات والتي هي مبادئ المخابرات عامة وهي أن تكون المعرفة على قدر الحاجة ومبدأ العمل في المعلومات ومبادئ الأمن التي تقتضي أن كل واحد مننا مش لازم يعرف كل حاجة.
بالإضافة أيضاً إلى مبدأ إطاعة الأوامر،ومن ذلك العمليات التي سبق أن شرحتها والتي أوضحت أنها كانت بأوامر مباشرة وبالتالي ليست نابعة من القاعدة أي من قسم المندوبين بالإضافة إلى عمليات أخرى صدرت بها أيضاً أوامر من حسن عليش بعمل كنترولات على بعض الأجانب وبعض الشخصيات المسئولة في الدول الأخرى.
س: وما تقديرك على ضوء هذا لعمليات الكنترول التي تمت؟
جـ: بالنسبة للعمليات التي كانت نابعة من القاعدة أي من قسم المندوبين فقد كانت عمليات سليمة واحنا اللي بنوضع خططها وأهدافها واضحة لنا كأهداف مخابرات حقيقية ولما بالنسبة للعمليات التي كانت تصدر بها أوامر من الرئاسة أو بعبارة أخرى من حسن عليش أو صلاح نصر ولم تكن أهدافها واضحة لنا فالفيصل فيها أو في مدى سلامتها يحدده الغرض الذي دفع الأمر بها إلى إصدار أوامره وتعليماته بشأنها لأنه هو اللي كان بيأمر بيها ويتابع تنفيذها واحنا مانقدرش نسألـه عن هدفه كما سبق أن أوضحت وأما بخصوص استغلال نتائج العمليات فهذه مسألة متروكة أيضاً لحسن عليش ولتقديره ولتقدير رئاسة الجهاز وليس لنا أن نتدخل فيها لأنها على مستوى أكبر مننا وكان حسن عليش يتسلم الأفلام من أحمد الطاهر ولا أعرف أكثر من هذا.
وعلى قدر علمي أن أغلب عمليات الكنترول اللي عملناها على الأجانب وعلى الأهداف الحقيقية لم تستغل وأنا كنت اقترحت على حسن عليش أننا نستغل بعضها فأجابني بأن ده حاجات على مستوى الدولة في تقدير استخدامها في الوقت المناسب ومن وجهة نظري كقائم بالتنفيذ وبعد أن تكشفت لي مسائل بعد التحفظ علي لم تكن واضحة لي عند القيام بالتنفيذ وعرفتها أثناء استجوابي فأستطيع أن أقول أن عمليات الكنترول فقدت قيمتها ونجاحها حين خرجت عن الخط المرسوم لها ودخلت فيها عمليات غير واضحة للقائمين بالتنفيذ أو محددة الغرض وإنما كانت تصدر بأوامر من حسن عليش ويدبرها بنفسه واحنا علينا التنفيذ وتكلف بعضها مبالغ لم تتكلفها العمليات الأخرى التي كانت على مستوى عال بالنسبة للاستفادة منها في أعمال المخابرات.
فعملية سعاد حسني صرف بعدها مكافآت لجميع المشتركين في العملية وكل ضابط من القائمين بالتنفيذ أخذ خمسين جنيهاً وممدوح كامل حصل على مائتي، وفي عملية شريفة ماهر أخذت في كل مرة مائة جنيه وفي عملية برلنتي عبد الحميد اشترينا لها هدايا في حدود مائتي جنيه ولو أنها رجعت تاني بخلاف الهدايا اللي أخذتها سعاد حسني بعد تجنيدها، وفي موضوع اعتماد خورشيد صرف لها مبلغ مائة جنيه وفي موضوع علي عبد اللطيف صرف مكافأة لنجوى الصواف لا أذكر قيمتها كما صرف مكافأة بناء على أمر صلاح نصر لفايزة سعد قدرها مائة جنيه.
س: ماذا كان اتصال صلاح نصر بعملية كنترول سعاد حسني؟
جـ: هذه العملية كما سبق أن أوضحت لم تكن نابعة من قسم المندوبين وإنما كانت بأوامر من حسن عليش مع أنه قبلها كان استبعد التجنيد من الوسط الفني وقال دول ناس كلامهم كتير ومافيش داعي دلوقتي عندما اقترح عليه ذلك محمود كامل شوقي، وكانت سعاد حسني ضمن الأسماء المقترحة وقد فوجئت في يوم تنفيذ العملية بحضور صلاح نصر إلى غرفة العمليات بصحبة حسن عليش وأشرفا على التنفيذ وكانت دي أول مرة يحضر فيها صلاح نصر شخصياً وجميع عمليات الكنترول التي حضرها عموماً كانت هي هذه العملية وعملية شريفة ماهر الأولى وعملية الشذوذ الجنسي الأولى التي لم تتم وعملية أو اثنين من عمليات مؤتمر القمة ولما حضر في عملية سعاد حسني كان يعطينا تعليمات بإتقان التصوير وهو الذي أصدر الأمر ليسري الجزار ومحمود كامل شوقي بضبط المذكورة متلبسة واصطحابها إلى مبنى الإدارة وحصل الاقتحام وهي مع ممدوح كامل في السرير وعريانة من ملابسها وسابوها تلبس هدومها ثم نقلوها للإدارة وكان صلاح نصر هو الذي أمر لممدوح كامل بالمكافأة التي قدرها مائتي جنيه والتي سلمها لـه حسن عليش وكانت هذه أول مرة نلجأ فيها إلى هذا الأسلوب في عمليات التجنيد وهي ضبط الشخص متلبس.
س: ما الذي فهمته من هذا الدور لصلاح نصر في العملية؟
جـ: فهمت أن عنده اهتمام معين بتنفيذها.
س: قرر أحمد الطاهر في أقوالـه أنه تم عرض الفيلم السينمائي على سعاد حسني بعد نقلها لمبنى الاستجواب مما أدى إلى إصابتها بانهيار وأنك كنت حاضراً هذا العرض ــ فما تفصيل ذلك؟
جـ: أيوه فعلاً حصلت الواقعة دي ومش فاكر مين اللي تولى عرض الفيلم عليها ولكن أنا كنت حاضر العرض ومسألة الانهيار مش فاكرها. ومش فاكر مين تاني كان حاضر العرض.
س: ألم تستشعر من ملابسات العملية ودور صلاح نصر شخصياً فيها أنه كان يرمي من ورائها إلى غرض شخصي بعيد عن الأغراض الهادفة للمخابرات؟
جـ: أنا لم أستشعر وقتها بمثل هذا الأمر ولكن بعد كده سمعنا الإشاعة اللي بتقول أن صلاح نصر على علاقة بسعاد حسني ولا أعلم مدى صحتها ويسأل هو عن هدفه من هذه العملية إنما الهدف اللي كان واضح أمامي هو التجنيد وفعلاً يسري جندها وسلمها لمحمود كامل شوقي إلى أن صدرت الأوامر من حسن عليش بقطع الاتصال بها.
س: سبق أن قررت أن حالة سعاد حسني كانت هي الوحيدة من نوعها التي صدرت فيها أوامر قطع التجنيد. فبماذا تعلل اتباع هذه الوسيلة مع المذكورة بالذات؟
جـ: دي أوامر حددها حسن عليش فيسأل هو عن ذلك.
س: هل قامت المذكورة بمجهود في أعمال المخابرات خلال الفترة السابقة على قطع الاتصال بها.؟
جـ: لأ لم تقم بمجهود لأننا في الأول أردنا أن تصلح من نفسيتها كما سبق أن أوضحت وبعد كده كانت باستمرار مشغولة واحنا سافرنا إسكندرية وتهربت مننا بمناسبة مؤتمر القمة.
