الأحد، 1 يونيو، 2008

سلام مدور.....علشان السلام المربع بقة غالي



المقال ده هدية من العبد الفقير الي الله تامر صلاح اللي هو انا
للحكومة اللي انا مازلت ضدها وبقولها الف مبروك علي انها اقرت قانون المرور غصب عن الشعب والمعارضة
مع اني محتار ودماغي حتنفجر ازاي الحكومة اقرت القانون وهم اصلا مكنوش موجودين في الجلسة بتاعة مجلس الشعب بدليل ان الدكتور احمد فتحي سرور رئيس المجلس شد مع الدكتور مفيد شهاب وده اللي سمته جريدة المصري اليوم أول صدام بين «سرور» و«شهاب» بسبب غياب الحكومة عن مناقشة قانون المرور وقال سرور إنه سيضطر إلي اتخاذ إجراءات حادة في مواجهة الحكومة، للحفاظ علي كرامة المجلس، ووصل الأمر إلي حد تهديده بإلغاء الجلسة، غير أن الدكتور شهاب دخل في اللحظة نفسها، وقال ـ موجها كلامه إلي رئيس المجلس ـ «يعز علي أن تكلمني بهذا الانفعال يا سيادة الرئيس، وأنت تعلم أنني مريض وخرجت من القاعة للذهاب إلي الحمام.. وكنت أتمني أن تقدر هذا الظرف ولا تضطرني إلي الدخول في التفاصيل»، وأغلق شهاب الميكروفون الذي يتحدث فيه بعصبية. طبعا الدكتور سرور مسكتش رد علي الدكتور مفيد وقاله «أعرف أنك مريض.. لكنك غبت ساعة.. فهل كنت في الحمام طوال هذه المدة؟.. وكلامي بانفعال لأنني أحترم المجلس». وكلمة احترم المجلس دي مجتش علي مزاج الدكتور مفيد فبرده قرر انه ميسكتش ورد عليه وقاله «وأنا أحترم المجلس قدر احترامك له»، لكن سرور ختم المساجلة بقوله: «كان الواجب أن تستعين بأحد زملائك ليعاونك ويسد فراغك، لأن غياب الحكومة استهانة بكرامة المجلس». الي يغيظ في كل ده ان الكلام ده علي الهواء مباشرة قدام كل دول اللي بتشوفنا علي الفضائيات ولما الدكتور سرور حس ان شكله بقي وحش هو والدكتور مفيد يعني يقوله كنت فين يرد يقوله في الحمام يعني شكلهم مش حلو فبعد فترة، ذكر الدكتور سرور أنه طلب من الأمين العام للمجلس حذف انتقاداته للحكومة من مضبطة المجلس، مبررا ذلك بأنه لم يكن انتقادا رسميا، وإنما تم في إطار العلاقة الودية التي تربطه بالدكتور شهاب. المهم بقي ان القانون اللي اقره المجلس حيخدم الشعب جدا وطبعا الشعب ده متمثل في المهندس احمد عز
ازاااااااااااااااااااااااي ؟
الاقرارات دي تنص علي ان اقصى عمر لسيارات الاجرة هو العشرون عاما فقد ووافق المجلس وسط اعتراض المستقلين على احلال سيارات الاجرة وسيارات نقل الركاب التي مضى على صنعها عشرين عاما بسيارات حديثة وطبعا الكلام ده مرفوض بسبب وجود في مصر اكثر من نص مليون سيارة عمرها تجاوز الاربعون عاما وهذا ما يعني انه قد يتشرد اكثر من نص مليون اسرة وقد واكد نواب المعارضة ان كل سيارات نقل الركاب بين المحافظات هى سيارات بيجو مضى على صنعها اكثر من اربعين عاما واكدوا ضرورة ان تكون الحالة الفنية للسيارة هى الفيصل. لكن كلام المعارضة مجاش علي مزاج المهندس احمد عز وحس ان كلام المعارضة في تعارض لمصلحته اللي هي طبعا مصلحة الشعب فرد علي نواب المعارضة وقال اننا يجب ان ننظر للامام ونتخذ قرارات شجاعة لان السيارات القديمة معدل استهلاكها للوقود اكثر وحالتها اصبحت تشكل خطرا على المواطنين وهناك قلة فى قطع الغيار وصعوبة صيانتها واكد ان التحديث صعب ولكن يجب ان ننظر الى مصلحة المجتمع وهناك دول عربية كثيرة اخذت بهذا الاسلوب منذ عشر سنوات . واضاف المهندس احمد عز علي كلامه ان هذا الجدل حول هذه السيارات انه نفس الجدل الذى ثار منذ ربع قرن حول الغاء العربات الكارو. وده بيأكد قد ايه ان المهندس احمد عز متابع التطورات من ايام العربات الكارو الي الان وطبعا كلنا عارفين ان بعض ما العربيات القديمة ما تتكهن وتبقي خردة حيتعمل بيها ايه ؟؟؟ بس المهندس احمد عز والحكومة مذكرتش ان اصحاب السيارات الاجرة حيجيبو منين الفلوس بتاعة الاحلال مع العلم بأن المصري اليوم انهاردة نشرت في الصفحة الاولي خبران
تقرير رسمي: كل مواطن مصري مديون للخارج بـ٣٩٨.٥ دولار
وهنا يكمن خوف بعض الشباب وانا منهم يعني أنا دلوقتي معيش غير 25000 جنية علشان أجيب عربية و دة بعد جمعيات و حوارات و حركات بهلوانية أعمل أية دلوقتي علشان أركب عربية؟؟ أسرقها و أغير رقم الشاسية زي ماناس كتير عملت ؟؟ ولا أدخلها من بورسعيد و أدفع10000 جنية رشوة لتسجيلها زي مابرضة ناس عملت ؟؟؟ ولا ..... نعمل حوار عربيات المعوقين التي هي بدون جمارك و متخافش مهو انت حتكون ممضية علي شيكات بالمبلغ !!! ولا أمشي مظبوط زي ماكنت عايز و أستني كمان 8 سنين ؟؟؟ بس ساعتها حيصدر قانون بمنع سيارات البنزين و أعطاء قروض ميسرة لشراء
السيارات التي تعمل بشخاخ البرغوث !!
ويلاحظ في دولتنا العظيمة ممبوزيا العظمي ( مصر سابقا ) ان القوانين بتتفصل من اجل مخالفتها فقط والكبار فوق القانون اى القانون عباره عن سقالة يرتفعوا بها على الناس وكذلك القانون بالنسبة للغلابة سيف بتار فهو لايعرف غيرهم ليطبق عليهم وايضا القانون بالنسبة للسلطة التنفيذية سبوبة للتربح وشراء الفيللات والشاليهات والجرى ورا الستات وانفاق الاموال عليهم انفاق من لايخشى الفقر لأنها احسن من بير بترول لاينضب .كذلك القانون بالنسبة للامن ماسورة يتدفق عبرها من تغضب عليه السلطة الى المعتقلات والسجون ومنها فرع الى ماوراء الشمس .وفى الاول والاخر نحن نعيش فى غابة ليس للقانون فيها وجود مطلقا .انظرو الى القاهرة ماهى الا اكبر قرية فى العالم كما قالو علينا الطلاينه زمان لما للعشوائية والقذارة واللامبالاه واللامسئوليه فيها من حضور
وهنا السؤال من احد الشباب المصريين جدا اللي مش عارفين يعملو حاجة غير انهم يحبو البلد من غير اي مبرر
س : يعني لا أكل و لا شرب و لا مصيف ولاعيش ولا شغل ولا جواز ولا عربية ولاأي حاجة نعمل ايه ؟؟
مع مراعاة ان .... مفيش بلد عايزة تدينا فيزا علشان نغور في داهية يعني اقتراح السفر غير متاح
يعني مفيش اي حل غير اننا نضرب للحكومة تعظيم سلام علي كل اللي بتعمله معانا من مد حالة الطوارئ لأقرار تعديلات دستورية ودلوقتي قانون مرور حيشرد اكثرمن نص مليون اسرة ويحبس اكثر من 2 مليون شخص بس يا ريت لما نضرب السلام يكون سلام مدور .....علشان السلام المربع بقة غالي!!.

