السبت، 21 فبراير، 2009

الغالي يتعالج بالغالي

****
بعد انقطاع كبير عن عالم التدوين ارجع اليكم بخبر فظيع شنيع مريع

خبر يهم كل مواطن من اول الصيدلي لغاية سائق المقطورة مرورا بموظفين الضرائب العقارية حيث انهم هم اكثر الفئات تضررا من السيد وزير المالية بطرس غالي

وانا ازف اليكم البشري فقد علمت لماذا يفرض الوزير بطرس غالي كل هذه الضرائب ولماذا تفنن في اختراع بنود اضافية لزيادة حصيلة النقود في خزانته فقد كنا جميعا ظالمين الراجل فهو يجمع كل هذه النقود للعلاج فإذا فجأة كدة اكتشفنا انه مريض ومتحاج للعلاج ومش اي علاج لأ ده لازم يكون في امريكا

**الخبر بالنص في المصري اليوم **

علاج وزير المالية فى أمريكا تكلف ٦٠ ألف دولار.. و٣٦٥ ألف جنيه مصاريف سفر.. وصرف بدلات وزير له ولمرافقته وقيمة البدل يصل إلى ٨٨٨٧ دولار للفرد

هذا في ظل ازمة اقتصادية يعاني منها العالم اجمع وفي ظل بطالة متزايدة تعاني منها مصر بصفة خاصة وفي ظل تراجع السياحة المصرية بنسبة «18%» في 2009 وتسريح «30%» من العمالة بحسب تقراير فاينانشال تايمز المنشورة في الدستور

والسؤال هو

هل كل وزراء مصر يعالجون هم واسرهم بنفس الطريقة ؟؟ ام لأنه أحد رموز مصر؟؟ ام لإنه عبقري هذا العصر وكل عصر؟؟ ام لإنه الوزير المفضل في مصر لدى مسئولي البيت الأبيض والبنك الدولي وصندوق النقد وجمعية سماسرة الكويز ؟؟

وهل العلاج علي نفقة الدولة حكرا علي اصحاب السلطة غير الشرفاء والوزراء فقط ؟؟ ام ان العلاج علي نفقة الدولة هو حق لكل محتاج ؟ فإن كان العلاج علي نفقة الدولة حق لكل محتاج فجدير بالذكر ان الدولة رفضت علاج العالم المفكر الدكتور
عبد الوهاب المسيرى على نفقتها ورفضت ايضا علاج المستشار الشاب
محمد محمود بكر الشحات «٣٢ سنة» وتوفي في يوم 12 يونيو 2008 وطبعا القائمة كبيرة ولا اتذكر غيرهما الان

و يبدو ان العلاج على نفقة الدولة جعل اصلا لعلاج الفنانين و السادة الوزراء أما الفقراء و أصحاب الفكر فمن حقهم العذاب و رؤية الأهوال داخل المستشفيات الحكومية التى ترفع شعار لا علاج و لا خدمة بل توديع المريض الى مثواه الأخير

وذكر ايضا ان السيد الوزير قد اتم الله شفائه علي ايدي اطباء وممرضات مستشفي
جونز هوبكينز وهي المستشفي التي لم يستطع الامريكين نفسهم العلاج بداخلها نظرا للمبالغة في التكاليف التي تطلبها ادارة المستشفي عندما قرأ احد الاطباء هذا الكلام وهو علي الورق قبل ان انشره في هذه المدونة قال لي بالنص
<< كان يشتري دكتور ارخص بدل ما احنا مش لاقين شغل >> ورد اخر بلاش هزار هو كان ممكن فعلا يتعالج برة بس علي نفقة شركة تأمين فسألته كيف ؟؟ فرد بسرعة
الحل بسيط لعلاج الوزراء وكل الحكومة بالخارج، أن يتم عمل وثيقة تأمين طبي تشمل العلاج بالخارج وتكلفتها لكل الوزراء لن تزيد عن ما يتم إنفاقه علي حالة وزير واحد، وبذلك يكون العلاج علي نفقة شركة التأمين ويفضل أن تكون شركة أجنبية لكي تكون التكلفة مدفوعة من الخارج،وللعلم هذا التأمين متاح في مصر وكثير من الشركات الكبيرة توفره لمديريها لضمان الحصول علي رعاية طبية جيدة .

فإذا كان الحل بسيط اما ان يشتري طبيب او اما ان يتم عمل وثيقة تأمين طبي شامل فأنا اطالب السيد الوزير بطرس غالي أن يرحم فلوس الناس لأن فلوس البلد دي مش ورث
يعني لما حضرتك في المرة الواحدة كلفت الدولة 793000 جنيه وكسور طيب لو افترضنا ان كل شهر مرض وزير واحد فقط يبقي ح نكفي علاج للوزراء بس منين بعد تراجع ايرادات قناة السويس وتراجع ايرادات السياحة و الازمة العالمية ؟؟؟

يا رب يا تشفيهم يا تاخدهم علشان نوفر الفلوس دي


هناك 17 تعليقًا:

رئيس جمهوريه نفسى يقول...