س: وما الدافع إلى قطع الاتصال بها؟
جـ: كانت أوامر صريحة وقاطعة من حسن عليش وعللها بأنها بتتكلم وتلسن عن صلاتها بالمخابرات.
س: وما فائدة الكنترول إذا لم يستخدم في مثل هذا الحالة للسيطرة عليها بدلاً من قطع الاتصال بها؟
جـ: أنا لا أعلم الصورة التي كانت أمام حسن عليش ولا تقديره للموقف الذي بناء عليه أصدر أوامره بقطع الاتصال بها وسواء أنا أو محمود كامل شوقي فلم يكن دورنا سوى منفذين.
س: قرر أحمد الطاهر أن الأوامر التي أصدرها حسن عليش كانت بقطع الاتصال بينها وبين الضباط المسئولين عن تشغيلها وقصر صلتها عليه هو شخصياً ــ فما قولك؟
جـ: كان الأمر الصادر من حسن عليش بالاستغناء عن سعاد حسني بمعنى أن نخرجها من عداد المندوبات.

س: ما مجموع النفقات التي تكلفتها عملية السيطرة على سعاد حسني؟
جـ: صرف لها مبلغ 300 جنيه قيمة مكافأة ممدوح كامل وأعيد المبلغ بعد ذلك كما سبق أن ذكرت بالإضافة إلى مبلغ 200 جنيه قيمة مكافأة ممدوح ومبلغ خمسين جنيهاً لكل ضابط من المشتركين في العملية أنا ويسري الجزار وأحمد الطاهر وصلاح شعبان ومحمود كامل شوقي وأما الساعة والراديو اللي أخذتها المذكورة فكانت من ضمن هدايا المندوبات المحفوظة في رئاسة هيئة الأمن القومي.
س: ألا تعلم أن حسن عليش استمر على صلة بسعاد حسني بعد أن طلب منك ومن محمود كامل شوقي قطع الاتصال بها؟
جـ: لا ما اعرفش.
س: ما تقديرك لصرف مثل هذه المبالغ على عملية سعاد حسني؟
جـ: إحنا عملنا عمليات أخرى على مستوى كبير من الأهمية بالنسبة لجهاز المخابرات ومن ذلك عمليات مؤتمر القمة ومع ذلك لم تصرف فيها مثل هذه المكافآت التي صرفت بمناسبة عملية سعاد حسني للضباط المشتركين بها ولذلك كان تعليقي أنا وأحمد الطائر بمناسبة عمليات مؤتمر القمة أن المكافآت اللي صرفناها في عملية سعاد حسني كان الأجدى أنها تصرف لنا في عمليات مؤتمر القمة لما لها من أهمية وحساسية على مستوى كبير. وعلى كل حال دي مسألة تقديرية للآمر بالصرف فيسأل هو عن هذا.
س: هل كان صرف المكافآت للضباط المشتركين في عملية سعاد حسني بأوامر من صلاح نصر؟
جـ: لابد أنها تكون بأوامر منه ومحدش يقدر يأمر بمكافآت غيره وأحمد الطاهر قال لي أن صلاح نصر هو اللي أمر بها فعلاً.
س: وماذا كان الهدف من عملية السيطرة على شريفة ماهر؟
جـ: حسن عليش هو اللي طلب هذه العملية وأصدر أوامره بشأنها ولم يفصح عن الغرض من ذلك ولم نكن نستطيع أن نسألـه وبالتالي لم يكن الهدف من هذه العملية واضحاً لي وأنا نفذتها كأمر صادر من حسن عليش وكما سبق أن ذكرت فقد عرضت أنا ومحمود كامل شوقي على حسن عليش قبيل انعقاد مؤتمر القمة أن نستفيد من الكنترول الذي عمل للمذكورة في أننا نجندها لنستفيد منها في أعمالنا بمناسبة المؤتمر ولكن حسن عليش رفض الفكرة وقال مش كل العمليات اللي تقوموا بيها تستفيدوا انتم منها ولم يفصح وقتها أيضاً عن الغرض من إجراء عملية لكنترول المشار إليها.
س: وماذا كان دور صلاح نصر في هذه العملية الخاصة بشريفة ماهر؟
جـ: فوجئنا أيضاً بحضوره يوم التنفيذ أول مرة ولم نكن نحلم بأنه سوف يحضر ونظراً لأنه لم تتم عملية جنسية يومها فقد أمر بنفسه بأن تعاد العملية وفعلاً أعيدت بناء على أوامره كما سبق أن ذكرت مع أننا كنا صورنا العملية الأولى التي لم تتم بعد وبعد أن خلعت شريفة ماهر ملابسها وفضلت بالملابس الداخلية.
س: ما الذي فهمته من حضور صلاح نصر شخصياً في العملية المشار إليها وأمره بإعادة الكنترول وعدم الاكتفاء بالصور التي تم أخذها في العملية الأولى ورغم أن الإعادة تكلفت مائة جنيه أخرى تقاضتها شريفة ماهر من نقود الدولة؟
جـ: أن صلاح نصر مهتم بالعملية وكان الغرض منها غير محدد كما سبق أن أوضحت ولابد أن تكون هناك أسباب دفعته إلى هذا لا أعرفها ويسأل هو عنها وكانت هذه العملية بتدار بأوامرها التفصيلية من حسن عليش واحنا بنّفذ الأوامر.
س: جاء بأقوال المترجم كمال عيد في التحقيقات أنه حصل على مكافأة قدرها مائة جنيه لاشتراكه في عملية الكنترول الثانية لشريفة ماهر وأنك أنت الذي سلمته هذا المبلغ وأخبرته بأنها مكافأة بأمر حسن عليش. فما قولك؟
جـ: يجوز حصل كده وأنا مش فاكر نظراً لمضي فترة طويلة على الموضوع وطبعاً اللي
بياخد بيبقى فاكر أكتر من اللي
بيدي.
س: جاء بأقوال كمال عيد في التحقيقات أيضاً أنه تقابل في نوفمبر الماضي مع شريفة ماهر في محل لاباس ودار بينهما حديث وفهم من حديثها أن عملية الكنترول عملت لها لغرض شخصي لدى صلاح نصر لكي يتمكن من الضغط عليها ليتصل بها جنسياً وأنه عرض عليها الفيلم الذي أخذ لها بالصورة والصوت ــ فما قولك؟
جـ: أنا ما اعرفش ما إذا كان صلاح نصر اتصل بها وأنا كان دوري في العملية دور المنفذ وشرحت جميع الملابسات الخاصة بها ودور صلاح نصر فيها.
س: هل حصلت استفادة من شريفة ماهر في أي عمل من أعمال المخابرات؟
جـ: لا محصلش على قدر علمي ولم نستخدمها في شيء.
س: وما تكاليف هذه العملية الخاصة بشريفة ماهر؟
جـ: أخذت في كل مرة مائة جنيه ومش فاكر إن كانت المندوبة اللي جابتها ريري أخذت مكافأة والا لأ ومسألة مكافأة كمال عيد مش فاكرها ويجوز صرفتها لـه وأنا ناسي.