هناك 26 تعليقًا:

المخبر العام يقول...

تلاقيه كان في الحمام بيغش وللا حاجة
نسي الإجابة ..برضك نعذر الراجل
..
ثم القانون دا لمين للشعب
عايزنكم تركبوا عربيات عليها القيمة


أو ماتركبوش..والمشي بيقلل البنزين أ:تر من السيارات الحديثة

mohager يقول...

ده اللي بسميه انا سلق القوانين .
زي قوانين كتييييييير بتتسلق في مصر .
وبعدين المشادة اللي حصلت دي ... ماكنتش اتصورها .
لأن الأخ سرور واحد من خدامين تراب الحكومة ولا يمكن يزعل اسياده منه .
ممكن تكون مسرحية عشان يبين انه بيزعل من الحكومة ... خطه مرسومه يعني .
وبالعقل كده ... مايزعلش من كل تجاوزات الحكومة اللي فات اي حد ... ويزعل لما شهاب يروح الحمام ويعدي علي الكافتريا ... ويتصل بالريس ياخد منه التعليمات؟
مستحيل طبعاً .


يللا حصل خير .... هيبقي زي السمن ع العسل زي ما طول عمرهم .

تحياتي

.:.-=- ELGaZaLy-=-.:. يقول...

هههههههههههههههههههههههه

ضحكتنى موت يا تامر فى اخر حتة
-----------------
غير انهم يحبو البلد من غير اي مبرر
س : يعني لا أكل و لا شرب و لا مصيف ولاعيش ولا شغل ولا جواز ولا عربية ولاأي حاجة نعمل ايه ؟؟
مع مراعاة ان .... مفيش بلد عايزة تدينا فيزا علشان نغور في داهية يعني اقتراح السفر غير متاح
---------------------------
لا اقتراح السفر متاح...ادرس برة وراسل الجامعات من على النت وهتاخد تاشيرة دراسة ...و 3 سنين وتاخد اقامة بعد كدة جنسية يا برنس
وبالنسبة لل25000
فمش فاهم عايز تجيب اية يعنى 128
اخر طموحك دلوقتى...بس ممكن تجيبها بجنوط وبحالة كويسة ...بالمبلغ دة ومتصرفش كتير,,,

بالنسبة لاحمد عز فاكيد لازم يتابع موضوع الكارو بما انة كان فى روح اخرى...بياع سريح...

ربنا يسعد ايامك يا تامر صباح الفل

Desert cat يقول...

احنا فى بلد يا عزيزى للاسف لا يمهما مواطنيها ولا يهمها يربكوا ايه ولا بياكلوا ايه اياكشى يركبوا جمال حتى ونرجع الاف السنين انما عربيات قديم مر عليها عشرين سنة نووووو ينزل لهم قوانين يتسلخوا فيها ...
لكن حوار سرور وشهاب فكرنى بالمدرس والتلميذ
كنت فين يا واد فى الحمام يا استاذ
واتاخرت ليه كل ده انا عندى اسهال يا استاذ يعنى عيان
ومش عارف ان الحصة بدات خش اترزع جك اسهال لما يجيب خبرك
والله بلد مسخرة وعالم فضايح
ربنا ينتقم منهم

Desert cat يقول...

ايه ده يا تامر انت عندك هنا مخبر واول كومنت كمان
انا حاسه انك مخبى رئيس المباحث فى جنب هنا ولا هنا
الحكومةدى مية مية على راى اللمبى
على فكرة انا مش قطة الصحراء
سلام بقى

tarek momen يقول...

يا سيدي اوع تاكل من الأونطة دول دافنينه سوا
يمكن بس عم سرور كان زعلان شوية علشان عم مفيد مخلصش الهوم ورك" قانون الأرهاب" في الميعاد لكن هذا لا يفسد للود قضية وبعدين حتي لو كل الحكومة والمجلس راحوا يعملوا بي بي بررضه القوانين هاتتقرر
امال هي قوانين ريحتها وحشة من شوية
جاتهم القرف

appy يقول...

بص يا تامر خلينا نبص لها نظره تانيه
انت طبعا لما تكون جاى من اقاليم للقاهرة او التنقل بين المحافظات بتشوف مهازل
على فكرة انا مع انهم يغيروا العربيات وميدوش لها ترخيص عارف لسببين اولا نظر حضارى زباله والناس مهمله جدا فهمت ولا بيهمها ناهيك عن الحوادث اللى بتحصل ولاعطل فى السيارات دى
يعنى اقولك على حاجه ممكن تتجدد ويعملوا شرط ان العربيه تتجدد شكللا وموضوعا بس انا سمعت انهم هيسبوها فى الاقاليم مش القاهرة وتبقى نقل داخلى
انا بقى مش معاهم فى ايه طيب الناس دى عاوزة تبدل عربيتها هيعملوا ايه حلو الخطوه انهم يمنعوها بس المفروض فى المقابل يدوهم بديل ولا هما مقولش على بديل يعنى ياخدوا العربيات مثلا ويدوهم جديد بالتقسيط
ده حل مش عارفه انا لسه مش اطلعت على القانون ككل ولا اعرف عنه حاجه
انما بناقشك فى فكرة تجديد العربيات بس
اه على فكرة موضوع الخناقه هو علشان كرامته نقحت عليه بس فسيبك انت

tamer.sala7 يقول...

