الاثنين، 8 سبتمبر، 2008

ماذا يحدث في مصر؟؟؟؟

بسم الله الرحمن الرحيم
"ظهر الفساد في البر والبحر بما كسبت ايدي الناس لنذيقهم بعض الذي عملته ايديهم لعلعهم يرجعون "
" بما كسبت ايدى الناس "
" بما كسبت ايدى الناس "
" بما كسبت ايدى الناس "
" بما كسبت ايدى الناس "
هو في ايه ؟؟؟
سؤال صعب اوي ليه كل الكوارث دي ورا بعضها وليه كل ما نحاول نفوق من كارثة تحصل كارثة تانية اكبر من الاولي ؟؟؟
*
هو ده غضب من ربنا ولا سوء استخدام مننا ولا نعمل زي كل مرة ونقول الحكومة مش شايفة شغلها
يعني مش طبيعي اني افتح الاخبار اسمع انهيار جبل علي ناس ويموت العشرات ويفضلو 3 او 4 ايام بينتشلو الجثث
ومش طبيعي ان قبليها بيوم اسمع انه اتقبض علي رجل اعمال كبير ويطلع سفاح وقتال قتله ومطلوب من الانتربول
*
طيب والمساجين اللي بيقضوا عقوبة في سجن ازاي يبقي معاهم سلاح ؟؟
ومن اين حصلو علي هذا السلاح ؟؟
وهل هذا السلاح بكفائة اسلحة الشرطة ؟؟ تبقي مصيبة .
وهل كل المساجين مدربين علي استخدامه ؟؟ تبقي مصيبة اكبر
*
انا واحد بضرب نار بسلاح وعارف اكبر خزنة في تاريخ الطبنجة 20 وده غير صعوبة وجودها معاهم اللي احتمال ان تكون معاهم خزنة ثمانية او 15 لا اكثر طيب هل هما جابو خزن كمان ولا جايبين ار بي جي ولا رشاش ولا مخبيين الاسلحة بتاعتهم داخل قوالب الحلاوة ؟؟؟
*
حتي لو كلامهم صح وفي تبادل اطلاق نار فاطلاق النار يجب ان يكون متكافئ او قريب من التكافئ لكي اسميه تبادل لكن 4 مقابل 22 ده حتي حرام في توازن القوي إلا لو كان فعلا في تكافئ وعدد المساجين اللي معاهم سلاح يساوي عدد الشرطة اللي معاهم سلاح ودي تبقي كارثة طبعا
*
طيب لو طبقت نظرية المؤامرة الشهيرة لصاحبتها نوارة نجم وقولت الحكومة بتقول ان فيه ناس دخلت سلاح فى محاولة لتهريب بعض المساجين كل ده علشان يداروا الفضيحة الكبيرة وهى التعذيب والتنكيل بالمصريين ومساجين المصريين طيب والناس اللي اتقتلت التانية دي ذنبها ايه والعساكر اللي ماتت دي ذنبها ايه ؟؟
طيب وحنفترض ان كلام الحكومة صح والناس اللي هم اهل المساجين كلهم ولاد كلب طيب دخلو السلاح السجن ازاي دول لو كانو رايحين كارفور ولا سيتي ستارز كان اتمسكوا غير ان السلاح في الصعيد معروف انه سهل بس مش سهل لدرجة انه ممكن يدخل السجن للمساجين كأني بتفرج علي
PRISON BREAK وحسيت ان فى مسجون اسمه هريدى سكوفيلد هو اللى خطط ومعاه اخوه جعيدى بوروز ومعاهم عباس سوكري والله العظيم ده مش بيحصل في الافلام الاجنبي كان زمان اهل المسجون بيهربو سجاير في الاكل مخدرات في الفراخ انما سلاح في اللحمة ح يتهرب ازاي .؟؟ انا حسيت ان الخبر ده عن سجن الهند المركزي مثلا واللي صرح بكدة المحافظ بتاع نيودلهي
*
طيب لو حبينا نعد الكوارث الدويقه وغلاء الأسعار والحديد وأزمة الأسكان وازمة البطاله وانقلاب فى السجون وسوق العقارات الى حايوقع لو طلعت مصطفى اتسجن واتحجز على فلوسه والدوله أممت مشاريعه وغيره وغيره أنا مش عارف ايه اللى بيحصل ويقولك الى سربوا الامتحان خدوا 10سنوات واللى غرق العباره أخد برأه وبتاع اكياس الدم الفاسد طلع برده براءة وكل ده علشان القضاء بتاعنا النزيه اللي عيين ابن مقبل شاكر في النيابة رغم تخرجه من كلية الحقوق بتقدير مقبول يعني التعليم والقضاء برده بقي فيه فساد
*
افتكر لما شارل ديجول وصل قصر الإيليزيه كان في فساد كتير في كل ارجاء فرنسا فسأل عن التعليم والقضاء هل وصل لهم الفساد فرد رجال الدولة لا
فقال لهم اذا هناك امل من الاصلاح
*
طيب احنا نعمل ايه بقي ؟؟؟ القضاء بقي فاسد والتعليم بقي افسد كدة يبقي مفيش امل من الاصلاح
يعني ناخدها من قصيرها ونسافر ولا اللي يطول حاجة ياخدها ونسرق وننهب زي ما بيحصل ؟؟
*******
ليه بعد كل كارثة لا تخرج تصريحات حكومتنا الرشيدة إلا عن ان الحادث قضاء وقدر وان الاهالي هما اللي غلطانين وصرف تعويضات للمتضررين وتشكيل لجنة لحصر المخالفات ومنع تكرار الكارثة، لكن مفيش حاجة على الارض بتتغير ..
واللي مش مصدقني هايتأكد بنفسه الكارثة الجاية

هناك 9 تعليقات:

محمد الكومي يقول...