س: وماذا كان الهدف من عملية السيطرة على برلنتي عبد الحميد؟
جـ: هذه العملية أيضاً كانت بأوامر صريحة من حسن عليش ولم يفصح عن الغرض منها ولكن كان اهتمامه بها ظاهر وكان يتابعها ويتدخل في تفاصيلها وهو اللي وضع خطتها وكان يصدر جميع الأوامر الخاصة بها وصدق على أننا نشتري لبرلنتي هدايا في حدود مائتي جنيه لما ريري قالت أنها مابتاخدش فلوس وكان مهتم بأنه يتعمل لها كنترول كامل أي في عملية جنسية وعدم الاكتفاء بالصور التي أخذت لها وظهرها عريان وممدوح كامل بيهزر معاها ويشدها عليه لولا أن حصلت سرقة الفلوس وما أعقبها مما تعذر معه إعادة الكنترول كما سبق أن شرحت ولم يكن حسن عليش مهتماً بسرقة الفلوس وقال "إيه يعني 360 جنيه" والموضوع أهم من كده على النحو الذي سبق أن أوضحته ولم يكن مهتماً برجوع المبلغ المسروق وإنما كان اهتمامه باستمرار العملية إلى أن يتم الكنترول الكامل ولكن أنا صعب عليّ أن فلوس الدولة تضيع بالشكل ده وخالفت أوامره وكلفت ممدوح كامل بأن يتصل ببرلنتي ويهددها وأمكن بذلك إعادة المبلغ المسروق.
س: وما الذي أدركته من هذا كله؟
جـ: أن هذه العملية لها أهمية خاصة عند حسن عليش ولم يكن الهدف منها واضحاً لي كما سبق أن ذكرت.
س: قرر أحمد الطاهر في أقوالـه أن حسن عليش أخبركما في تبرير عمل الكنترول لبرلنتي أنها تدعي لنفسها علاقات بكبار المسئولين في الدولة.؟
جـ: لا أنا ماسمعتش الكلام ده من حسن عليش ويجوز قالـه لأحمد الطاهر في غير وجودي وبالنسبة لي كان الغرض من العملية مجهلاً وغير واضح.
س: ماذا كان دور صلاح نصر في هذه العملية؟
جـ: صلاح نصر لم يظهر في الصورة بالنسبة لها.
س: قرر أحمد الطاهر أن الفيلم الخاص بهذه العملية سلمه لحسن عليش وكذا الصور فقام حسن عليش بتسليمها بدوره لصلاح نصر، فما معلوماتك عن ذلك؟
جـ: أنا وقتها ماكنتش أعرف أن صلاح نصر تسلمها لكن بعد التحفظ عليّ وراني أحمد الطاهر سجل عمليات الكنترول الخاص بحسن عليش وكان مؤشر فيه قرين هذه العملية بأن وثائقها سلمت للمدير صلاح نصر وكانت العبارة اللي أنا شفتها في السجل نصها "سلمت للمدير".
س: ما تكاليف هذه العملية الخاصة ببرلنتي؟
جـ: كنا أجرنا شقة أسفل شقتها لعمل تسجيل صوتي قبل عملية الكنترول ولم يتم التسجيل لعقبات فنية كما سبق أن ذكرت وافتكر كان التأجير لمدة شهر ومش فاكر الأجرة على وجه التحديد وافتكر أنها كانت حوالي سبعين أو ثمانين جنيهاً واشترينا الهدايا بمبلغ مائتي جنيه تقريباً وأعيدت تاني وبالإضافة إلى المصاريف النثرية لممدوح كامل خلال فترة اتصالـه بها ولا تزيد عن ثلاثين جنيهاً والمبلغ المسروق رجعناه.
س: قرر أحمد الطاهر في أقوالـه أنك فهمت أن هذه العملية الخاصة ببرلنتي أجريت لصالح المشير ــ فما قولك.؟
جـ: في وقتها لم يفصح حسن عليش عن الغرض من العملية ولكن بعد كده لما كلفنا بعملية علي عبد اللطيف سنة 1967 وتكشفت أمور بخصوص العلاقة بين المشير وبرلنتي فقد كانت عملية الكنترول الخاصة بالمذكورة مثار تساؤل بيني وبين أحمد الطاهر وهي بالشكل ده يبقى فيه ارتباط بين عملية برلنتي وعملية علي عبد اللطيف.
س: وماذا كان الهدف من عملية الكنترول على اعتماد خورشيد؟
جـ: كانت هذه أيضاً من العمليات التي صدرت فيها الأوامر مباشرة من حسن عليش ولم يفصح عن الغرض منها وكان مهتم بها ويتولى إدارتها تفصيلاً وكان مهتم بأن عملية الكنترول تتم بعد أن فشل كمال عيد في استدراج المذكورة لشقة العمليات.
س: ماذا كان دور صلاح نصر في هذه العملية؟
جـ: لم يظهر في الصورة بالنسبة لهذه العملية أيضاً.
س: ألم تسمع بحصول اتصال بينه وبين اعتماد خورشيد؟
جـ: لا ما اعرفش.
س: وما تكاليف هذه العملية؟
جـ: بالإضافة إلى المصاريف النثرية التي لا أستطيع حصرها فقد أخذت اعتماد مبلغ مائة جنيه وربما كانت هناك مصاريف أخرى لا أذكرها ويرجع في ذلك لمحمود كامل شوقي باعتباره الضابط القائم بالتنفيذ.
س: قرر أحمد الطاهر بالنسبة لهذه العملية الخاصة باعتماد خورشيد أنه كان هناك اهتمام زائد من صلاح نصر بشأنها عن طريق حسن خورشيد؟
جـ: اللي كان قدامي هو حسن عليش وأما صلاح نصر فلم يظهر أمامي في الصورة وربما كان ظاهر في العملية بالنسبة أحمد الطاهر. وأريد أن أوضح في هذا الشأن ــ أن وضعي كان يختلف عن وضع أحمد الطاهر فأنا أصلاً عملي في الميدان خارج إدارة المخابرات ولم أكن أتردد أساساً على الإدارة وأما أحمد الطاهر فكان يتردد فيبقى في الصورة أكثر بالنسبة لصلاح نصر.
س: ألم يستفاد من اعتماد في أي عمل خاص بالمخابرات؟
جـ: لا محصلش على قدر علمي وحسن عليش هو اللي طالب الاحتياج بصفة محددة واحنا منفذين.
س: ما الذي فهمته عن الهدف من عمل كنترول لعلي عبد اللطيف ثم القبض عليه أثناء العملية؟
جـ: فهمت أن ذلك كان لتشنيعه على المشير في موضوع برلنتي ولأنه شتم بعد كده في الحفلة اللي عملناها لـه في الاتحاد الاشتراكي وفي الريس.
س: ما دور صلاح نصر في هذه العملية؟
جـ: استجوب علي عبد اللطيف كما سبق أن أوضحت.
س: ما الذي فهمته من ذلك؟
جـ: أنه مهتم بالموضوع وهو اللي أمر بالمكافأة لفايزة سعد.
س: ما الفترة التي حجز علي عبد اللطيف خلالها في إدارة المخابرات؟
جـ: لا أعلم. وأنا فقط شفته تاني يوم من القبض عليه في مبنى الاستجواب ــ عاد وقال أنا ماشفتوش لكن عرفت إنه موجود وما اعرفش تم إيه بعد كده بالنسبة لـه.
س: قرر أحمد الطاهر في أقوالـه أن صلاح اعتدى بالضرب على علي عبد اللطيف في مكتب حسن عليش وذلك عقب ضبطه وإحضاره لمبنى المخابرات.؟
جـ: أنا مادخلتش المكتب فماشفتش.
س: وقرر أحمد الطاهر أيضاً أن طبيب الإدارة الدكتور شعراوي استدعى من منزلـه للكشف على المذكور لمعرفة مدى احتمالـه للاستجواب وهو عاري الجسد نظراً لكبر سنه وبرودة الجو وأنه تم عرض الفيلم الذي التقط لـه عليه وأنه ظل عارياً حتى الصباح منذ إحضاره حوالي الساعة الواحدة صباحاً ثم نقل عارياً من مبنى هيئة الأمن القومي إلى مبنى الاستجواب فما قولك؟
جـ: أنا ماحضرتش الوقائع دي لأني توجهت لإحضار نادية أبو طالب في نفس اليوم بناء على أوامر حسن عليش وبعد كده قطعت معاها شوية قبل حسن عليش ما يقابلها.
