الاثنين، 1 سبتمبر 2008

رمضان كريم

كل سنة وكل الناس طيبين


حتي الحكومة اللي بدعي عليها ربنا يا يهديها يا ياخدها برده طيبة


كنت ناوي اتكلم علي الكراتين والفلوس اللي فرقها الحزب الوطني وسيادة الرئيس من فلوس الشعب وفي الاخر فضحوهم بمناسبة رمضان



وموائد الرحمن اللي اتلغت وكانت الحجة هي ترشيد الاستهلاك وفي نفس الوقت طبعا سرقة الفلوس


وحملة ترشيد الاستهلاك في رمضان والفوانيس والياميش والبلح اللي وصل 24 جنيه واللحمة اللي بقت بـ 56 جنيه

والصعايدة الرجالة اوي اللي ضحكو علي الجزارين وباعو اللحمة البلدي بـ 25 جنيه

والمسلسلات والتلفزيون والبرامج التافهة اللي بيتصرف عليها من فلوسنا




بس قولت بلاش نكد في رمضان وكفاية علينا دخلت رمضان والمدارس والعيد في شهر واحد وربنا يقدرنا علي الصيام والقيام وختم القرأن






كل عام و أنتم بخير


هناك 9 تعليقات:

المستنصر بالله يقول...

كل سنه وحضرتك طيب
ورمضان مبارك

د/اجدع بنوته يقول...

الله اكرم

Empress appy يقول...

كل سنه وانت طيب يا تامر
بس موائد الرحمن انا لاقيها على الطريق عادى وحتى فوجئت بواحده فى القاهرة الجديدة
هما تقريبا قالوا لازم تصريح مش عارفه

Desert cat يقول...

رمضان كريم يا تامر
ربنا يهديك بقى
انت دلوقتى تحت قبضة الحكومة
وانت فاهم بقى
:)
كل سنة وانت طيب

شمس النهار يقول...

كل سنه وانت طيب
ومانتكلمش في الموضيع دي ليه
حتي نسلي صيامنه
ماتيجوا نبتدي بموضوع الياميش
ونعمل حمله اننا مانجيبوش
ونشوف التجار هيعملوا ايه
ومااعتقدش اننا هنموت لو ماكلناش
المدعو ياميش رمضان
اللي كان السبب في خناقات زوجيه كتير قبل رمضان
وعلي فكره انا واهلي اتفقنا اننا مانتفرجش علي المسلسلات خالص الشهر ده

Empress appy يقول...

تامر
ابقى استخدم الفاير فوكس فى التصفح المدونه عندى هتفتح معاك على طول
او استنى عليها شويه واعمل ريفرش

Abu Shahin يقول...

ايوه فعلا

رمضان كريم

وماحدش يقول رمضان كريم تانى عشان حرام .. ماشى

رمضان كرييييييييييييييم

Heart Beat يقول...

رمضان كريم يا تامر و كل سنة و انت بألف خير يارب

هبة النيــل يقول...

الغريبة يا فندم إن صورة المأدبة دي مش في مصر

شكلها سعودي ههههههههه

كل سنة وحضرتك طيب يا فندم

وشكرا على الزيارة