السبت، 4 أكتوبر، 2008

ثقافة الحمامات


مسؤول في «الإسكان»: غياب ثقافة استخدام الحمامات سبب كارثة الدويقة


*


ده كان عنوان في المصري اليوم والمختصر بتاعه أن «السلوكيات الخاطئة وسوء التعامل مع دورات المياه بين الكثير من مواطني المنطقة المنكوبة، تسبب في (تلف مواسير الصرف الصحي)، مما أثر سلباً علي الهضبة.وأدي الي انهيارالصخور ................................................

انا حطيت نقط بدل الشتيمة علشان محدش يقول عليا قليل الادب . يعني بالصلاة علي النبي الناس الفقيرة الغلبانة اللى مش لاقيين ياكلوا طلعو هما السبب فى انهيار الهضبة عشان هم معندهمش ثقافة فى استخدام الحمامات

يعني سؤال رفيع كدة يا حضرة ( المسطول ) قصدي يا حضرة المسئول هو حضرتك متعرفش ان الناس دي مش لاقية الرغيف الحاف طيب حضراتكم ممكن توفروا ليهم رغيف العيش وبعد كدة اعمل ثقافة ازاي يتخلصو من الفضلات

يا رب حتي تعمل كتيب وتسميه ثقافة الحمامات والكتاب ده يتطبع ويتوزع علي طلبة المدارس والجامعات ويكون الامتحان فيه عملي ونظري وياريت حضرتك كمان توضح وجه الاختلاف بين دخول الحمام في الدويقة ودخول الحمام في مصر الجديدة ومنكم نستفيد يعني .

الكلام فكرنى بعضو مجلس الشعب الى قال على شهيد المحلة الذى استشهد داخل حدود منزله"عشان معندوش ثقافة اين يقف" وطلع الواد هو اللي غلطان

وبعدين هي الثقافة بقت في كل حاجة كدة حتي في دخول الحمام يعني حاشرين الثقافة في كل حاجة وبقت الحجة الوحيدة لأي مسئول ان الناس بقت مش مثقفة طيب يا حضرات المسئولين يا ريت بقي تعرفوا

ان احنا مش شعب اكسلانسات يعني مش مثقفين ومش ناوين نبقي شعب اكسلانسات يعني مش ناوين نبقي مثقفين ومش عايزين نبقي شعب اكسلانسات يعني مش عايزين نتسقف يعني خلينا الثقافة لأهل الثقافة وحوار الثقافة اللي طالع جديد وعايزين الشعب كله يبقي متثقف ده مش حينفع معانا

وموضوع ثقافة استخدام الحمامات ده مستفذ جدا يعني يا ريت بلاش يتكرر تاني ويا ريت متعترفوش بغلطكم اللي هو سوء حال البنية التحتية بس برده بلاش ترموها علي الناس وتقولو ان هما اللي مش عارفين يستخدموا الحمامات

ويا ريت يا حضرة المسئول الكبير تبقي تقولنا حضرتك بتستخدم الحمام ازاي يمكن احنا بنشخ غلط

*

انا مش مستغرب من تصريح المسئول اللي ألقي المسئولية علي اهالي الدويقة الغلابة لأن ده مبدأ وثقافه الحكومات الفاشله والتى تلقى بالوم على شعوبها وهى ثقافه ابتدعت منذ ثلاثون عاما لحفظ ماء وجه المسؤليين الفاشليين والعاجزين لكني استغربت من حجته هذه المرة فقد اقحم الثقافة في وسط لا يجوز ان ينطق هذا المصطلح بداخله

فكيف له ان يذكر الثقافة مع الحمام في جملة واحدة ؟؟


وسأضرب لكم مثال علي طول عمر المبررات الفاشلة الضعيفة الغير مقنعة : عندما وقف يوسف والى امام مجلس الشعب واعلن ان الاكتفاء الذاتى من القمح سيتحقق بعد سبعه سنوات. وبعد انقضاء السنوات السبع سئل والى لماذا لم نحقق هذا الاكتفاء فأجاب ان الزياده السكانيه هى السبب.


وهنا يهمث في أذني احد الخبثاء بأن هذه اللهجة ما هي الا تثبيت لمبدأ العجز

فـ يا ايها المسؤل أين كنت سيادتك عندما انهارت اول صخره عام اربعة وتسعون ولماذا لم تقم بالتوعيه المنشوده منذ أربعة عشر عاما . ام انك كنت منتظر ان تعاقب القتلى حتى لايفعلوا ذلك مره اخرى.

ماتقوله يعتبر هراء بكل معنى الكلمه ولايوجد مسؤل فى العالم يجرم شعب إلا فى مصر.