س: ألم يخبرك أحد بهذه الوقائع؟
جـ: لا.
س: وأضاف أحمد الطاهر في أقوالـه أن حسن عليش استدعى أيضاً زوجة علي عبد اللطيف بواسطة محرم وأسمعها شريط التسجيل لحديث زوجها عن الاتحاد الاشتراكي وسبه للرئيس لإقناعها بسبب وجوده في المخابرات وحتى لا تبلغ سلطات مدنية عن اختفائه ــ فما قولك؟
جـ: لا أعلم شيء عن الواقعة دي.
س: قرر أحمد الطاهر كذلك أن علي عبد اللطيف احتجز في مبنى الاستجواب فترة طويلة حوالي شهر أو أكثر قبل نقله للسجن الحربي ــ فما معلوماتك عن ذلك؟
جـ: أنا عملي خارج الإدارة وما اعرفش.
س: هل كانت نجوى الصواف تعلم بأنه تجرى لها عملية كنترول عن ممارسة الشذوذ الجنسي؟
جـ: كانت فاهمة فقط أننا بنعمل تسجيل صوتي وده كان المبدأ العام بالنسبة لجميع المندوبين والمندوبات في عمليات الكنترول أنهم مايعرفوش إن فيه تصوير وأن الموضوع لا يخرج عن التسجيل الصوتي وذلك لضمان الأمن في العملية لأننا ماكناش بنحب يعرفوا إن فيه حاجة اسمها تصوير محافظة على السرية نظراً لحساسية هذه العمليات.
س:ما وجه اهتمام صلاح نصر بعمل أفلام الشذوذ الجنسي مع أنها لم تستغل ولم تباع حسبما سبق أن قررت؟
جـ: اللي قيل لنا أنها علشان تباع وتجيب عملة صعبة فيسأل هو عن ذلك وأنا سبق أن أوضحت وجهة نظري أصلاً في هذه العملية ومع ذلك لم يؤخذ بها وأمرني حسن عليش بالتنفيذ.
س: ما الذي تكلفته هذه العملية الخاصة بالشذوذ الجنسي؟
جـ: لا أذكر أنها كلفتنا غير نفقات الأفلام الخام وأحمد الطاهر هو اللي يقدر يقدرها باعتباره رئيس القسم الفني. ولا أذكر أننا صرفنا مكافآت في هذه العملية والبنت بتاعة إسكندرية اللي حصلت معاها العملية والتي أذكر أنها كانت طالبة ما أخذتش حاجة ولو أن أمال حسين قالت إنها أعطتها من عندها مبلغ عشرة جنيهات واحنا أخدنا الكلام ده على أنها عاوزة تبين نشاطها واهتمامها ولم نعطيها المبلغ.
س: ما الفترة التي حجز فيها محمد كامل حسن المحامي في إدارة المخابرات؟
جـ: ما ا اعرفش على وجه التحديد وأنا فقط قعدت معاه في مبنى الاستجواب إلى اليوم التالي للقبض عليه ثم انصرفت لعملي ولم أشاهده بعد ذلك، ولكن أذكر أني بعدها بحوالي 15 أو عشرين يوم تصادف وجودي في مبنى هيئة الأمن القومي وكنت عاوز أقابل محرم اللي هو جمال عباس فقالوا لي أنه في مبنى الاستجواب عند محمد كامل حسن فعرفت أن الأخير لازال محجوز ومش فاكر مين اللي قال لي الواقعة دي ويمكن يكون محمود كامل شوقي.
س: وما السبب في ضبط محمد كامل حسن واحتجازه فيما فهمت؟
جـ: على حد قول المذكور في أول يوم لما كنت قاعد معاه أنه يعلم بالعلاقة بين المشير وبرلنتي عبد الحميد.
س: وهل هذا يقتضي اتخاذ مثل هذه الإجراءات ضده في تقديرك؟
جـ: يسأل عن هذا حسن عليش وهو الذي أمر بكل ما اتخذ من إجراءات في هذا الموضوع.
س: ألم تتحقق من صحة الشائعات الخاصة بالاتصالات النسائية لصلاح نصر وحسن عليش التي سبق أن أشرت إليها؟
جـ: أنا سمعتها كإشاعات ولم أهتم بالتحقق من صحتها.
س: هل لديك أقوال أخرى؟
جـ: أريد أن أوضح أن عمليات الكنترول لم تكن تشكل سوى جزء بسيط من عملي وإشرافي وقد كنت مكلفاً إلى جانب ذلك عن عدة أعمال تعتبر هي الأساس في عملي وهي جميع أعمال وحدات الميدان من مراقبات وتحريات وعمليات التفتيش والتسجيلات على أعمال مقاومة الجاسوسية والنشاط الهدام وكانت لها مشاكلها وقضاياها اليومية التي كانت تشغل معظم وقتي.
تمت أقوالـه ووقع
(إمضـــاء)
رئيس النيابة
(إمضــــــــاء)
وأقفل المحضر على ذلك عقب إثبات ما تقدم حيث كانت الساعة 10,40 مساء.
رئيس النيابة
(إمضــــــــاء)
يتبع
تحديث
فتح المحضر يوم الثلاثاء الموافق 5/3/1968 الساعة 11 ظهراً بمبنى مجلس قيادة الثورة بالجزيرة.
بالهيئة السابقة
وحيث كنا قد تبينا بحضور محمد صفوت محمد الشريف. وحيث حضر فقط استدعيناه وسألناه بالآتي قال:
اسمي: محمد صفوت محمد الشريف (سابق سؤالـه)
س: اشرح لنا المشروعات التجارية التي كانت تديرها إدارة المخابرات والتي أشرت إليها في تقريرك؟
جـ: كانت الإدارة تقوم ببعض المشروعات التجارية وكان الهدف الرئيسي منها هو الفائدة المالية التي تستغل في تمويل جهاز المخابرات بالإضافة إلى هدف آخر هو إمكان استغلال الساتر الاقتصادي في هذه المشروعات بعد نجاحها واتساعها للحصول على المعلومات التي تفيد الجهاز ولتغطية بعض أعمالـه فمثلاً شركة مثل شركة إيمكوجيت ــ التي أشرت إليها في تقريري وكنت أحد الشركاء فيها كان ممكن لو اتسعت أعمالها تفتح مكاتب في الخارج وممكن عن هذا الطريق إجراء عمليات مخابرات تحت ستارها في الخارج بالإضافة إلى ما تستفيده الإدارة من عملات صعبة عن طريقها كمشروع تجاري ويمكن بهذه العملات تمويل عمليات مخابرات في الخارج ومعلوماتي بشأن هذا الموضوع تنحصر في المشروعات التجارية التي اشتركت فيها، وأما ما عداها من مشروعات فليست لدي معلومات عنها.
والمشروع الأول الذي اشتركت فيه هو الخاص بشركة إيمكو السالف ذكرها. وكان ذلك في خلال عام 1966 حيث استدعائي حسن عليش وقال لي عندنا مكتب اسمه "إيمكوجيت" للاستشارات الاقتصادية ويقوم بعمليات تجارية ومقره في شارع قصر النيل أمام شركة مصر للتأمين ويديره واحد اسمه أحمد العبار ويساعده شخص إيطالي اسمه فرانشيسكو ليزي وأن المسئول عنه من ضباط المخابرات هو أيمن عبد السميع وعرفني أن المكتب أنشئ من حوالي ثلاث سنوات وكان مسئول عنه قبل كده ضابط المخابرات رفعت جبريل ولكن المكتب فشل فأسند الإشراف عليه لأيمن بدلاً من رفعت جبريل وأن الأعباء زادت على أيمن بازدياد أعمال المكتب ونجاحه مما جعله يرى تشكيل مجلس إدارة لـه وأكون عضواً فيه.