المخبر العام
انا برده قولت انه كان بيغش من الريس الاجابة علي الاستجوابات
القانون ده للشعب المتمثل في احمد عز
هم مش عايزنا نركب عربيات عليها القيمة هم عايزين ياخدو العربيات الكحيانة
--------------------------------
المهاجر
هو فعلا القاوانين بتاعتنا كلها مسلوقة لأنها لاتصلح الا لدولة مريضة وفعلا المشادة دي مسرحية وباينة اوي
بس هو فعلا مجلس العشب فيه كافيتريا ؟؟
----------------------------------
الغزالي
شر البلية ما يضحك
25000 جنيه دلوقتي حتي مش حيجيبولي سوزوكي ماروتي بما ان الـ128 دلوقتي تعتبر بقالها اكتر من 20 سنة
احمد عز كان ومزال بياع سريح بس زمان كان بيبيع علي كارو دلوقتي بيبيع البلد
---------------------------------
قطة الصحراء
موضوع الجمال ده مبقاش مضمون دلوقتي لأن انا سمعت ان احمد عز حياخد توكيل الجمال بما انه انتيم جمال مبارك
سرور ومفيد كانو بيمثلو مسرحية بايخة لكن للاسف الشعب صدقهم وبعدين لو الدكتور مفيد كان مزنوق اوي مكنش نزل من بيتهم ولا هو حمام المجلس فيه سكر
المخبر ده اول مرة يجيلي بس انا حبعتهولك قريب
----------------------------------
طارق مؤمن
يا ساتاذي انا مش باكل من الاونطة بتاعتهم بس الاغبية فاكرين الناس مصدقم ومش عارفين ان هي حركة قديمة زي الوصل بتاع مصاريف الجمرك اللي علي كرتونة البلح بتاعة الريس مبارك يعني فاكرين ان احنا هبل علشان نصدق ان الريس دفع 65 جنيه حمرك علي كرتونة بلح خلاص الشفافية مقطعة بعضها
بالنسبة للدكتور سرور انا بقترح انه يصرف للاعضاء بدل بامبرز علشان ميكنش ليهم حجة في عدم حضور الجلسات
--------------------------------
appy
موضوع القانون ده حيظلم ناس كتير جدا وحتي لو اقتراحك اتنفذ تفتكري حياخدو من السواق فايدة كام علي اقساط العربية الجديدة ؟؟
وبعدين يعني التاكسي انهاردة سعره وصل 50 الف جنيه تفتكري الحكومة لما حتاخد العربيات دي حتدقع فيها كام ؟؟
القانون حيتطبق في جميع المحافظات وهم سابو مهلة 3 سنين علشان الناس تدبر نفسها الحوادث اللي بتحصل دي بتبقي عيب سواق او عيب ميكانيكي معملش الصيانة كويس لكن العربيات ملهاش ذنب
ونواب المعارضة اقترحو ان يكون الفيصل حالة العربية بس احمد عز مرضاش راجعي الموضوع بالراحة وانتي حتفهمي ان الهدف من القانون هو الخردة بتاعة العربيات القديمة
موضوع الكرامة ده انا مش مصدقها لأن مفيش حد منهم عنده كرامة الموضوع كله مسرحية بايخة زي حاجات كتير بايخة عندنا

أنا من كنت محتاجاً يقول...

ياعمونا .... ما هي كل حاجة خلاص وابن الكب عز بيحو البلد محمية خاصة بيه

قانون الطفل وقانون المرور وقانون الطواريء وقوانين الزفت على دماغ أهاليهم

هما بيذلوا فينا على الآخر ومش هاممهم حاجة

appy يقول...

انا فاهمه وجهه نظرك انا بقول على حل مش اكتر للناي اللى هتتظلم فهمت ممكت يجيبوا عربيات احدث موضوع الكرامه بتريق مش اكتر هههههههههههههه
وعلى فكره الاحدث يعنى ميبقاش عدي عليها السنين دي كلها

enjy يقول...

حرام عليك يا تامر والله انت مفتشرى اوى يعنى صعبان عليك النص مليون اسرة اللى هيتشردوا ومش هيلاقوا ياكلوا عيش حاف ومش صعبان عليك ان الباشا الكبير صاحب الكبير احمد عز ثروته ماتزيدش كام مليار صغيرين...اما انك ولد مفتشرى صحيح

همس يقول...

السيارات التي تعمل بشخاخ البرغوث !!


هههههههههههههههههههههه


بص فى حاجتين ممكن تعملهم ينفعو

اول حاجه تعمل مشروع تجميع ببية البراغيت للمستقبل يعنى وممكن تزهزه معاك وتبقى محتكره وهتعيص يا عم


انت احسن حاجه تجيب حمار قبل ما ينقرضو ( من الجزارين ويخلصو فى الاكل )

علشان اصلا مش هيبقى فيه بنزين


وبعدين انا هضرب سلام

بس هضربو بالجزمة ( اسفه ) بس الوطنية

بتعصبنى سعات


تحياتى

عايش ولكن يقول...

يا راجل خليك كده كوول
مهو يا تركب رجليك
يا تركب رجليك
واختار اللى احسن ليك فى الاختيارين
وبعدين ال25 الف اللى معاك
روح اشترى بيهم حماره وياريت تكون " نتايه" علشان لما تتعب تأكلها ولما ربنا يكرمك كده تبقى تجوزها وتكسب فيها ثواب وتجيبلك جحش صغير كده يبقى تركب عليه العيال

ربنا يكرمنا فى البلد دى
والكلمتين دول بهديهم لاحمد عز

عن موضوع الفول واللحمة صرح مصدر قال مسئول
ان الطب اتقدم جدا والدكتور محسن بيقول
ان الشعب المصري خصوصا من مصلحته يقرش فول
حيث الفول المصري عموما يجعل من بني ادم غول
تأكل فخده في ربع زكيبه والدكتور محسن مسئول
يديك طاقة وقوة عجيبة تسمن جدا تبقى مهول
ثم اضاف الدكتور محسن ان اللحمه دي سم أكيد
بتزود أوجاع المعدة وتعود على طولة الايد
وتنيم بني ادم وتفرقع منه المواعيد
واللي بياكلوا اللحمة عموما حيخشوا جهنم تأبيد
يادكتور محسن يامزقلط يامصدر ياغير مسئول
حيث ان انتو عقول العالم والعالم محتاج لعقول
مارأى جنابك وجنابهم فيه واحد مجنون بيقول
احنا سيبونا نموت باللحمة وانتو تعيشوا وتاكلوا الفول
مارأيك ياكابتن محسن مش بالذمة كلام معقول

تحياتى
علاء

Tamer Nabil يقول...

هيا كل حاجة ماشية على مزاج الرجل دة ولا اية

هو القانون هيمشى على مين على الشعب يبقى لازم كان الاول يتعرض علية مش هما فى المجبس زى ما بيتقال جاين عن طريق الشعب يبقى لية الطناش

ربنا معانا يا تامر

تحياتى

tamer.sala7 يقول...

انا من كنت محتاجا
عز بيحول البلد لعزبة مش لمحمية طبيعية
وهم حيفضلو يخنقو فينا لغاية ما نموت منتحرين
-------------------------------
appy
طيب الحل النهائي ايه علشان اعرف انا حعمل ايه بالفلوس بتاعة العربية ولا اتجوز واتشحطط انا وهي في المواصلات ؟؟
--------------------------------
همس
مهو انا خايف اجمع البراغيت يقولولي احمد عز احتكارها وفي الوقت ده انا مش مسئول عن اللي هيحصل
--------------------------------
عايش ولكن
كلمات عمنا احمد فؤاد نجم اللي كتبها من اكتر من عشرين سة لسة شغالة وتنفع للمجتمع بتاعنا والظروف الاقتصادية المنيلة اللي احنا عايشنها
------------------------------
تامر نبيل فعلا يا تيمور كل حاجة ماشية علي مزاج ابن الكلب الطبال انا مشغايزني غير انه هو اللي بيزيع كل الاخبار الاستفذاية يعني رفع الحديد هو اللي عمله ورفع البنزين هو اللي زاعه وقانون المرور وقانون الطفل بصراحة انا متغاظ منه هو وشوبير

ayman badr يقول...

