ده اجابة للسؤال عن مصر اللي طرحته appy في كوكبها ولقيت انه الاجابة حتبقي طويلة اوي مرضتش اغلس وقولت انشرها في بوست لوحدها
عمنا صلاح جاهين جاوب علي اللي انتي بتسأليه ده كله في واحدة من اروع القصائد اسمها على اسم مصر
-------------------------------------------
على اسم مصر التاريخ يقدر يقول ما شاء
أنا مصر عندي أحب وأجمل الأشياء
بحبها وهي مالكة الأرض شرق وغرب
وبحبها وهي مرمية جريحة حرب
بحبها بعنف وبرقة وعلى استحياء
واكرهها وألعن أبوها بعشق زي الداء
واسيبها واطفش في درب وتبقى هي ف درب
وتلتفت تلاقيني جنبها في الكرب
والنبض ينفض عروقي بألف نغمة وضرب
على اسم مصر
مصر النسيم في الليالي وبياعين الفل
ومرايه بهتانة ع القهوة .. أزورها .. واطل
القى النديم طل من مطرح منا طليت
والقاها برواز معلق عندنا في البيت
فيه القمر مصطفى كامل حبيب الكل
المصري باشا بشواربه اللي ما عرفوا الذل
ومصر فوق في الفراندة واسمها جولييت
ولما جيت بعد روميو بربع قرن بكيت
ومسحت دموعي في كمي ومن ساعتها وعيت
على اسم مصر
أنا اللي اسمي حتحـور .. أنا بنت رع
مثـال الأمـومـة ورمـز الحـنـان
تفـيض حـلمـاتي وتمـلا الـتـرع
وتسـقـي البـشـر كلهـم والغـيـطان
نهايته يا مصر اللي كانت أصبحت وخلاص
تمثال بديع وانفه في الطين غاص
وناس من البدو شدوا عليه حبال الخيش
والقرص رع العظيم بقى صاج خبيز للعيش
وساق محارب قديم مبتورة ف أبو قرقاص
ما تعرف اللي بترها سيف والا رصاص
والا الخراب اللي صاب عقل البلد بالطيش
قال ابن خلدون أمم متفسخة تعيش ليش
وحصان صهل صحى جميع الجيش
على اسم مصر
النخل في العالي والنيل ماشي طوالي
معكوسة فيه الصـور .. مقلوبة وانا مالي
يا ولاد أنا ف حالي زي النقش في العواميد
زي الهلال اللي فوق مدنة بنوها عبيد
وزي باقي العبيد باجري على عيالي
باجري وخطوي وئيد من تقل أحمالي
محنيه قامتي .. وهامتي كأن فيها حديد
وعينيا رمل العريش فيها وملح رشيد
لكني بافتحها زي اللي اتولدت من جديد
على اسم مصر
مصر .. التلات أحرف الساكنة اللي شاحنة ضجيج
زوم الهوا وطقش موج البحر لما يهيج
وعجيج حوافر خيول بتجر زغروطة
حزمة نغم صعب داخلة مسامعي مقروطة
في مسامي مضغوطه مع دمي لها تعاريج
ترع وقنوات سقت من جسمي كل نسيج
وجميع خيوط النسيج على نبرة مربوطة
أسمعها مهموسة والا أسمعها مشخوطة
شبكة رادار قلبي جوه ضلوعي مضبوطة
على اسم مصر
وترن من تاني نفس النبرة في وداني
ومؤشر الفرحة يتحرك في وجداني
وأغاني واحشاني باتذكرها ما لهاش عد
فيه شيء حصل أو بيحصل أو حيحصل جد
أو ربما الأمر حالة وجد واخداني
انا اللي ياما الهوى جابني ووداني
وكلام على لساني جاني لابد أقوله لحد
القمح ليه اسمه قمح اليوم وأمس وغد
ومصر يحرم عليها .. والجدال يشتد
على اسم مصر
وبعدين احنا بنكره الحكومة المصرية ومحدش فينا بيكره مصر
بنكره العيشة بس راضين بيها
بنكره الشغل بس بنشتغل