وفي سنة 1967 سجلنا المكتب كشركة مساهمة بسيطة وكانت أعمالـه عبارة عن الاستشارات الاقتصادية عن طريق الاتصال بالمؤسسات الاقتصادية بالداخل سواء حكومية أو قطاع عام والوقوف على احتياجاتها من الخارج والاتصال من جهة أخرى بالمؤسسات الاقتصادية العالمية والحصول منها على عروض بهذه الاحتياجات في أي مجال اقتصادي، علاوة على دراسة اتفاقيات التبادل التجاري بيننا وبين الدول الأخرى للاستفادة منها في الحصول على عروض من المؤسسات الاقتصادية في تلك الدول لاحتياجاتها من الجمهورية العربية المتحدة في حدود تلك الاتفاقيات وفي نظير هذا نحصل على عمولات من تلك المؤسسات الأجنبية، ولما سجلنا المكتب كشركة بعد كده أضفنا إلى اختصاصاته القيام بالخدمات السياحية والعلاقات العامة بمعنى الاتصال بأي جهات أجنبية لتسهيل أعمالها في الداخل ــ وقد كان أيمن عبد السميع هو عصب العملية من الناحية الفنية والمالية باعتباره بكالوريوس تجارة ويفهم في المسائل دي وقد تفهمت الموضوع عن طريقه وانضم لنا محمود كامل شوقي ثم أخبرنا حسن عليش بأن مجلس الإدارة سوف يشكل منا إحنا الثلاثة علاوة على وجيه عبد الله وأحمد العبار وفرانشيسكو ليزي على أن يعمل المجلس تحت إشراف حسن عليش.
وصدر أمر إداري من صلاح نصر بهذا التشكيل وواجبات كل واحد من الأعضاء وحسن عليش عقد لنا مؤتمر أو بعبارة أخرى أول اجتماع لمجلس الإدارة وتلى علينا فيه الاختصاصات، وقد كانت مهمة مجلس الإدارة عموماً هو متابعة سير العمليات التجارية وإنجازها وحساباتها بالإضافة إلى أنه كان يشكل جانب الرقابة من جهاز المخابرات على العملية وكان اختصاصي أنا شخصياً هو متابعة إنجاز العمليات التجارية وكان اختصاص أيمن هو الناحية الفنية ومراجعة العقود وعمل الميزانية والدفاتر الحسابية كلها بالتعاون مع وجيه عبد الله وكان الأخير يختص فضلاً عن ذلك بجانب العلاقات العامة وكان محمود كامل شوقي يختص بشئون العاملين والأمن والأرشيف وتسجيل اجتماعات مجلس الإدارة الذي كان ينعقد أسبوعياً وكان أحمد العبار وفرانشيسكو هم الناس اللي في السوق وكان الأول هو مدير الشركة والثاني هو المستشار الاقتصادي لها، وفي التسجيل كشركة كان أيمن والعبار هم الشركاء المتضامنين وأنا ومحمود شوقي الشركاء الموصون ونص في عقد الشركة على أن تكون لأيمن جميع حقوق المدير اللي هو العبار في حالة غيابه.
وعلى هذا النحو سارت الشركة في عملها وكنا بنعمل ميزانية سنوية لها علاوة على أن مجلس الإدارة أن يراجع المصروفات الشهرية. وكان المسئول عن النواحي الحسابية كما سبق أن ذكرت هو أيمن مع وجيه عبد الله يعني إحنا بنراجع وهم بعد كده بينسقوا باقي العملية من النواحي الحسابية والدفترية وإضافة الأرباح لجانب المخابرات والخصم والرصيد وما إلى ذلك بينهم وبين بعض وقد حققت هذه الشركة في السنة المالية 65/66 أرباحاً حوالي اثنين وعشرين ألف جنيه بعد خصم كافة المصروفات وكانت جميعها بالعملة الصعبة وتوازي المبلغ سالف الذكر بالعملة المصرية كما حققت في ميزانية 66/1967 أرباحاً حوالي خمسين ألف دولار وقد عملت هذه الميزانية في شهر يونيو سنة 1967 ثم استجدت بعد ذلك عقود حتى تاريخ القبض عليّ يقدر عائدها المبدئي بنحو مائة وعشرين ألف دولار وكان المفروض أنها حاتدخل في ميزانية 67/1968 وكانت أكبر صفقة فيها على ما أذكر خاصة ببناء أسطول صيد لنا في أسبانيا لحساب مؤسسة الثروة المائية علاوة على صفقة قمح كبيرة من إيطاليا ولازالت الشركة حتى الآن قائمة بعملها.
وبعد أن عملنا ميزانية 65/1966 ونظراً لما تحقق من ربح كبير فقد أخبرنا حسن عليش بأن المدير صلاح نصر أمر بمكافأة لكل واحد منّا قدرها ثلاثين جنيهاً شهرياً وصرفناها عن مدة سنة فأخذت 360 جنيه عن عام 65/1966 ثم صرف لي 360 جنيه أخرى وأنا في المعتقل من السنة المالية 66/1967 بناء على تصديق من السيد/ أمين هويدي المشرف على جهاز المخابرات.
والمشروع التجاري الثاني الذي اشتركت فيه كان عبارة عن مشروع مزرعة زهور وتربية حيوانية في أوائل سنة 1967 وبدأ بأن كلفني حسن عليش بالتوجه إلى مزرعة زهير جرانه في الهرم مع محمود كامل شوقي لاستلام تلك المزرعة من لجنة الحراسة ورحنا فعلاً واستلمناها وكانت مساحتها حوالي ثلاثين فداناً مزروعة مانجا وموالح ومشروع صغير لتربية دواجن وكانت مؤجرة لبعض تجار الفاكهة وإيرادها 400 جنيه شهرياً وكانت مهمتي في بادئ الأمر قاصرة على عملية الاستلام من لجنة الحراسة وأفهمني حسن عليش بأن محمود كامل شوقي سوف يتولى تشغيلها بمعنى محاسبة التجار ودفع المصروفات ثم تطور المشروع بأن فكر حسن عليش في استغلال جزء من المزرعة لإنبات الزهور واستعان بأحد المهندسين الزراعيين من وزارة الزراعة ويدعى بهاء وعرفت أنه راح عاين المزرعة وحدد المنطقة التي تصلح لزراعة الزهور منها واقترح ضم قطعة أرض أخرى قريبة تابعة للإصلاح الزراعي وتربتها تصلح للزهور ومساحتها 22 فدان وطلب منه حسن عليش أن يضع لـه مشروعاً عن التكاليف وتقدم لـه فعلاً بالمشروع .