ايه يا عم تامر هي الناس دى فاضية تحضر مجالس شعب والكلام الفارغ ده ما اللى بيتأمر بيه بيحصل غصب عن عين التخين -والتخين فى السياق هو سرور- والشعب مفعول به منصوب عليه طول عمره
تحياتى على الموضوع الممتاز

will يقول...
أزال أحد مشرفي المدونة هذا التعليق.
غير معرف يقول...

أشكو لكم الظلم و الاضطهاد و المعاناة و المهاناة التى نلقاها فى شركة كهرباء شرق الدلتا من جبروت و ظلم فايزة عبده عباس رئيسة قطاع التخطيط و المتابعة و نظم المعلومات بشركة كهرباء شرق الدلتا .
فالسيدة / فايزة عبده عباس مثال حى يمشى على الارض للديكتاتورية و لا ترى فى الشركة إلا نفسها و لا تسمع إلا رأيها و ترفض أن يشتكى أى موظف عندها من أى شىء حتى لو إتظلم ، فالمفروض عند فايزة عبده عباس – يا سيادة الرئيس – أن نسكت و لا نشتكى و نحمد الله على اللى إحنا فيه .
و أحكى لسيادتكم يا سيادة الرئيس مثال على الظلم و الارهاب الذى يتعرض له الموظفين بالقطاع التى ترأسه فايزة عبده عباس فهناك موظف محترم إسمه محمود عاطف عبدالمقصود السودانى – تعرض للإهانة و إتشتم من واحد زيله اسمه المهندس / صلاح و يعمل فى قطاع المتابعة و يعيش معه فى نفس الاستراحة ( هنا و الامر عادى مجرد مشكلة بين زملاء فى العمل 9 و لكن عندم قرر محمود السودانى الدفاع عن كرامته و تقديم شكوى للمهندس الفاضل طارق يوسف على رئيس شركة كهرباء شرق الدلتا قامت فايزة عبده عباس بإحضار محمود السودانى ( تخيل يا سيادة الرئيس ماذا فعلت فايزة عباس ) بدل ما تجيب للراجل المظلوم اللى اتشتم حقه و هو من دور أحفادها او حتى تحاول معرفة الحقيقة قامت فايزة عبده عباس بتهديد محمود السودانى و ارهابه و هددته انه اذا قدم شكوى أو فتح بقه قدام الناس بالموضوع ستجازيه و تبهدله و طبعاً خاف محمود السودانى و كتم إهانته داخله لانه لا يستطيع الوقوف امام الاسطورة فايزة عباس لانه لا أحد فى شركة كهرباء شرق الدلتا يقدر على الوقوف امام فايزة عبده عباس من اصغر واحد لاكبر واحد ، و السر وراء تهديد فايزة عباس لمحمود السودانى هو أن المهندس اللى شتمه و اسمه صلاح من بورسعيد و بلديات زوج فايزة عباس و متوصى عليه
تخيل يا سيادة الرئيس لإن الموظفين فى عهد سيادتك لا يستطيعوا أن يتكلموا او حتى يشتكوا لدرجة أن فايزة عباس بتقول ان الشكوى اسلوب الضعاف و الناس " الوحشيين بس هما اللى بيتشكوا " و للأسف فايزة عباس تتبع اسلوب التوقيع بين الموظفين و المجاملة و التهديد و التنكيل و التهديد بالخصم
و لقد قررت أن اكتب يا سيادة الرئيس هذه الشكوى على شبكة المعلومات الدولية لخوفى من غضب فايزة عباس و تهديدها لنا و أعلم ان فايزة عباس ستحضر محمود السودانى لينكر هذا الكلام و لكن الكل فى الشركة يعلم القصة و لكنى فضلت ان افضح افعال و ظلم و جبروت فايزة عباس الذى تعدى القطاع التى هى رئيسته الى باقى إدارات الشركة الذين يخافون منها و من بطشها و غضبها .
و لم نقدر يا سيادة الرئيس إلا أن نشتكى لله ثم سيادتكم لاننا نعرف ان فايزة عباس لن تخوف المسؤلين بالدولة ايضا و نرجوك يا ريس ان تتدخل و تنقذ المظلومين من فايزة عباس لاننا نعرف تماما ما ستفعله فايزة عباس عندما تعرف بشكوتنا هذه و نرجو ان تتحملنا يا ريس فليس لنا إلا الله
و حسبى الله و نعم الوكيل فى الظالمين

غير معرف يقول...

سبق أن حصل معمل التحاليل بمستشفى شركة شرق الدلتا لانتاج الكهرباء على ترخيص لانشائه ، و عند نقل معمل التحاليل لمكان اخر يجب الحصول على ترخيص للمكان الجديد و ذلك من خلال الحصول على موافقة المعامل المركزية بالقاهرة و لكن ذلك لم يتم عند نقل مكان المعمل ، و الموافقة لازمة للتأكد من مواصفات المكان الجديد للمواصفات و لكن المسؤلين بشركة شرق الدلتا لانتاج الكهرباء خالفوا ذلك و احضروا موافقة مضروبة لانشاء المعمل من وزارة الصحة بالاسماعيلية و هذا طبعا مخالف و لكن فى شرق الدلتا لانتاج الكهرباء كل شىء ممكن و مباح و السبب فى هذه المشكلة الدكتور نزيه رفعت فهذا الانسان الفاسد لا يوقع على ورقة واحدة و لمنه يقنع المسؤلين فى الشركة بعمل أى شىء و منهم مدير المستشفى حسن عبدالحميد و كان كلامه مصدق و لا يوجد به خطأ
و للعلم فإن نزيه رفعت مسنود بفايزة عباس رئيسة قطاع المتابعة و امينة سر مجلس الادارة و جوزها محمود النقيب رئيس قطاع محطة كهربا عيون موسى و سمير عبدالعال سكرتير رئيس الشركة و طارق يوسف رئيس مجلس ادارة الشركة
و هل يصدق احد ان نزيه رفعت اصدر اوامره بنقل قسم العناية المركزة بعد تعلية المستشفى للدور الثالث !
يا ناس يا هوه ه ه ه نزيه رفعت هو الامر الناهى فى المستشفى و يتعامل انها عزيته الخاصة و للأسف مفيش رئيس شركة يحاسب حد و الله يمسيه بالخير دكتور عبدالله فياض مدير المسشتفى السابق الذى كان يضرب أتخن تخين بالجزمة و اولهم نزيه رفعت طبعا و مكنش يقدر يفتح "بقه " لكن دلوقتى تبدل الحال و اصبحت الادوية المنتهية الصلاحية امر طبيعى فى المستشفى و لقائنا مع قصة الادوية فى وقت اخر يمكن سيادة الوزير دكتور حسن يونس يصدق مرة واحدة ان الفساد انتشر فى الشركة لان رئيس الشركة طارق يوسف عامل للوزير البحر طحينة
و لكى الله يا مص

غير معرف يقول...