بنكره الدراسة ومكتب التنسيق ومحدش فينا دخل كليه كان بيحلم بيها بس برضه بندرس وننجح ونتخرج حتي اللي كان عايز يدخل طب ولو افترضنا انه دخل حتلاقيه راح طب اسيوط وهو اسكندراني واللي دخل طب اسكندرية وهو اسكندراني حتلاقيه دخل علشان ابوه هو اللي عايزه يدخل مش علشان ده كان حلمه حتي الجيش كلنا بنكرهه وكلنا بنعمل قرود علشان نخلع منه ونجيب وسايط وندفع رشاوي
بس وقت الجد حتلاقي الشعب كله فدائين بنات وبنين كلهم متطوعين
نادر جدا او يكاد يكون مستحيل انك تلاقي حد شغال بشهادته اللي اخدها بمجهوده بس كله بيشتغل لو جاتله فرصة
حتي النصب والصياعة والفهلوة لما بتتعمل مش بتبقي علي الغلبان ولو نصبت علي واحد وحسيت انه حيحصله ضرر كبير تلاقي من غير اي مبررات روحتله واعتزرتله ورجعتله حاجته لغاية عنده
في كل الحاجات الوحشة دي تلاقينا برضه بنحبها واللي عايز يسافر برضه عايز يسافر علشان يعمل فلوس ويرجعلها
حتي العادات الاجتماعية لما تلاقي في جرحك ألف عين باكية عليك وتلاقي في فرحك زغاريد وزينة من حواليك وبيتك البسيط يتحول قصر والخير جواه مالوش حصر
- يبقي انت اكيد ...... اكيد في مصر
وبالنسبة للي مش مصريين اللي بيغلطوا فينا عايز اقولك ان انا علي طول جملة السادات الله يرحمه قدامي
( مش كل واحد فتح كشك علي الخليج يقول علي نفسه دولة )
يعني الناس دي معندهمش تاريخ زي بتاعنا ولا مخ من بتاعنا علشان كدة لازم يحقدوا علينا ولازم يشتمونا في اي مناسبة حتي لو كان فيديو علي اليو تيوب
بس مصر حلوة اوي لو كل الناس حبتها من غير مصالح شخصية لو عز ومحمد خميس وساويرس كل الناس دي حبت مصر بطريقتها بس يكون الهدف مصر مش الفلوس حتبقي احلي بكتير مشكلتنا في الحكومة ورجال الاعمال اللي ماسكين مصر مش في مصر نفسها
اللي بيحصل ده محصلش ايام ما كان محمد علي هو الزارع و الصانع والتاجر الوحيد مفيش بلد في الدنيا يبقي اللي ماسكها هو رجل الاعمال المحتكر الوحيد لسلعة محددة وعندما يتم تشريع قانون لمواجهة الاحتكار يكون هذا الشخص من يقوم بوضع ومناقشة قانون الاحتكار
في وسط كل ده برضه بنحبها ومش عارفين ليه
بس نعمل ايه بنحبها من غير مبررات
زي لما يبقي الواحد متخانق مع ابوه وفجأة كدة يطلع واحد يقول متزعلش نفسك اصل ابوك ده راجل ابن تيت
من غير اي مقدمات تلاقيه ماسك الشخص ده ويقوله انت ازاي تقول علي ابويا انه راجل ابن تيت مع انك انت وابوك وامك عالم ولاد ستين تييييييييييييت
هي كدة ادعي علي ابني واكره اللي يقول امين
عمنا صلاح جاهين جاوب علي اللي انتي بتسأليه ده كله في واحدة من اروع القصائد اسمها على اسم مصر
-------------------------------------------
على اسم مصر التاريخ يقدر يقول ما شاء
أنا مصر عندي أحب وأجمل الأشياء
بحبها وهي مالكة الأرض شرق وغرب
وبحبها وهي مرمية جريحة حرب
بحبها بعنف وبرقة وعلى استحياء
واكرهها وألعن أبوها بعشق زي الداء