كما قام حسن عليش بتكليف عقيد طبيب بيطري يدعى الدقن بأن يضع لـه مشروعاً للتربية الحيوانية والتوسع في تربية الدواجن ولما تطور المشروع بهذا الشكل وفي نفس الوقت اقترح المهندس الزراعي أننا نشوف محل لتصريف الزهور الناتجة من المزرعة فقد أمر حسن عليش بتشكيل مجلس إدارة للمشروع برئاسة يسري الجزار وعضويتي أنا ومحمود كامل شوقي والمهندس الزراعي بهاء والعقيد الدقن وقمنا في مجلس الإدارة بمناقشة المشروعين الخاصين بالزهور والتربية الحيوانية والدواجن وفي الوقت نفسه كان أعلن في الجرايد عن بيع محل تجاري بالجدك من شركة تابعة للقطاع العام لا أذكر اسمها ففكرنا في أننا نشتري هذا المحل لاستخدامه في تصريف الزهور وتقدمنا بعطاء ورسي علينا المحل بمبلغ 5500 جنيه وبإيجار أربعين جنيهاً شهرياً وهو في شارع قصر النيل وقام باستئجاره محمود كامل شوقي تحت اسم كودي هو محمود كامل مرتجى كما أن المذكور قام باستئجار الأرض لتابعة للإصلاح الزراعي تحت اسم كودي أيضاً ولا أعرف تفاصيل هذه العملية الأخيرة.
وفي مجلس الإدارة عملنا مشروع ميزانية كاملة للمشروع بجميع مشتملاته لمدة السنة القادمة وحسبنا تكاليف مزرعة الزهور ومحل تصريف المنتجات وتكاليف التربية الحيوانية وإنشاء حظائرها وتربية الدواجن وتوسيع حظائرها الموجودة وبعض المنشآت اللازمة من مخازن ونحوها وكان إجمالي التكاليف المقترحة في حدود أربعين ألف جنيه وقدمنا المشروع لحسن عليش وناقشناه معاه وقال أنه حايعرضه على صلاح نصر ويجيب تصديق منه عليه وبعد أيام أبلغني يسري الجزار بأن التصديق تم والمبلغ صرف فعلاً لـه وهو الأربعين ألف جنيه وموجود عنده وأننا سوف نعقد مجلس إدارة للتنفيذ.
وفعلاً عقدنا مجلس الإدارة في حوالي مارس سنة 1967 وقررنا السير في تنفيذ المشروعات المقدمة وتقرر أن يكون محمود كامل شوقي هو المسئول عن النواحي الحسابية والإشراف الفعلي اليومي على التنفيذ كما قررنا تشغيل لجنة مشتروات في داخل مجلس الإدارة من المهندس الزراعي والطبيب البيطري وقد تفرغ أولهما تفرغاً كاملاً للعملية.
كما تقرر أن تكون هناك لجنة مشكلة مني ومن محمود كامل شوقي لمراجعة الحساب الشهري ويعرض على مجلس الإدارة للتصديق عليه في الاجتماع الأول من كل شهر وسار المشروع في التنفيذ بهذا الشكل.
واشترينا عجول وأنشأنا بعض المباني اللازمة وتوسعنا في تربية الدواجن ووزعنا الزهور وبدأنا في إعداد محل التصريف وأذكر أن إجمالي ما صرفناه حسب الميزانية التي قدمت في آخر مجلس إدارة قبل ما نتمسك كان حوالي عشرين ألف جنيه وقد تسلمت اللجنة التي شكلت بعد القبض علينا مبلغ العشرين ألف جنيه الأخرى من يسري الجزار كما تسلمت اللجنة مبلغاً آخر من محمود كامل شوقي كان متبقياً في عهدته بالخزينة بعد مراجعة المستندات وأيضاً كانت الأربعين ألف جنيه التي تسلمها يسري في بادئ الأمر كرأس المال المدفوع من فلوس إدارة المخابرات وكنا فكرنا في استغلال جزء من محل تصريف الزهور نظراً لكبر حجمه في عمل محل كوافير ودي كانت فكرة لم يتم تحقيقها ولغاية ما قبض عليّ لم يكن المشروع قد حقق أرباحاً بعد لأنه كان في دور الإنشاء وكنا مقدرين أن يبدأ العائد من نوفمبر سنة 1967 بعد أن تكون الزهور نبتت والعجول اتسمنت وكنا مقدرين العائد الذي كان مفروضاً أن يتحقق في السنة المالية 67/1968 بمبلغ عشرة آلاف جنيه.
وكان المشروع ماشي بانتظام وروجع كاملاً بمعرفة اللجنة التي تشكلت بعد القبض علينا ولا يزال المشروع ماشي حسب علمي وعلمت أن المحل الذي كان معداً لتصريف الزهور قد بيع في يناير سنة 1968 بمبلغ عشرة آلاف جنيه بما حقق ربحاً لأننا كنا شاريينه بمبلغ خمسة آلاف وخمسمائة جنيه كما سبق أن ذكرت ودفعنا أجرته أربعين جنيه شهرياً لمدة حوالي ثمانية شهور ولم نصرف عليه أكثر من هذا سوى مائتي جنيه تسلمها مكتب ديكور لا أذكر اسمه لإعداد المحل.
وفاتني أن أذكر أننا في تقديرنا لتكاليف المشروع في الأول قدرنا عشرين ألف جنيه للمشروع الزراعي والتربية الحيوانية وعشرين ألف جنيه أخرى للمحل وجزء منها حوالي ثلاثة آلاف جنيه احتياطي للمشروع وكل الكلام ده ثابت في السجلات.
وبالإضافة إلى ما تقدم فهناك موضوع آخر بدأ بأن اتصل بي حسن عليش في خلال سنة 1963 ولا أذكر التاريخ على وجه التحديد وكنت لسه جديد في رئاسة قسم المندوبين وطلب مني أن أقابله ولما تقابلنا قال لي أنا جاي أعرفك بمندوب على مستوى عالي وأنا اللي مجنده وباشغله وأنا دلوقتي مشغول فأنا عاوز أعرفك به علشان تبقى حلقة الاتصال بيني وبينه وطلعنا في شقة في عمارة أبو رجيلة عبارة عن مكتب باسم المؤسسة العربية للعلاقات العامة والاستشارات القانونية والاقتصادية على ما أذكر ودخلنا حجرة المدير وكان هو صلاح الدين الرفاعي ولاحظت أن حسن عليش معروف هناك في المكتب وقد قام بتعريفي بصلاح الرفاعي.
وأذكر أنه كان موجود عنده يومها سفير لأحد الدول الأفريقية بالخارج ودار حديث بينه وبين حسن عليش وقد قام الأخير بتفهيم صلاح الرفاعي بأنني سأكون حلقة الاتصال بينهما في حالة انشغالـه أي انشغال حسن عليش وقد فهمت من حسن عليش بعد ذلك أن المكتب ده كله بتاعنا أي بتاع المخابرات وكلفني بعد ذلك حوالي أربع أو خمس مرات بالتردد على صلاح الرفاعي علشان أجيب لـه منه أوراق.
وفي إحدى المرات أعطاني حسن عليش مبلغ خمسمائة جنيه لتسليمها للمذكور بموجب إيصال وقمت بذلك ــ وفي مرة أخرى كلفني صلاح الرفاعي بأني آخد لحسن عليش كشوف حسابات خاصة بالمكتب ــ كما أذكر أن صلاح الرفاعي اتصل مرة تليفونياً أثناء تواجدي عنده بحسن عليش وقال لـه أنا ابتديت أدعو السفراء عندي وعاوز أعمل لهم تسجيلات فتعمل لي الترتيب وبعدها بيوم اصطحبني حسن عليش ومعنا أحمد الطاهر ورحنا مكتب صلاح الرفاعي حيث قام أحمد الطاهر بمعاينة المكان تمهيداً لتركيب أدوات التسجيل وفي اليوم التالي توجهت أنا وأحمد الطاهر إلى هناك حيث قام بتركيب الأدوات.