أحكى لكم قصة فاسد من الفاسدين بمصر و هو الدكتور نزيه احمد رفعت و هو دكتور تخدير بمستشفى الكهرباء المملوكة لشركة شرق الدلتا لانتاج الكهرباء .فهذا الدكتور يسرق و ينهب المستشفى كيفما شاء مع انه مجرد مدير ادارة فى المسشتفى و لكنه فى الحقيقة المدير الفعلى لها فهو يأمر فيطاع و ينفذ له مدير عام المستشفى الدكتور حسن عبدالحميد ( الضعيف ) و رئيس الشركة طارق يوسف كل أوامره و طلباته .
و الذى يساعد نزيه رفعت على ذلك هو مجاملته للقيادات مثل فايزة عبده عباس رئيسة قطاع المتابعة و امينة سر مجلس الادارة و جوزها محمود النقيب رئيس قطاع محطة عيون موسى و سمير عبدالعال سكرتير رئيس الشركة ،،، و نزيه رفعت يجامل ابناء القيادات و المستشارين مثل الدكتور احمد حامد منصور و هو ابن المهندس حامد منصور رئيس قطاع الشئون الفنية فى شركة شرق الدلتا لانتاج الكهرباء ،و الدكتور محمد ثروت طه و هو ابن المسشتار ثروت طه لان نزيه طبعا يتمنى رضا هذا المستشار و الدليل على مجاملة نزيه رفعت لاحمد حامد و محمد ثروت هو انه و الدكتور حسن عبدالحميد مدير عام المسشتفى وافقوا على عمل احمد و محمد بنظام الورادى و يحصلوا على بدل وردية و ذلك مخالف للقواعد لان نظام الورادى فى الشركة ان يعمل العامل العامل ثلاثة اسابيع ( صبح و ليل و ظهر ) و يرتاح اسبوع و لكنهم – احمد و محمد – يعملوا يوم واحد فى الاسبوع يعنى اربع ايام فى الشهر بنظام النبطشيات فكيف يحصلوا على بدل وردية
و طبعا نزيه رفعت عمل الموضوع ده من باب المجاملة للمهندس حامد منصور رئيس قطاع الشئون الفنية و للمسشتار ثروت طه
فين وزير الكهرباء الدكتور حسن يونس من الذى يحدث بمسشتفى شركة شرق الدلتا لانتاج الكهرباء و كيف يسكت معالى الوزير على فساد طارق يوسف و طرمخته على كل الشكاوى و الموضوعات بخصوص المستشفى " يعنى مثلا مفيش كلمة او شكوى صح "
نرجو من المسؤلين فى الدولة و الدكتور حسن يونس التدخل و انقاذ شركة شرق الدلتا لانتاج الكهرباء من نزيه رفعت و طارق يوسف رئيس الشركة و فايزة عباس رئيسة قطاع المتابعة و امينة سر مجلس الادارة و سمير عبدالعال سكرتير رئيس الشركة

غير معرف يقول...

قامت شركة شرق الدلتا لانتاج الكهرباء بإصدار الاعلان رقم 2 لسنة 2009 و جاء فى الاعلان درجة درجة مستشار أ التخطيط و المتابعة و ، و هذه الوظيفة متفصلة على شخصية واحدة و هى فايزة عبده عباس و هى دلوقتى رئيسة قطاع التخطيط و المتابعة.
وظيفة مستشار هندسى أ تم تفصيلها مخصوص لفايزة عباس و لا يقدر أحد الدخول عليها و الموضوع هذا تسبب فى اغضاب فى الشركة بين جميع القيادات بعد ان حرمهم البشمهندس طارق يوسف رئيس الشركة من الدخول للوظيفة
- ملحوظة : درجة مستشار أ هى وظيفة معمولة مخصوص لفايزة عباس
هناك مهندسين اكبر منها سنا و ترقوا الى رئيس قطاع معها فى نفس التاريخ
- و فيه مهندسين اكبر من فايزة عباس و يعملوا رئيس قطاع زى: محمد محمد فرج عنان رئيس قطاع محطة دمياط ، حمدى ابراهيم عزب محمد رئيس قطاع محطة ابو سلطان ، سمير شوقى مرزوق عبدالملاك رئيس قطاع شئون المحطات ، محمد السيد عبدالغفار العادلى ، محمد نجيب السيد صالح رئيس قطاع المحطات
هل فيه مجاملات مفضوحة اكثر من هذا لماذا كتبوا فى الاعلان شرط ان المرشح له خبرة فى التخطيط و المتابعة و هذا غير موجود الا فى فايزة عباس من اجل حرمان الجميع من الدخول امامها ، فكان الاولى بطارق يوسف ان يعطى درجة مستشار أ لفايزة عباس بدل الاعلان ووجع القلب و الامور الشكلية اللى مش جايبة همها ديه بلا قرف

موصفات فايزة عباس :
هى رئيسة قطاع التخطيط و المتابعة
هى امينة سر مجلس ادارة الشركة من اكثر من عشر سنين
شخصيتها قوية جدا شركة شرق الدلتا لانتاج الكهرباء و الناس بتسميها باسم الست الحديدية الناس كلها بتكرهها صوتها عالى على طول تقدر انها تهزق أى شنب فى الشركة تقول دائما انها مسنودة من وزير الكهرباء والبشمهندسة فوزية ابو نعمة علاقتها جامدة بالكبار و يخافوا منها
خصصوا لها و لجوزها شقة ملك الشركة فى العمارة 103 فى الشيخ زايد و حسنوا لهم بالعمارة 207 فى الشيخ زايد بالاسماعيلية و حسنوا لهم الشقة تانى لهم هى و جوزها لشقة تانية فى المستعمرة السكنية جنب الديوان العام القديم و و حسنوا لهم مرة تانية الى شقة فى الدور الاول فى نفس المستعمرة و الغريب انهم قفلوا الشقة الخاصة بالشركة و يعيشوا فى شقتهم الخاصة و لا يقدر أى مسؤل ان يقول لها و لجوزها انها ترجع شقة الشركة لانهم لا يعيشوا فيها
علاقتها هى و زوجها محمود النقيب قوية جدا برئيس الشركة المهندس طارق يوسف على لان طارق كان زميل زوجها فى محطة عيون موسى و عشان كده فصل لها درجة مستشار أ

هى و جوزها اصحاب الحرامى نزيه رفعت دكتور التخدير فى مستشفى الكهربا
و لما ابنهم عمل عملية يوم الخميس 22/10/2009 كان مدير المستشفى حسن عبدالحميد و نزيه رفعت بيخدموا عليه بنفسهم مع انهم والله مش بيعملوا كده مع أى مريضو فايزة عباس بتروح بعربية الشغل فى مشاوير خاصةبتهدد الموظفين بسلطتها و نفوزهاكتبت عنها الجرايد قبل هذا بتساعد نزيه رفعت فى كل الذى يعمله فى المستشفى هى اللى بتختار أكل مجلس الادارة و نحن متأكدين ان الوزير الكهرباء هيتدخل و يوقف المهزلة

غير معرف يقول...