تيت وبس لا تعليق تانى خلاص

Appy يقول...

ايه الحقد الدفين ده ايوه الراجل ده قيمه يعنى مش عاوزه يتعالج بالمبلغ ده لا انت كده حد مش كويس يا تامر وبعدين انا قريت الخبر امبارح اصلا يعنى وعادى مضايقتش ولا اتصدمت لانى متوقعه ان بيكون فيه ده
وفى النهايه بيكتبوا بضاعه اتلفها الهوا
انا بقترح يعملوا مستشفى خاصه بدكاتره استيراد للوزراء والرؤساء ليه لا

احمد سعيد يقول...

يا باشاااااااا
سيبك من جرنال المجوسى اليوم دة
دا جرنال شغل التلات ورقات
ياراجل اقرى الاهرام احسن
على الاقل بتجيب من الاخر
والاعتراف بالحق تفيدة
انت اساسا هتلاقى الرقم دة مش مظبوط
2 مليون بس
لالالا
حرام يا راجل

ممكن تزود عليه كمان صفرين
كدة يبقى معقول شويه

شمس النهار يقول...

اولا حمد الله علي السلامه التدوينيه
ثانيا
ليه كده ياتامر يعني يسيبوا الراجل يموت يعني انت ترضي بكده
وبعدين الراجل موجب واجب كبير قوي مع الحكومه حاطت ايده في جيوب الناس ولامم فلوسهم يبقا من حقه يتعالج من الفلوس اللي لاممها ده حتي طباخ السم بيدوقه يااخي
وهو انت عايز الدوله تعالج المفكريين عشان يخفوا ويعلموا ويثقفوا الناس وينشروا فكرهم المسمم
لأ طبعا مايتعلجوش قوم يموتوا قوم الحكومه تخلص منهم موتت ربنا يعني
والله جاب الله خد الله عليه العوض

وينكى يقول...

انا قلبي واجعنى خلقه
حد كان قالى قبل كده ان ابن نتنياهو اتسجن فى فترة حكم ابوه ودا بقى ليييييييه يا حلوين
عشان ايام الانتخابات الواد حب يعمل حركة جدعنه مع ابوه وجاب اوتوبيس ينقل فيه اللى هايرشحوا السيد الوالد عشان ينقلهم لمكان الانتخابات
وتكلفة النقله دى كانت على حساب الدوله
قام ايه.. الواد اعتبروه بيهدر المال العام وبيستغل سلطته ونفوذه وياحرام الوحش بيسرق قوت الغلابه
قام اتسجن وابوه نفسه مافلحش يطلعه ان لم يكن هو اللى سجنه
لا تعليق

شمس النهار يقول...

يعني اعمل فيك ايه
اعمل لك عمل يعني والا اجيب عسكري يدور عليك ويدخلك المدونه بتاعتك ماتطلعش منها
من 25 ديسمبر لفبراير وكمان تكتب البوست وتجري

tarek momen يقول...

معلهش انا لي استفسار بسيط لاني مش متابع الأخبار
هو كان رايح يتعالج من ايه بالضبط؟؟؟؟؟
تحياتي وحمد الله علي سلامتك بعد هذه الغيبة التدوينية

لقد خلقنا الله احرارا يقول...

اولا حمدلله على السلامة ---ثانيا احنا النت قاطع عندنا فى المدرسة-----ثالثا ايه الدخول الجامد ده ياعم ------رابعا انا اسفة انى ابلغك انه فعلا الباشا ورث البلد بفلوسها بشعبها وماحدش يقدر يلوى دراعه والدليل الراحل العظيم توفيق قالها كده وش (ماانتم الاعبيد احساناتنا ولقد ورثت هده الارض عن ابائى واجدادى) طيب عايزين كلام واضح اكتر من كده ايه----------خامسا المقارنه مش منطقية بالمرة انت بتقارن القاضى الله يرحمه والمسيرى بيوسف باشا بطرس هو خلاص القيامة هتقوم ولاايه؟ايه يعنى؟ فلوسه وماله وبلده وكتر خيره هو واللى جايبينه انهم مستحملينا لغاية دلوقت صحيح شعب مايتمرش فيه المعروف-----سادسا هما الوزرا دول بيتعبوا زينا كده سبحان الله ؟بس سِؤال اهم هو الله يديله على اد نيته كان عنده ايه ؟ اخيرا رجاءحار جدا الى عوكل ربنا يكرمك وتفرح بنوفل كده لايص لوصة بشار غير لنا الخلق دى شوية

Servant of Christ يقول...

المفروض إنه كان يتعالج علي حسابه الخاص ومش كل حاجة تبقي علي قفا الشعب الغلبان!

أنا حر يقول...