واسيبها واطفش في درب وتبقى هي ف درب
وتلتفت تلاقيني جنبها في الكرب
والنبض ينفض عروقي بألف نغمة وضرب
على اسم مصر
مصر النسيم في الليالي وبياعين الفل
ومرايه بهتانة ع القهوة .. أزورها .. واطل
القى النديم طل من مطرح منا طليت
والقاها برواز معلق عندنا في البيت
فيه القمر مصطفى كامل حبيب الكل
المصري باشا بشواربه اللي ما عرفوا الذل
ومصر فوق في الفراندة واسمها جولييت
ولما جيت بعد روميو بربع قرن بكيت
ومسحت دموعي في كمي ومن ساعتها وعيت
على اسم مصر
أنا اللي اسمي حتحـور .. أنا بنت رع
مثـال الأمـومـة ورمـز الحـنـان
تفـيض حـلمـاتي وتمـلا الـتـرع
وتسـقـي البـشـر كلهـم والغـيـطان
نهايته يا مصر اللي كانت أصبحت وخلاص
تمثال بديع وانفه في الطين غاص
وناس من البدو شدوا عليه حبال الخيش
والقرص رع العظيم بقى صاج خبيز للعيش
وساق محارب قديم مبتورة ف أبو قرقاص
ما تعرف اللي بترها سيف والا رصاص
والا الخراب اللي صاب عقل البلد بالطيش
قال ابن خلدون أمم متفسخة تعيش ليش
وحصان صهل صحى جميع الجيش
على اسم مصر
النخل في العالي والنيل ماشي طوالي
معكوسة فيه الصـور .. مقلوبة وانا مالي
يا ولاد أنا ف حالي زي النقش في العواميد
زي الهلال اللي فوق مدنة بنوها عبيد
وزي باقي العبيد باجري على عيالي
باجري وخطوي وئيد من تقل أحمالي
محنيه قامتي .. وهامتي كأن فيها حديد
وعينيا رمل العريش فيها وملح رشيد
لكني بافتحها زي اللي اتولدت من جديد
على اسم مصر
مصر .. التلات أحرف الساكنة اللي شاحنة ضجيج
زوم الهوا وطقش موج البحر لما يهيج
وعجيج حوافر خيول بتجر زغروطة
حزمة نغم صعب داخلة مسامعي مقروطة
في مسامي مضغوطه مع دمي لها تعاريج
ترع وقنوات سقت من جسمي كل نسيج
وجميع خيوط النسيج على نبرة مربوطة
أسمعها مهموسة والا أسمعها مشخوطة
شبكة رادار قلبي جوه ضلوعي مضبوطة
على اسم مصر
وترن من تاني نفس النبرة في وداني
ومؤشر الفرحة يتحرك في وجداني
وأغاني واحشاني باتذكرها ما لهاش عد
فيه شيء حصل أو بيحصل أو حيحصل جد
أو ربما الأمر حالة وجد واخداني
انا اللي ياما الهوى جابني ووداني
وكلام على لساني جاني لابد أقوله لحد
القمح ليه اسمه قمح اليوم وأمس وغد
ومصر يحرم عليها .. والجدال يشتد
على اسم مصر
وبعدين احنا بنكره الحكومة المصرية ومحدش فينا بيكره مصر
بنكره العيشة بس راضين بيها
بنكره الشغل بس بنشتغل
بنكره الدراسة ومكتب التنسيق ومحدش فينا دخل كليه كان بيحلم بيها بس برضه بندرس وننجح ونتخرج حتي اللي كان عايز يدخل طب ولو افترضنا انه دخل حتلاقيه راح طب اسيوط وهو اسكندراني واللي دخل طب اسكندرية وهو اسكندراني حتلاقيه دخل علشان ابوه هو اللي عايزه يدخل مش علشان ده كان حلمه حتي الجيش كلنا بنكرهه وكلنا بنعمل قرود علشان نخلع منه ونجيب وسايط وندفع رشاوي
بس وقت الجد حتلاقي الشعب كله فدائين بنات وبنين كلهم متطوعين
..............علشان لمصر كلهم محبين ...............