قصة من قصص الف ليلة و ليلة ما بتحصلش غير فى الحواديت بس لكنها و لله الحمد حصلت فى شركة شرق الدلتا لانتاج الكهرباء ارض الخيال ، إسمعوا يا سادة البيه طارق يوسف رئيس الشركة مؤلف محمود النقيب رئيس قطاع محطة عيون موسى ، أحداث القصة بتبتدى لما عمل البيه طارق يوسف إعلان لوظيفة رئيس قطاعات الشئون الفنية و إتقدم عليها محمود النقيب و أشخاص غلابة اخرين مش قريبين لقلب رئيس الشركة و دمهم تقيل على قلب البيه طارق يوسف ، المهم يا سادة يا كرام دخل محمود النقيب على اللجنة بتاعت الاختبار و طبعاً انبهرت اللجنة بمحمود النقيب و بشطارته ياه ه ه ه ه معقولة الخبرات ديه موجودة فى شركة شرق الدلتا و طبعا طلع محمود النقيب الاول مش مشكلة نعدى ديه بتحصل كتير
بس البيه طارق يوسف حس ان محمود النقيب مش مبسوط قوى و مكشر و زعلان شوية و مقريف فقالوا مالك يا حودة يا حبيب ، قالوا اخص عليك انا زعلان منك انا كان نفسى اخد درجة رئيس قطاعات الانتاج ، فطارق رد عليه و قالوا بس كده يا حبيبى انت تأمر غالى و الطلب رخيص و لما مات المسكين المهندس سيد فرج الف رحمة و نور عليه تانى يوم عمل البيه طارق يوسف اعلان عشان وظيفة رئيس قطاعات الانتاج ، و دخل عليها نفس الاشخاص و اولهم محمود النقيب ، اسمعوا بقه الجزء الخيالى بقية الناس افتكروا انهم هياخدوا رئيس قطاعات الانتاج لان محمود خلاص نجح على الشئون الفنية لكن عند مين الكلام ده و فى اليوم الموعود السبت 26/12/2009 اتعمل الامتحان بعد مجلس الادارة على طول و اختارت اللجنة اللى رئيسها البيه طارق يوسف اشطر اخواته محمود النقيب واضح ان النقيب كان دايما بيطلع الاول فى المدرسة و نابغة و لا الدكتور احمد زويل ، بصراحة الناس بتقول ان كان طارق يوسف يستنى شوية لما الاستاذ جمال البياضى يطلع معاش عشان محمود النقيب ياخد وظيفة رئيس قطاعات الشئون المالية و الادارية عشان محمود بكده يبقى رئيس كل القطاعات
طيب بالذمة يا معالى الوزير مش كان طارق يختشى شوية و يدى الانتاج لمهندس تانى زى الباشمهندس حمىد عزب لان محمود النقيب كده كده اخد الشئون الفنية ، طارق يوسف محسسنا ان مفيش حد بيفهم غير محمود النقيب
و الحقيقة اللى عايزين نوضحها لمعالى الوزير ان البيه طارق يوسف و محمود النقيب اعلنوا ان سيادتك و الدكتور محمد عوض وعدتوا محمود النقيب برائسة احد شركات الكهرباء قريب قوى يا ترى يا معالى الوزير ينفع من يسب الناس بأبشع الالفاظ يكون رئيس لشركة و ييجى عندنا يصفى خلافاته مع المهندس محمد عطية و المهندس جمال عرفة و كل رؤساء الشركات اللى من شركتنا اثبتوا فشل لانهم بيحبوا و يكرهوا و ليهم شلة معينة هى اللى بتحركهم طبعاً لصالحهم .
و فى نهاية القصة المثيرة ديه بنبارك للمهندس محمود النقيب رئاسة قطاعات الشئون الفنية و رئاسة قطاعات الانتاج و رئاسة احدى شركات الكهرباء قريب قوى بناء على وعد معالى الوزير لك
شفت بقه يا سيادة الوزير الكوسة مفضوحى ازاى عندنا و ريحتها فاحت اصل البيه طارق يوسف متخصص فى طبخ الكوسة و بيقى طعمها حلوة قوىىىىىىىى ده سيادتك الوزير ما تقدرش تجامل حد بالطريقة البلدى ديه لان سيادتك بتحترم نفسك و تحترم ثقة فخامة رئيس الجمهورية

غير معرف يقول...

السيد المهندس /وزير الكهرباء والطاقة
تحية طيبة وبعد
الرجاء من سيادتكم التحقيق فى وقائع لاهدار المال العام التى زادت عن حدها داخل قسم صيانة الاجهزة بمحطة كهرباء عتاقة والى سيادتكم وقائع ومستندات يعلم ببعضها رئيس القطاع دون جدوى
1- تم شراء عدد 30 نقطة حرارة للتركيب فى غلاية الوحدات الثالثة والرابعة بمبلغ 59000 جنية مصرى وذلك فى شهر ابريل 2009 وتم استلامها وفحصها وتركت بالقسم يومين ثم دخلت محزن 1و2 بالخطاء وتركت بة 5 ايام ثم دخلت مخزن 3و4 ولكن المفاجأة عند صرف احدى هذة نقط الحرارة للاستخدام وجد انها جراب فارغ ولا يوجد بة نقط حرارة تم ابلاغ رئيس القطاع وحاول مدير عام الاجهزة ومعة المهندس على اسماعيل صرف عدد 8 نقط منها يوم 21 الماصى
فرفض الزملاء الفنين استلامهم وتمت كتابة اسم العامل المؤقت على طلب الصرف ولماعلم امين المخازن رفض صرفهم وشطب طلب الصرف الرجاء التحقيق ومعرفة من لة مكاسب ومصالح شخصية فى اهدار المال العام
2- تم شراء عدد 5 اجهزة مراقب لهب لغلاية الوحدتين الاولى والثانية بامر توريد رقم 230 لسنة 2005مع اجهزة حساس لهب بمبلغ 89000 جنية مصرى غير مطابقة للمواصفات لانها تعمل على نظام مختلف
تم صرف الاجهزة جميعا بطلب صرف واحد ورميها فى مخلفات القسم عندما اخبر احد الزملاء السيد مدير الاجهزة بايجاد حل لهذة الاجهزة التى لم تستخدم منذ عام 2005 الى الان واخذها فنى يعمل فى الالكترونيات لمحاولة تعديلها ولم ينجح فى المحاولة وهذة الاجهزة موجودة عند فنيين معمل صيانة واصلاح قسم الاجهزة وحاولو ارجاعهم للمخازن بنسبة صلاحية على انهم مستعملين وتم اصلاحهم فرفض امين المخزن بعد ان اخبرناة بموقفهم الرجاء ايجاد حل لهذة الاجهزة ان كانت تصلح للاستحدام فى محطة اخرى ومعرفة من لة مكاسب ومصالح شخصية فى اهدار المال العام والضرر بمصالح الدولة
3- ايضا شراء 250 ليمت سويتش تكلفة الواحد 290 جنية من شركة الاج تريدنج المحظور التعامل معها من قبل للتركيب فى بلوف لمبات غلاية 1و2 وتم صرفها جميعا والمفاجأة عند شراثها مرة اخرى تم شراء نفس السويتشات قيمة الواحد 8 جنيهات يالا العجب تم شراء 50 سويتش بسلفة مؤقتة بميلغ 400 جنية تقريبا ثمن واحد من سويتشات الاج تريدنج
4- الاتفاق مع شركة الاج تريدنج تلفونيا عن طريق مدير عام الاجهزة بشراء قطع غيار الكترونية نقديا بملغ 4000 جنية وعندما ذهب الزملاء لمقر الشركة فى القاهرة وجدو مبالغة فى الاسعار ورفضوا استلام قطع الغيار وتم شرائها من محلات اخرى بمبلغ 500 جنية مع ذيادة الاعداد للضعف
5- الشركة العنانية للصيانة والاصلاح والنصب فى اصلاح كارت كنترول بلف سايبوس واخذ مبلغ كبير وعند تجربة الكارت بعد شهرين الكارت انفجر وعاد الى الشركة منذ اكثر من عام ونصف ولم يعود وايضا جهاز كومبيوتر شخصى تم اصلاحة بمبلغ 25000 جنية واصلاح اجهزة سليمة كتيير
منها اجهزة قياس بالمعمل لم تستخدم نهائيا بسبب عدم قيمتها حاليا تصين بمبالغ خبالية الرجاء التحقيق لان هذة الحقائق يعلمها كل مهندسين وفنين قسم اجهزة محطة كهرباء عتاقة