وكان ذلك كله بتعليمات من حسن عليش، وقد استغرقت هذه المسائل كلها حوالي شهرين وعقب ذلك أصدر حسن عليش توجيهاته بأننا نحول المكتب ده إلى شركة ونسجلها ويبقى لها مجلس إدارة من عندنا وتقوم على رجليها كعمل تجاري تابع للمخابرات وأن يشكل ذلك المجلس مني ومن يسري الجزار وأحمد الطاهر على أن يكون يسري رئيساً لمجلس الإدارة ويكون صلاح الرفاعي مديراً للشركة وتم فعلاً الكلام ده وسجلناها باسم الشركة المصرية للعلاقات العامة على ما أذكر وأنها عبارة عن شركة تقوم بتقديم التسهيلات للدبلوماسيين والأجانب والأعمال السياحية والأعمال التجارية الأخرى التي يمكن الاستفادة بها فيها واتخذنا في عقد إنشاء الشركة أسماء كودية وحددنا لها رأس مال في العقد ستة آلاف جنيه مقسمة على حصص متساوية بين الشركاء الثلاثة.
وقد كان المذكور يتقاضى نفس هذا المرتب من قبل من حسن عليش وحسبما علمت باعتباره كان شغال معاه وعقدنا بعض اجتماعات لمجلس الإدارة برئاسة يسري الجزار وحددنا اختصاصاتنا وتولى يسري النواحي المالية واختصيت أنا فيما أذكر بشئون الأفراد وتعيينهم والتحري عنهم ولو أن اللي حصل فعلاً أننا ماعيناش حد واستلمت المكتب بهيئته كاملة واستمر بنفس الصورة لحين انتهاء الشركة ومش فاكر أحمد الطاهر اختص بإيه، وكان رأينا باعتبار أنها كشركة تجارية في دور التكوين أننا نحرر العمل التجاري بحيث نقوم بنشاط تجاري فعلاً يحقق أرباحاً ونخلي أعمال المخابرات من خلال هذا الساتر التجاري وركزنا على أن تنجح الشركة تجارياً وطلبنا من صلاح الرفاعي في أحد اجتماعات مجلس الإدارة أن يقدم لنا خطة مشروع لتحقيق ذلك والأعمال التجارية اللي ممكن نمشي فيها فطلب أن يسافر للخارج لعدد من البلدان علشان يعمل اتصالات ببعض الشركات الكبيرة وياخد توكيلات منها بحيث أن الشركة تبقى وكيلة لهم في مصر فطلبنا منه أن يحدد لنا هذه الشركات ويبقى المأمورية محددة حتى يوافق مجلس الإدارة على سفره.
وفي الاجتماع التالي لمجلس الإدارة قدم لنا خطابات واردة لـه من بعض الشركات الأجنبية بتحديد مواعيد لمقابلته وغير واضح فيها الغرض من المقابلة فقلنا لـه أن المأمورية لازم تكون محددة أكثر من كده وحصل خلاف بسبب ذلك ونقاش حاد بينه وبين يسري الجزار في هذا الشأن ورفضنا التصديق على سفره وأذكر أن صلاح الرفاعي قال أن ده موضوع قديم سبق عرضه على حسن عليش ولكن يسري الجزار أجابه بأن مجلس الإدارة هو اللي مسئول وملناش دعوة بأي كلام حصل قبل كده وانفض المجلس على هذا الأساس ثم علمت بعد ذلك من يسري الجزار بأن هذا الخلاف وصل إلى صلاح نصر وكان حسن عليش في الوقت ده متغيب بالخارج للعلاج وأن صلاح نصر أمر بأن صلاح الرفاعي يسافر فحددنا لـه الفترة التي يقضيها في الخارج وكلفناه بأن يقدم لنا مشروعاً قبل سفره عن خط سيره وتولى يسري الجزار مناقشة هذا المشروع معه وسافر بعد كده فعلاً.
وخلال فترة وجوده في الخارج أخبرني يسري الجزار بأنه اتضح لـه أنه نصاب وأن البوليس الدولي بيبحث عنه لأنه عمل حادثة نصب في الخارج بخصوص سيارة على ما أذكر ولم يلتزم صلاح الرفاعي بالمدة التي حددناها لـه وإنما تغيب بالخارج مدة أطول ولذلك وجهنا لـه اللوم في مجلس الإدارة عن هذا التأخير وقررنا خصم بدل السفر عن المدة الزائدة على حسابه وأن يخصم من مرتبه وناقشناه في مجلس الإدارة عما قام به من أعمال في الخارج وافتكر أنه قدم لنا تقرير عن اتصالاته ووجدنا أن مافيش حاجة هامة إيجابية قام بها ولو أنه كان عاوز يوهمنا بأنه قام بمجهود جبار وأنه يكفي أن اسم الشركة اتعرف في الخارج وأن العروض سوف تنهال علينا واللي حصل أننا لم نستفد من رحلته بشيء.
والموقف تأزم وكان حسن عليش رجع وافتكر أن يسري عرض الموضوع عليه وقد أخبرني يسري بعد ذلك بأنه تقرر حل الشركة وكان ذلك بعد رجوع صلاح الرفاعي من الخارج بمدة وجيزة ورحت أنا ويسري وأحمد الطاهر لمصلحة الشهر العقاري حيث قمنا بتسجيل حل الشركة واتخذ يسري الإجراءات اللازمة لإبلاغ صلاح الرفاعي بذلك ومن هذا الوقت انقطعت صلتي بالموضوع وهذه معلوماتي بخصوص جميع المشروعات التجارية التابعة لإدارة المخابرات التي اشتركت فيها.
س: ألم يكن هناك أي خلل في حسابات شركة إيمكوجيت؟
جـ: لا وعلى العكس كانت حساباتها منتظمة وحققت الأرباح الكبيرة والتي سبق أن أشرت إليها.
س: كيف كان يتكون رأس مال تلك الشركة؟
جـ: إحنا دخلنا على الشركة وهي مكتب مؤسس ومسجل وشغال فعلاً وفهمت من أيمن عبد السميع أن هذا المكتب سبق تأسيسه بمصاريف من المخابرات حوالي سنة 1964 ولم يذكر لي قيمة المبلغ ونظراً لأن عمل الشركة بطبيعته لا يحتاج إلى رأس مال فقد كانت مصاريفنا أي مصاريف الشركة عبارة عن مرتب المدير أحمد العبار وهو مائة جنيه شهرياً ومرتب السكرتيرة 18 جنيه في الشهر وهي لم تعين إلا عام 1967 ومرتب سكرتير هو 35 جنيهاً شهرياً وأما فرانشيسكو ليزي فلم يكن يريد أن يتقاضى مرتباً وإنما طلب أنه ياخد نسبة من الأرباح لأنه كان بيقوم بمجهود كبير في الاتصالات بالأجانب وكان لـه اتصال مباشر بوجيه عبد الله وحسن عليش وحسب علمي لغاية ما قبض عليّ أنه لم يتقاضى بالفعل أي مبالغ وهو كان رجل غني ومش محتاج ولـه أعمال أخرى يقوم بها وأقصد أنه لم يكن حريصاً على تقاضي حقوقه أولاً بأول.
س: قرر محمود كامل شوقي أن الأرباح الأخيرة التي حققتها تلك الشركة وهي عبارة عن خمسين ألف دولار تقريباً جزء منها مودع في إيطاليا باسم الشركة لحساب فرانشيسكو ليزي والباقي في أسبانيا وهو حوالي سبعة عشر ألف دولار لدى شركة السفن. فما معلوماتك عن ذلك؟
جـ: تفاصيل هذه المسائل الحسابية يعرفها كويس أيمن عبد السميع إنما بصفة عامة فقد كانت أرباح الشركتين من العملات الصعبة على قدر علمي تودع لحسابه في الخارج باسم ليزي وهو يروح يستلمها وكان تنسيق هذا الموضوع يتم بينه وبين أيمن ووجيه عبد الله كما أن أرباح الشركة عموماً كانت تعود لجهاز المخابرات العامة وتسلم لخزينة الجهاز
س: كيف تم الاستيلاء على مزرعة زهير جرانه؟
جـ: أنا ما اعرفش التفاصيل وإنما اللي يعرفها هو محمود كامل شوقي وكان دوري في هذا الشأن قاصراً على الاشتراك معه في الاستلام الفعلي من لجنة الحراسة ووقعنا على محضر جرد بالاستلام، كما اشتركت في مجلس الإدارة كما سبق أن أوضحت.