نادر جدا او يكاد يكون مستحيل انك تلاقي حد شغال بشهادته اللي اخدها بمجهوده بس كله بيشتغل لو جاتله فرصة
حتي النصب والصياعة والفهلوة لما بتتعمل مش بتبقي علي الغلبان ولو نصبت علي واحد وحسيت انه حيحصله ضرر كبير تلاقي من غير اي مبررات روحتله واعتزرتله ورجعتله حاجته لغاية عنده
في كل الحاجات الوحشة دي تلاقينا برضه بنحبها واللي عايز يسافر برضه عايز يسافر علشان يعمل فلوس ويرجعلها
حتي العادات الاجتماعية لما تلاقي في جرحك ألف عين باكية عليك وتلاقي في فرحك زغاريد وزينة من حواليك وبيتك البسيط يتحول قصر والخير جواه مالوش حصر
- يبقي انت اكيد ...... اكيد في مصر
وبالنسبة للي مش مصريين اللي بيغلطوا فينا عايز اقولك ان انا علي طول جملة السادات الله يرحمه قدامي
( مش كل واحد فتح كشك علي الخليج يقول علي نفسه دولة )
يعني الناس دي معندهمش تاريخ زي بتاعنا ولا مخ من بتاعنا علشان كدة لازم يحقدوا علينا ولازم يشتمونا في اي مناسبة حتي لو كان فيديو علي اليو تيوب
بس مصر حلوة اوي لو كل الناس حبتها من غير مصالح شخصية لو عز ومحمد خميس وساويرس كل الناس دي حبت مصر بطريقتها بس يكون الهدف مصر مش الفلوس حتبقي احلي بكتير مشكلتنا في الحكومة ورجال الاعمال اللي ماسكين مصر مش في مصر نفسها
اللي بيحصل ده محصلش ايام ما كان محمد علي هو الزارع و الصانع والتاجر الوحيد مفيش بلد في الدنيا يبقي اللي ماسكها هو رجل الاعمال المحتكر الوحيد لسلعة محددة وعندما يتم تشريع قانون لمواجهة الاحتكار يكون هذا الشخص من يقوم بوضع ومناقشة قانون الاحتكار
في وسط كل ده برضه بنحبها ومش عارفين ليه
بس نعمل ايه بنحبها من غير مبررات
زي لما يبقي الواحد متخانق مع ابوه وفجأة كدة يطلع واحد يقول متزعلش نفسك اصل ابوك ده راجل ابن تيت
من غير اي مقدمات تلاقيه ماسك الشخص ده ويقوله انت ازاي تقول علي ابويا انه راجل ابن تيت مع انك انت وابوك وامك عالم ولاد ستين تييييييييييييت
هي كدة ادعي علي ابني واكره اللي يقول امين
هناك 7 تعليقات:
خلتنى عيطت يا تامر ينفع كده يعنى
طيب ارد عليك ولا اكمل عياط
ايوه انا بحبها بكل اللى اتقال بحبها لما بلاقى مكان نضيف بحبها لما بلاقى قلبو الناس اتفتحت وسامحت لما بقت حاجه واحده هجبها لما كله يبقى ايد واحده هحبها لما اكتشف اماكن كتير فيها واتكلم عنها بجد
اماكن مش مكلفه اماكن مش وحشه وبتلاقى فيها الناس بتبتسم لك حتى لو اتنرفزت وهو اترفز مش بتمشى الا لما يهزروا معاك ويقولوا لك هتيجي تانى
بجد انا بحبها بس نفسي تبقى احسن بلد فى العالم
هي كدة ادعي علي ابني واكره اللي يقول امين
تصدق ده كان نفس اللى كنت ح أكتبه لابى فى ردى عليها , مش القصيدة طبعا قصدى الجملة
بس بجد دماغك دى ايه عشان تفتكرها , لمستنى أوى أوى
سلامات
القصيدة طبعا اللى افتكرتها مش الجملة هههههه
جميلة قوي القصيدة و أول مرة اقرأها كاملة
:)
السلام عليكم
ازيك ياتامر اخبارك اية صاحبى
مصر كلنا بنحبها لانها غالية علينا كلنا
العيب مش فى مصر العيب فى بعض الناس اللى فيها اللى لابتقدر ترابها ومخليا صورتها تبان غير ما هيا
ربنا يصلح الحال
تحياتى
الاول حمد الله علي السلامه
تصدق لما قريت صلاح جاهين كأني بقراه لأول مره مع ان جيلنا حافظها عشان كتير كانت بتتزاع بصوته
بس عايزه اقول لك الكلام اللي انت كاتبه كلام جميل وصح تمام
وخصوصا ان فعلا مصر عامله عقده جاده للناس دي
ماهي اصلها هامتها طويله الاقزام عماله تحط الفلوس فوق بعض ويقفوا عليها عشان يطولوها مش عارفيين
نعم مصر اولا ودائما
شكرا لك على هذا الموضوع الرائع
إرسال تعليق