غير معرف يقول...

لسيد الاستاذ المحترم / جمال مبارك أمين لجنة السياسات بالحزب الوطنى الديمقراطى السيد الدكتور المهندس / وزير الكهرباء و الطاقة السيد الدكتور المهندس رئيس الشركة القابضة لكهرباء مصر السيد اللواء رئيس جهاز الرقابة الادارية السادة المسؤلين بالدولة السلام عليكم و رحمة الله و بركاته - فى تاريخ 13/6/2009 تم عرض مذكرة على طارق يوسف على رئيس شركة شرق الدلتا لانتاج الكهرباء بناءاً على طلبه لشراء جهاز لاب توب لزوم إستخدام سيادته و ذلك لحاجة العمل الماسة و الضرورية للجهاز و ذلك بالأمر المباشر ، و وافق رئيس الشركة على المذكرة فى نفس التاريخ على الشراء . - و فى يوم 15/6/2009 أشر رئيس قطاعات الشئون الفنية لرئيس قطاع المشتريات و المخازن لعمل اللازم و فى نفس التاريخ أيضاً ( 15/6/2009 ) أشر مدير إدارة المشتريات لرئيس قسم أوامر التوريد ( هام و عاجل ) - و فى يوم 14/6/2009 إجتمعت لجنة الفحص و التحليل لتختار جهاز كمبيوتر محمول لرئيس مجلس الادارة و تم اختيار عرض شركة المجموعة الوطنية معروف بسعر 6600 ستة الالاف و ستمائة جنيه لا غير لتوريد جهاز كمبيوتر محمول و حقيبة لحمل الجهاز و ذلك للحاجة الماسة و الضرورة العاجلة . - و فى تاريخ 15/6/2009 صدر أمر مباشر لشركة المجموعة الوطنية معروف لتوريد جهاز اللاب توب لرئيس مجلس ادارة الشركة و فى نفس التاريخ تم إستلام الجهاز و فحصه . و الاسئلة التى تغيظ الموظفين بالشركة و جعلت محاسبين ادارة المشتريات هيموتوا من الغيظ : 1- هل يعقل أن عملية شراء جهاز حاسب الى لطارق بيه يوسف لا تستغرق أكثر من يومين 2- ما هى الحاجة الماسة و الضرورة العاجلة التى تؤدى لشراء جهاز اللاب توب بالامر المباشر خلال يومين فقط ، فسيادة رئيس الشركة تم تعيينه كرئيس للشركة فى شهر يوليو 2008 و تم شراء الجهاز فى يونيو 2009 أى أنه ظل إحدى عشر شهرأ بدون جهاز لاب توب فهل تذكر سيادته فجأة أن الحياة تقدمت و أصبح هناك جهاز إسمه لاب توب و أن حاجة العمل تستدعى شراء لاب توب لنفسه بالامر المباشر بهذه السرعة التى تسبق سرعة الصوت و الضوء و يا ترى هل توقفت الشركة عن إنتاج الكهرباء طوال الفترة التى ظل فيها معالى رئيس الشركة محروم من جهاز اللاب توب 3- و لماذا لم يتم شراء ذلك الجهاز الخاص برئيس الشركة مع الحاسب الالى التى تم شرائها للإدارة العامة للدراسات و التخطيط المالى و محطة كهرباء عتاقة و الصادر لهم أمر توريد بتاريخ 11/3/2009 ( يعنى قبل رغبة رئيس الشركة بشراء جهاز لنفسه بثلاثة اشهر ) لنفس الشركة ( المجموعة الوطنية معروف و شركاه ) أعتقد أن السعر كان سيقل إذا تم شراء هذه الاجهزة دفعة واحدة أم أن سياسة التوفير لا يعلم عنها السيد / طارق بيه يوسف شىء و ليست من ضمن إهتماماته ، مع ملاحظة ان عملية شراء جهازى كمبيوتر محمول للتخطيط المالى و محطة عتاقة استغرقت شهور و لاب توب طارق يوسف تم شرائه فى يومين . 4- هل يعقل ان جميع اجراءات الشراء و التوريد و الفحص و التحليل و الاستلام تمت خلال يومين فقط مع ملاحظة ان الشركة الصادر لها امر التوريد المباشر مقرها القاهرة و تحديداً 22 شارع محمود حسن كلية البنات الميرغنى مصر الجديدة و شركة شرق الدلتا بالاسماعيلية و لكن من أجل طارق يوسف تقرب المسافات 5- و الغريب أن سعر جهازى اللاب توب اللذان تم شرائهما لمحطة عتاقة و التحليل المالى يقدر بمبلغ 6732 ستة الالاف و سبعمائة و اثنان و ثلاثون جنيها و لاب توب طارق يوسف مبلغ 6600 طبعاً لأن لاب توب طارق يوسف إمكانياته أعلى يمكن يكون اشتروه بالالعاب اللى عليه . 6- و المفاجأة التى صدمتنا و جعلت رئيس قطاع المشتريات يشد فى شعره التى تؤكد ان طارق يوسف لا يعرف شىء عن المشتريات ان المذكرة اللى وافق عليها رئيس الشركة لشراء جهاز لاب بالامر المباشر خلت من مبررات الصفة العاجلة و تأثير تدبير جهاز اللاب توب لسيادته و ذلك بالمخالفة للائحة المشتريات و لما أكده طارق يوسف بمحضر لجنة السياسات بالشركة و أذكره برقم المحضر و تاريخه حتى لا يقول انه لا يعرف عنه شىء ( جلسة رقم 5 للعام المالى 2008/2009 فى بتاريخ 26/11/2008 )برئاسة سيادته و المعتمد محضرها منه ، فمن الواضح ان طارق يوسف مصاب بالنسيان فهو يصدر تعليمات وردية و لما يجى تطبيقها و التنفيذ على الواقع نجد هذه التعليمات تتبخرت

غير معرف يقول...