س: ما مبررات موافقة صلاح نصر على سفر صلاح الرفاعي للخارج مع أن مجلس إدارة الشركة امتنع عن التصديق لـه بالسفر؟
جـ: يسري الجزار هو الذي تولى الاتصال بصلاح نصر في هذا الشأن وهو الذي يعلم تفاصيله وأنا شخصياً لم يكن لي دور في هذا الشأن وكل ما في الأمر أن يسري أبلغني بعد ذلك بأن صلاح نصر صدق على أن صلاح الرفاعي يسافر.
: ما المصاريف التي تكلفها سفر المذكور للخارج؟
جـ: لا أذكر ويسري الجزار كان يتولى المسائل المالية.
س: ألم تحقق تلك الشركة التي كان يديرها صلاح الرفاعي أرباحاً لجهاز المخابرات؟
جـ: لا، والشركة لم تقم بأعمال لأنها بدأت بموضوع سفر صلاح الرفاعي وانتهت بعودته بدون نتيجة وبالمشاكل التي صاحبت الموضوع على النحو الذي سبق أن فصلته.
س: قررت أن رأس مال تلك الشركة تحدد بمبلغ ستة آلاف جنيه في عقد تأسيسها. فما مصدر هذا المبلغ؟
جـ: المكتب كان مؤسس أصلاً وصلاح الرفاعي بياخد مرتبه من الأول من حسن عليش وماعملناش عمليات ولذلك أعتقد في مفهومي أن رأس المال هذا المنصوص عليه في العقد كان شكلي ولو أن معلوماتي في هذا الشأن غير دقيقة واللي في الصورة أكثر هو يسري الجزار.
س: من كان يتقاضى مرتبات غير صلاح الرفاعي؟
جـ: كان فيه بنتين في السكرتارية وموظف وساعي ومنذ تكوين الشركة كان يسري الجزار بيعطيهم مرتباتهم ولا أذكر مقدارها كما كان يعطى لصلاح الرفاعي مرتبه. وطبعاً كلها من أموال إدارة المخابرات.
س: هل تذكر تاريخ حل تلك الشركة؟
جـ: مش فاكر على وجه التحديد إنما هي لم تستمر أكثر من أربعة أو خمسة شهور.
س: هل كان صلاح الرفاعي يبذل مجهوداً فعلياً يفيد جهاز المخابرات مقابل تقاضيه المرتب الذي كان يحصل عليه من حسن عليش؟
جـ: ما اعرفش وكان اتصالـه في هذا الشأن بحسن عليش فيسأل الأخير عن ذلك. وأنا اقتصر دوري على كوني حلقة اتصال بينهما خلال فترة شهرين تقريباً قبل تكوين الشركة وبناء على تكليفي بذلك من حسن عليش وكان صلاح الرفاعي يسلمني أحياناً مظاريف مقفولة لتوصيلها لـه أي لحسن عليش ولا أعلم ما بداخلها وفهمت أن مصاريف المكتب في الفترة السابقة على تكوين الشركة كان يدفعها حسن عليش.
س: ألم يقم صلاح الرفاعي بأعمال تفيد الشركة بعد تكوينها يستحق عليها مرتبه؟
جـ: عمر الشركة قصير وكان العمل الوحيد الذي قام به صلاح الرفاعي هو السفر للخارج للاتصال بالشركات الأجنبية على التفصيل الذي سبق أن أوضحته، وتبين لنا لما رجع أنه لم يقم بشيء هام وإيجابي يفيد في أعمال الشركة، وأعقب ذلك حلها.
س: وبماذا إذن تفسر حصولـه على مرتبه الكبير بالإضافة إلى مصروفات سفره؟
جـ: فيما يتعلق بالمرتب فقد كان محدداً من قبل بمعرفة حسن عليش وفيما يختص بالسفر فيسأل عن ذلك صلاح نصر الذي صدق على سفره رغم اعتراض مجلس الإدارة.
س: ألم يصل إلى علمك أن ذلك كان يرجع إلى أمر شخصي لدى صلاح نصر؟
جـ: لا ما اعرفش عن كده حاجة.
س: على أي أساس تحدد مرتب صلاح الرفاعي كمدير للشركة بمبلغ مائتين وخمسين جنيهاً شهرياً؟
جـ: يسأل عن ذلك يسري الجزار الذي كان يتولى النواحي المالية. إنما أنا أعرف أن صلاح الرفاعي كان يتقاضى نفس هذا المرتب من حسن عليش قبل تكوين الشركة.
س: ألا تعرف أن صلاح نصر كان على اتصال بزوجة صلاح الرفاعي؟
جـ: لا ماعنديش معلومات عن كده.
س: تبين أن الشركة سالفة الذكر الخاصة بصلاح الرفاعي قامت بعمل معرض لآثار النوبة كلفت به سيدة تدعى ليلي بلليني وتقاضت مبالغ نظير قيامها بهذا العمل وصلت إلى ما يقرب من 183 جنيه فما علاقة هذا المعرض بالشركة؟
جـ: اللي أذكره في هذا الشأن أنه اتعمل معرض فعلاً في نفس مقر الشركة على ما أذكر ومش فاكر موضوع المعرض وأفتكر أن صلاح الرفاعي قال أنه يقدر عن طريق هذا المعرض أن يجيب السفراء والدبلوماسيين ويجيب لوحات ويبيعها وأن ده يبقى دعاية كويسة للشركة وأذكر أن هذا الموضوع كان سابق على تكوين الشركة لأنه لم يعرض علينا كمشروع لدراسته وإنما تم نتيجة تفاهم سابق فيما أعتقد ولذلك فإن التفاصيل غير واضحة في ذهني، وأعتقد أن يسري الجزار هو الذي يستطيع توضيحها أكثر مني.
س: ولكن قرر يسري الجزار في أقوالـه أنك أنت الملم بتفاصيل هذا الموضوع ــ فما قولك؟
جـ: لا أبداً ولا تعي ذاكرتي أكثر مما قلت خاصة وأن الموضوع لم يكن جديداً على الشركة وإنما كان استمرار لتفاهم سابق حسبما أذكر قبل تكوين الشركة فالذي يستطيع إيضاحه هو صلاح الرفاعي، خاصة وأن الموضوع قديم يرجع إلى سنة 1963.
س: تبين أن من بين مصروفات صلاح الرفاعي في الخارج جزء خاص بمصاريف علاج ــ فهل كان المفروضء أن تتحمل إدارة المخابرات مصاريف علاجه؟
جـ: أنا مش متذكر الموضوع ده ويسري الجزار هو الذي كان يتولى النواحي المالية وهو اللي حاسبه عن المأمورية فيسأل هو عن هذا الأمر وعن أي نواحي مالية أو حسابية أخرى لأن معلوماتي في هذا الشأن قاصرة.
س: هل لديك أقوال أخرى؟
جـ: لا. وأذكر فقط أن اسمي الكودي في شركة صلاح الرفاعي كان هو"أمين شوكت الرافعي".
تمت أقوالـه ووقع ،،
(إمضـــاء)
رئيس النيابة
(إمضــــــــاء)