بص

انا اكتر حاجة حرقت دمي ابن البيه رئيس محكمة النقض

زمان في مقولة وسخة طلعها واحد وسخ

بتقول ان الطب يورث و لا يدرس

و النتيجة فوط و مقصات في بطن المرضى و النزلاء

و الله ماحد عارف ايه اللي جاي

ربنا يطلعنا منها على خير يا تامر

همس يقول...

الله يحرقك يا مبارك انت وحكومتك


مخلوش اى نصيبه الا وعملوها



فربنا يتوب علينا

ويسترها

Desert cat يقول...

اللى سمعته فعلا يا تامر فى موضوع سجن اسيوط ان قبل الحادث بيوم كان فى خناقة بين 4 من المساجين منهم محمد اللى مات فى زنازنته وحب مامور السجن يعاقبهم حبسهم حبس انفرادى 48 ساعه وفى خلال الوقت ده محمد اللى كان مسجون فى قضية هتك عرض 7 سنوات توفى ازاى مش اقدر اجزم انه تعذيب لكن ملهاش فعلا حل تانى غير كدا بالنسبة للسلاح برضه الكلام اللى اتردد ان الاهالى سربوا سلاح جوا السجن ازاى ؟؟ جمع الكوبانات وارسلها على صندوق بريد ص . ب سجن اسيوط وانت تعرف فى اخر الشهر الكريم
لكن الكلام اللى انا صدقته فعلا انه المساجين عملوا انقلاب ولما دخل ليهم ظابط يهديهم احتجزوه واخدوا السلاح الميرى بتاعه وهنا كان تبادل ضرب النار بينهم وبين 4 من الحراسة واللى اصابوا فعلا فى الحادث المثير للاشمئزاز
باقى الاخبار انقلاب معايير حصل وبيحصل وطول ما فى تسيب وفوضى مش هينتهى
تحياتى

شمس النهار يقول...

انااسفه اول مره اخل مدونه وماقدرش اكملها انا لسه كنت في مدونة دعاء
وخرجت منزعجه جيت عندك حسيت اني هيغمه عليه
وبعدين عايزه عقل علي عقلي وقلب علي قلبي وضمير علي ضميري
عشان اقدر اصدق اللي بقراه
انا اتخنقت

appy يقول...

بكل بساطه وعقل
اللى بيحصل ده مننا وفينا
يعنى يا تامر لو رفضنا الغلط وبدأنا بنفسنا مش هنكون كويسين كان وصل الحال بينا لكده
تفتكر لو مثلا قدام البيت كل يوم ورقه ومحدش شالها مش هيجى يوم تلاقى المدخل كله زباله ومش عارف تدخله
يبقى العيب فين من الاول وصلت وجهه نظرى

شمس النهار يقول...

اسمح لي اعلق علي ابي
كلامك صح يا ابي وده اللي عماله انادي بيه
نبتدي من نفسنا والمحيطين بينا
وننشر الصح بالقول الجميل واحده واحده يسود النظام
ان شاء الله في الاجيال اللي طالعه
ونمرن نفسنا علي خدمة الاخر بلا مقابل
والاانتظار شكر

A.SAMIR يقول...

كل سنة وانت طيب ورمضان كريم
بس تصدق بالله
لو الكوارث دي هتكون سبب ان الناس تصحى وتفوق...يبقى ياريت كل يوم كارثة
تحياااتي

عايش ولكن يقول...

اعتقد ان الموضوع كل يوم بيتأزم واحنا بنتفرج ومحدش بيحرك صباع حتى
بس دى مشكلتنا مننا فينا
صحيح الحكومه هيا الاساس
بس عندنا لا مبالاه وكل وااحد فينا يفضل يتفرج على التلفزيون ويمصمص فى شفايفه
للاسف
دمت موفق
علاء

will يقول...

一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

A片,AIO,AV,日本AV,色情A片,AV女優,A漫,AIO交友愛情館,線上A片,免費A片,A片下載,情色A片,微風成人,嘟嘟成人網,成人,成人影片,成人光碟,成人影城,成人交友,愛情公寓,色情聊天室,情色貼圖,色情,色情影片,做愛,情色,哈啦聊天室,聊天室,UT聊天室,豆豆聊天室,尋夢園聊天室,080視訊聊天室,080聊天室,080苗栗人聊天室,自拍,性愛

情趣用品,情趣用品,情趣,情趣,A片,A片,情色,A片,A片,情色,情趣用品,情趣用品,A片,A片,情色,情色

情色視訊,美女視訊,辣妹視訊,視訊聊天室,視訊交友網,免費視訊聊天,視訊交友90739,視訊,免費視訊,情人視訊網,視訊辣妹,影音視訊聊天室,視訊交友,視訊聊天,免費視訊聊天室,成人視訊,UT聊天室,聊天室,豆豆聊天室,色情聊天室,尋夢園聊天室,聊天室尋夢園,080聊天室,080苗栗人聊天室,上班族聊天室,小高聊天室