ثم أضاف المسئول: قررنا عمل حملات توعية للمواطنين في المنطقة بعد نقلهم لمساكن التطوير خلال المرحلة المقبلة، وذلك لتعريفهم بكيفية استخدام الحمامات والأحواض طيب حضرتك الحملة دي ح تبقي عاملة ازاي؟ ومين رئيسها ؟؟ ومين اللي حيشارك فيها وحيتسرق عليها قد ايه قصدي حيتصرف عليها قد ايه ؟؟ ومين ح يبقي الراعي الرسمي لحملة التوعية بثقافة الحمامات و يا تري لو جيبنا

الواد بتاع ميلودي يعمل اعلان تضامنا مع الحملة حيبقي شكله عامل ازاي ؟؟


***

نصيحة لكل مواطن برجاء استخدام البامبرز لحين الانتهاء من وضع أسس

الحملة القومية لثقافة الحمامات

هناك 25 تعليقًا:

غير معرف يقول...

هههههههههههههههههههههههههههههه

والله كان ح يغمي عليا من الضحك
A7A

محمد الكومي يقول...

شوف يا تامر

حيث انك بقيت من المدونات اللي بترحب بالبذاءات

احب اعرف المسئول العرص ده ان ثقافة الحمامات دي في عرفه الشخصي قد لا تعني الا على مقدرته على ممارسة حياته الطبيعية

و بالنسبة للعرف الشعبي ثقافة الحممات دي كانت في التسعينيات لوووووووووووووز

المعارضة من داخل ابواب الحمامات العمومية

فيا ريت هو يراجع ثقافاته عشان هية مش طالبة بضان امه علينا

Desert cat يقول...

احنا شعب لا نملك اى ثقافة لا ثقافة حمامات ولا ثقافة شراء الخبز علشان كدا كل يوم والتانى نسمع عن قتلى فى الطوابير
ولا ثقافة فى الاكل علشان كدا فى ناس كتير بتنام من غير عشا
ولا ثقافة فى السكن علشان كدا البلد مليانه اطفال شوارع
ولا ثقافة فى ركوب المواصلات
علشان كدا تلاقى الاتوبيس ماشى وطالع منه سبعين واحد غير السبعين اللى بيجروا وراه لحد ما يوصلوا المكان المنشود جرى ورا الاتوبيس
احنا شعب معدوم الثقافة
علشان كدا بناشد السادة المتسولين المتسكعين على قفانا بإعدامنا جميعا علشان يخلصوا مننا ويعيشوا براحتهم فى البلد بلاش كالو
والصباع المدوحس لابد من قطعه

عاشقة القمر يقول...

ايها الشهر ترفق دمع الحبين تدفق
قلوبهم من الفراق تشقق
عسي توبه تصلح ماتمزق
عسي عسي متقطع عن ركب
المقبولين يلحق
عسي أسير الأوزار يطلق
عسي مستوجب النار
ببركه هذا الشهر يعتقق وعسانا الرضا الله وقبوله نوفق
كل عام انتم بخير

اهو ده عيبه يقول...

اولا كل سنة وانت طيب
سعيده انى اتعرفت على مدونتك وان شاء الله ازورها باستمرار
اما عن ثقافه الحمامات فنا اطالب بعمل جمعيات تقوية للمواطنين ومنهج دراسى علشان تبقى ماده اساسية تدرس للناس ويبقى عندنا حصص ثقافة حمامية

تحياتى لك

¨¨¨°~*§¦§ Appyplanet §¦§*~°¨¨¨ يقول...

ههههههههه هيوزعزا بامبرز ايه رايك مش افيد
هو انت متعرفش ان كل حاجه لازم بثقافه يعنى انا لازم اقف فى البلكونه واقلع راسى وادعى عليهم بثقافه برضه ههههههههههههه
كل سنه وانت طيب يا تامر

همس يقول...

ياتامر

دول عالم واطيه

وكل شويه بيدو لمصايبهم مبررات

ويكون السبب فى اى مصيبه هما الشعب

وانا قلت قبل كدا انها حكومة بامبرز


كل شوية ينادو بثقافه اغبى منهم

وهما شوية حمير مش بيفهمو حاجه اصلا

جتهم القرف يخدهم


وبعدين عايزين يعلمونا ثقافة الحمامات

يبداؤ بنفسهم من اول مبارك
اللى انا شاكه انه بيستخدم بامبرز بتاع الكبار

لحد اعضاء المجلس المحروق

ويبقو بدل ما يوزعو عيش يوزعو بامبرز

حاجه تجيب الضغط

سبهللة يقول...

انا داخلة اقولك
كل سنة وانت طيب
بمناسبة عيد الفطر
وتقبل الله منك صيامك وقيامك وقرآنك وجعلك من عتقائه فى رمضان
بس سامحنى انا ثقافتى محدودة جدا فى الموضوع اللى انت بتتكلم فيه
عشان كدة مش هاقدر اشاركك

أنا حر يقول...