يا رب يا تشفيهم يا تاخدهم علشان نوفر الفلوس دي

احلى حاجة اتقالت
تحياتي

will يقول...
أزال أحد مشرفي المدونة هذا التعليق.
سومه...مجنونه فى بلد عاقل يقول...

نضفوا قلوبكم بقى حرام عليك بتحقد على الوزير
طيب يا ريتها تيجى على الوزراء وعلاجهم مش علاج الرقاصين والفنانين كمان

سجل المزورين يقول...

سجل المزورين
شباب مصر الأوفياء
أمل الحرية وبناة المستقبل
ندعوكم للمشاركة معنا في
التحالف الوطني ضد التزوير
تحالف يضم كافة القوى الوطنية الموجودة على الساحة المصرية
نهدف إلى فضح وتوثيق كافة أشكال التزوير التي تتم في الانتخابات المصرية
نهدف لنشر الوعي الانتخابي وثقافة المشاركة و مبدءا المساواة والحرية
ندعوكم للمشاركة معنا بالإدلاء بشهادتكم و أرائكم حول تزوير الانتخابات وما هو منشور
ندعوا كل صاحب كلمة حرة للتعبير معنا عن رأيه في هذا الداء وطرح صور للدواء
ندعوا كل شريف حر يستطيع مساعدتنا للمشاركة معنا بما لدية من إمكانيات ومواهب ووقت
و نرجوا منكم المساهمة معنا في نشر إعلانات الموقع والجروب والقناة على مدوناتكم الشخصية في سبيل نشر الحق والعدل ومن باب المشاركة في التوعية والتوثيق لحقيقة هذا النظام المزور لإرادة الشعب
نرجوا ممن يضع الإعلان لدية إبلاغنا عبر أيميل الموقع لوضع أسم موقعة او مدونتة ضمن قائمة المواقع الصديقة لدينا
شاكرين لكم حسن تعاونكم معنا

موقعنا www.sgelalmozwreen.com سجل المزورين

لتحميل إعلانات الموقع هنا
http://sgelalmozwreen.com/images/e3lan-1.gif
أو
http://sgelalmozwreen.com/images/e3lan-2.gif
أو
http://sgelalmozwreen.com/images/e3lan-3.gif

لتحميل إعلانات قناة سجل المزورين على اليوتيوب
رابط القناة http://www.youtube.com/Sgelalmozwreen

الاعلانات
http://sgelalmozwreen.com/uploads/you tube.jpg
أو
http://sgelalmozwreen.com/images/1.gif
أو
http://sgelalmozwreen.com/images/1%5C%27%5C%27%20copy.gif
أو
ولتحميل إعلان جروب الفيس بوك
رابط الجروب http://www.facebook.com/group.php?gid=57329097688
الاعلانات
http://sgelalmozwreen.com/images/11%5C%27%5C%27.gif

د/أبويحيى وادم يقول...

السلام عليكم ورحمه الله وبركاته

السادة الأفاضل زوار مدونتي الأعزاء ، أساتذتي الفضلاء ، إخوتي من المدونين والمدونات ،أصدقائي الأعزاء
تحية طيبة وبعد
أتشرف بدعوتكم اليوم إلى زيارة مدونتي ( مدونة ادم ويحيى ) وذلك بصفتكم أحد الشركاء الأساسين فيها بآرائكم وتعليقاتكم على موضوعاتها وزيارتكم لها
لحضور ندوة بعنوان

( ادم ويحيى ، تجربة تدوين )

اليوم هو استفتاء على تجربة تدوين

اليوم نعرف من هو أبو يحيى وادم وكذلك ادم ويحيى من هم ومن والدتهم

اليوم نعرف حقيقة هذه المدونة وما هي رسالتها الحقيقة وهدفها

اليوم رسالة اعتذار لكم عن بعض الأمور

اليوم رسالة شكر من كل قلبي على أمور أخرى

اليوم استفتاء حول منهج مدونة ادم ويحيى

اليوم هو رسالة منكم لي حول ما طالعتموه بيوم من الأيام بهذه المدونة
فأرجوا أن لا تبخلوا على بتعليقكم على هذه ألتدوينه
في انتظار زيارتكم
والسلام عليكم ورحمة الله وبركاته
د/أبو يحيى وادم

احساس لسه حى يقول...
أزال أحد مشرفي المدونة هذا التعليق.
لو بطـلـنا نـحـب نـمـووووت يقول...

السلام عليكم
اولا احب اقول ان كلامك عن السياسة بيقول ان مثقف سياسيا
ولكن لى تعقيب خارج البوست
وللاسف زعلت بجد
فى تعريفك عن نفسك
بتقول اسكندرانى وللاسف مصري
تفتكر انك مصري ده شئ عيب ولا خطيئة
اسف على الكلام رغم انها اول زيارة
لكن بجد شئ زعلنى منك
حاول تحب بلدك
لو بطلنا نحب نموت
تقبل تحياتى

موقع زواج يقول...

طبعا لازم يتعالج بالغالى
شكرا لك