السيد الدكتور وزير الكهرباء / المحترم حسن يونس
السيد المستشار / رئيس هيئة النيابة الادارية

إستمراراً لمسلسل فايزة عبده عباس – رئيس قطاع التخطيط و المتابعة و المشرفة على برنامج المنظومة المالية و الادارية بشركة شرق الدلتا لانتاج الكهرباء بالاسماعيلية و الذى كلف الشركة ملايين الجنيهات .oooooooo
نعرض على سيادتكم المخالفات الموجودة بعملية توريد برامج المنظومة المالية و الادارية لشركة شرق الدلتا للكهرباء و المطالبات التى يتم صرفها بأمر فايزة عباس :oooooo
* ورد لشركة شرق الدلتا للكهرباء من الشركة المصرية لهدنسة نظم القوى الكهربائية المطالبة رقم ( 5 ) بتاريخ 30/10/2008 بمبلغ 10200 فقط عشرة الاف و مائتان جنيها لا غير قيمة 20% من اعمال اعداد و اختبار الشبكة المحلية بالديوان العام ، و الذى قام بارسال هذه المطالبة هو المهندس محمد عبدالعزيز القائم بأعمال نائب رئيس مجلس الادارة لشئون تطوير الامكانيات بالشركة المصرية لهندسة نظم القوى الكهربائية بخطابه الصادر برقم 7582 المؤرخ 17/11/2008 ooooo
* و الحقيقة انه لم يحضر اى مندوب من الشركة المصرية لهندسة نظم القوى الكهربائية للقيام بالاعمال الموجودة بالمطالبة رقم 5 و الدليل ان مدير عام نظم المعلومات بشرق الدلتا للكهرباء – خاطبت سمير زينهم – مدير مشروع المنظومة بالشركة المصرية لهندسة نظم القوى الكهربائية لتطلب محضر يفيد حضور مندوب عن الشركة المصرية لهندسة نظم القوى و يا ترى هل لا تعلم شركة شرق الدلتا هل حضر مندوب من الشركة المصرية لهندسة نظم القوى لاداء الاعمال أم لا ooo
* فى التاريخ 8/4/2009 جاء خطاب من مدير مشروع المنظومة المالية و الادارية و معه صورة محضر الاعمال التى تمت موضوع المطالبة رقم 5 شفت السرعة ، فى نفس اليوم وصل الرد ooo
* إذا شاهدتم سيادتكم محضر الاعمال المؤرخ 16/9/2008 بخصوص المطالبة رقم 5 ستتأكدوا سيادتكم ان مندوب شركة شرق الدلتا للكهرباء حسام الدين محمد لم يوقع على المحضر ، فكيف تم هذه الاعمال بدون توقيع شركة شرق الدلتا و نحن متأكدين ان فايزة هتجبر حسام على التوقيع عندما تشاهدها الشكوى لتدارى على خطأهاoooooo
و نؤكد لكم علم فايزة بهذ الموضوع فهناك المذكرة المعروضة من فايزة عباس على رئيس الشركة فى تاريخ 12/5/2009 و التى تخطره فيها بعدم حضور مندوب الشركة المصرية لهندسة نظم القوى يعنى فايزة عباس علمت بعدم حضور مندوب هذه الشركة لاداء العمل يعنى محضر الاعمال المرسل من هذه الشركة مفبرك و غير حقيقى و الدليل عدم توقيع شركتنا عليه ، و يا ترى لماذا لم توقف فايزة عباس بصفتها المشرفة على موضوع المنظومة صرف المطالبة و هل يا ترى اعترضت فايزة عباس على صرف هذه المطالبة رقم 5 ،oooooooo
* و المفاجأة التى يعلمها كل الموظفين بالمشتريات ان فايزة عباس خاطبت الاستاذ الفاضل المحترم عبدالمنعم حسانين رئيس قطاع المشتريات و المخازن بشركة شرق الدلتا بخطابها رقم 77 المؤرخ 8/2/2009 و كتبت فى ذلك الخطاب انه تم ارسال أصل محاضر تنفيذ اعمل موضوع المطالبتين رقمى 5و 6 الى المشتريات و بعدها بشهرين و فى يوم 8/4/2009 قام مدير عام نظم المعلومات بمخاطبة مدير مشروع المنظومة المالية و الادارية بالشركة المصرية لهندسة نظم القوى تؤكد فيه عدم وجود ما يفيد حضور مندوب من الشركة المصرية للاشراف على على التركيب و الاختبار للشبكة المحلية موضوع المطالبة رقم 5
و الجريمة: كيف كتبت فايزة عباس فى خطابها المؤرخ 8/2/2009 الذى ارسلته للمشتريات انها ارسلت هذه المحاضر للمشتريات يعنى هذه المحاضر موجودة بشركتنا و بتاريخ 8/4/2009 تطلب عزة مصطفى مدير عام نظم المعلومات من الشركة المصرية للنظم محضر الاعمال الخاص بالمطالبة رقم 5 أى ان المحضر غير موجود و هل يعقل ان يتم محضر اعمال دون ان يكون لدى شركتنا صورة منه فى حالة ان شركتنا وقعت عليه بالفعل oooooo
الاسئلة كثيرة جدا جدا و المخالفات لا تنتهى و فايزة عباس تصول و تجول بشركة شرق الدلتا و رئيس الشركة رجل متواطىء معها بل على العكس يسكت عن مخالفاتها و يغمض عينه عن مخالفات فايزة عباسoooooooo
لقد شكل موظفين الشركة لجنة بينهم لكشف مخالفات فايزة عباس و بحث جميع موضوعات المشتريات التى اتشركت فيها فايزة عباس حتى نبلغ الرقابة الادارية و النيابة لانه لا احمد فى الشركة يقدر على الوقوف امام فايزة عباس و هى متعودة على اهانة موظفين المشتريات

غير معرف يقول...

السيد الدكتور المهندس / وزير الكهرباء و الطاقة

الى متى سيظل حال شركة شرق الدلتا لانتاج الكهرباء هكذا فى عهد رئيسها طارق يوسف ( الفاسد) و محمود النقيب - رئيس قطاعات الانتاج بالشركة و زوجته فايزة عبده عباس - مستشار " أ " رئيس الشركة و أمين سر مجلس ادارة الشركة - و صديقهم الدكتور نزيه رفعت
فأخر تصرفات نزيه رفعت قيامه بإحضار ضابط يدعى مفيد فوزى و قام بإدخاله لعيادة الاسنان بمستشفى الشركة و تم الكشف عليه دون مقابل طبعا و ذلك من باب " عمل الواجب " و خلافه !!! و للتأكيد على الصداقة الغير عادية التى تربط نزيه بمحمود النقيب هى الاجتماعات الخاصة التى تعقد بينهما فى مكتب محمود النقيب بقطاعات الانتاج و اخرها يوم الاربعاء 17/2/2010 و امتدت جلستهما ما يقارب الساعة بالرغم من ان النقيب لا علاقة له بالاعمال الطبية او المستشفى