يعني على كده من الشهر الجاي هيوزعوا مع التموين بامبرز ومعاه مجلة ازاي نستخدمه ولا ايه يعني مش فاهم؟؟؟؟
احسن حاجة انهم يعملوا حملة اعلانية تحت اشراف سوزان مبارك يعرفونا فيها ثقافة الحمامات وبالمرة يكون الأداء التمثيلي فيها لحسني وللوزراء علشان نقتنع اكتر وتوصل لينا المعلومة بشكل سليم
تحياتي

شمس النهار يقول...

ياعم تاعب نفسك ليه
ده احنا اللي مش عارفين نعيش اصلا
الكتالوج بتاع العيشه في مصر غير مترجم اصله بالفرعوني
مش عارفين نتنفس عشان مش عارفين نفصل النفس النظيف من السحابه السوده
والخ الخ الخ
ياريت حد يترجم الكتالوج وله الاجر والثواب

a7wal el Hawa يقول...

انت متأكد بان مسؤؤل في (الاسهال )اقصد الاسكان قال الكلام ده
طيب يمكن هو الكلام (المجاري) صحيح
او يكون قال الكلام ده م ( الزنقة)
ان (تبرزت )فكره تانية راح يقولها
ربنا( يريحنا) منه ومن امثاله
ان شاء الله هـ ( تعك) عليهم
و ان سكت تقول (امساك) من المسئول عن التعليق
(احممم )

sampateek يقول...

بامبرز؟؟
يبقى ححتاج في حاملتي الانتخابية لانبوبة فازلين لكل مواطن لزوم منع التسلخات
و اللي ينتخبني حديله بودرة تلك هدية
بس المشكلة بقى حنتخلص من البامبرز فين؟؟


اه فكرة نعمل هضبة جديدة من البامبرز المستعمل بدل هضبة الدويقة و نسكن عليه الوزرا علشان يشموا على الطبيعة
و تبقى قرارتهم عل الريحة

تحياتي

Migo Mishmish يقول...

اول مرة اخش عندك
شدني بس العنوان وفرحت انك اتكلمت في الموضوع ده
انا كمان كتبت عنه
http://migomishmish.blogspot.com/2008/10/blog-post.html
وطالما احنا عددنا ابتداء يكبر يبقى لازم نعمل جروب ثقافه حمامات عالفيس بوك علشان بعض كلنا
Love,
MishMish

همس يقول...

انت فينك يا تامر

أنا مش موافق يقول...

عزيزى

هو من امتى تصريحات المسئولين بتكون ليها معنى

ومن امتى وعودهم لازم ينفذوها

البلد هنا ماشيه بسياسة اتفلقوا

واللى مش عجبه هيعمل ايه

قولى اللى مش عجبه ممكن يعمل ايه

تحياتى
سلام

أنا مش موافق يقول...

احممممممممممم

انا بس عملت موضوع وجايب سيرتك

فحبيت أجى أقول

اللهم بلغت اللهم فأشهد

http://mshmuwafk.blogspot.com/

سلام

a7md Helal ( المهم ) يقول...

انا بدوري اقف وراء هذا المسؤل لشجاعته في طرح السبب علي الجماهير


ولكن بأكد برضه ان القصور من الحكومة لانها لم تراعي مسؤليتها في نشر ثقافة الحمامات ولم تنادي بتدريسها في الحضانة
زي ما صدعونا بالثقافة الجنسية

ولا ايه ؟؟؟

احساس لسه حى يقول...

عزيزى
tamer.sala7

هكرر نفس التعليق واقول

انا قولت كاتب عنك موضوع وعن قطة

ازاى بقه ملقتش اى شئ يدل عليك ولا الكلام عنك

هو انت مش بتعلق عند قطة

وانما بتكلم عن اى حد بيعلق عندها

يبقا الكلام عليك ولا لأ

مستنى ردك بقه


تحياتى


سلام

سومه...مجنونه فى بلد عاقل يقول...

ههههههههههههه
وفى ثقافه استخدام الكهرباء
عشان الماس الكهربى برضوا والحرايق
وفى ثقافه اكتم واسكت لتضرب بالصرم

سومه...مجنونه فى بلد عاقل يقول...

اه صحيح فاكر ثقافه الوقوف فى البلكونه عشان الطفل اللى اتقتل ايام اضراب المحله

م/ الحسيني لزومي يقول...

شارك في الحملة الشعبية للقيد بالجداول الانتخابية وادعو غيرك
ضع بنر الحملة علي ِمدونتك
البنر موجود علي مدونتي

م/ الحسيني لزومي يقول...

شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي

سبهللة يقول...

انت فيييييييييين؟؟؟؟؟؟؟؟
انت كل شوية تختفى

ربيع يقول...

أنا "شخيت" مصاريني من كتر الضحك

will يقول...

情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品
情趣用品,情趣用品,情趣用品,情趣用品.情趣,情趣,情趣,情趣
視訊聊天室

情色,AV女優,UT聊天室,聊天室,A片,視訊聊天室


UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人