الأحد، 15 يونيو 2008

كنت فين يا خشب لما كنا نجارين





استمرار مسلسل الفساد العالمي في مصر

**************

بعد اقالة وزير التعليم لمشرفي توزيع أسئلة الثانوية العامة في المنيا بلاغ جديد حول تسريب امتحان الإنجليزي للثانوية العامة ..واكتشاف‏ 8‏ لجان مخصصة لأبناء المسئولين

هذا الموضوع يشغل العديد من الاسر المصرية فهم يستثمرون اموالهم في ابنائهم حيث يعمل الاب والام ليلا ونهارا لكي يستطيع ان يدبر الاموال اللازمة للدروس وبعد استنفاذ جميع الموارد المتاحة والغير متاحة يفاجئ الابوين بأخبار تسريب الامتحانات فلك ان تتخيل كم حرقة الدم التي تصيب الابوين فور سماع هذة الاخبار فكيف ان يجد ويكدح ويجتهد الابوين لتوفير الاموال ويجد الطالب ويجتهد لمذاكرة ما دفع فيه ابويه الاموال
ان يفاجئ بأن طالب اخر لم يجد ولم يجتهد ولم يكن له دخل بأي شئ ولا يفقه شئ عن شئ فقط كل مؤهلاته ان ابوه مسئول او حالته المادية متيسرة قد حصل علي الامتحان بكل بساطة بدون تعب وبدون مجهود ومع كل هذا ينفي سيادة اللواء المحافظ احمد ضياء الدين وهذا ليس جديد عليه فهو يتبع من فترة ليست بالقصيرة سياسة ترويج الاشاعات والنفي والقاء التهم جزافا
لذلك لا نستغرب موقفه

اتذكر ايام الثانوية العامة فهي فعلا كانت احلي ايام العمر لكل الطلبة كنت طالب عادي جدا بذاكر في المراجعات فقط لمجرد انتظار فرصة تسمح لي بالغش وهذا ما يسمي بالاجتهاد للغش يعني من الاخر كنت بغش بمجهودي وكنت انتظر فرصة الغش مع احساس بالرعب والفزع من والدي فهو لم يكن يتخيل الي الان اني كنت اغش في اي يوم من الايام بس اي حد بيفهم في موضوع الغش حيعرف ان مينفعش تغش وانت مش مذاكر بمعني ان مينفعش احل امتحان الكيمياء وانا مش عارف السؤال ده في انهي باب والا ح ابحث عن اجابة سؤال في الكهربية في الباب التاسع اللي هو العضوية يعني الخلاصة لو انا مش مذاكر يبقي مش حغش مع العلم ان مش اي حد مذاكر بيعرف يغش مع وجود بعض المواد لا تصلح للغش مثل الرياضيات مثلا

فكيف لطالب لم يجتهد ليذاكر ولم يتجتهد ليغش ولم يجتهد ابويه ليحصلو علي الاموال ان يغش ؟؟

من يشترى لابنه اسئلة الامتحان و يعطيها له ثم يودعه و يقبله و هو ذاهب للامتحان و يقول له ربنا معك...الا يخشى انه لن يراه ثانية؟
,وليخش الذين لو تركوا من خلفهم ذرية ضعافا خافوا عليهم فليتقوا الله وليقولوا قولا سديدا ,صدق الله العظيم

طيب تخيل طالب مش مذاكر ومش عارف يغش طيب ده حيعمل ايه ؟؟؟ الاجابة الوحيدة اللي مكنتش متاحة علي ايامي هي انه يشتري الامتحان وده بقي الجديد طيب الكارثة بقي في ان الطالب ده من غير والده مكنش حيعرف يعمل اي حاجة وطبعا بما ان والده مسئول كبير فهو ليس قادر فقط علي ان يشتري له الامتحان ولكنه قادر ايضا علي ان يجعل ابنه يؤدي الامتحان في احد المستشفيات ( لجنة خاصة )

وهنا فقط انا احسد هذا الطالب علي فرصته في الغش فهو ليس متاح له الغش فقط ولكن معه الامتحان والاجابة ولجنة خاصة المراقبين اللي فيها كلهم متظبطين علي رأي مرجان احمد مرجان ( شربو شاي بالياسمين ) فهل لو توفرت لي كل هذه الامكانيات تري اين كان مكاني بين الكليات ؟؟

اذا نظرنا لحال مصر الان نجد سرقة الأعضاء.2- سرقة الأراضي.3-سرقة الذمم 4-سرقة الامتحانات.5-سرقة عضوية المجالس التي تعطي الحصانة.5- سرقة رئاسة الجامعات. 6- سرقة اسلاك الكهرباء.7- سرقة كابلات السد العالي.7-سرقة قضبان السكك الحديدية. 8-سرقة أموال الحجاج(وزارة الداخلية).9-سرقة المواطنين مصر اصيبت بأمراض عديدة وأصبحت كالسيدة العجوز التي تنتظر ملاك الموت ليخلصها من الحياة
وهنا يهمس احد الخبثاء الامتحان واتسرب والغاز واتهرب
اتذكر قول الشاعر الكبير فاروق جويدة

هَذِي بـِلادٌ .. لمْ تـَعُـــدْ كـَبـِلادِي لاشيء يبدو في السَّمـَــاءِ أمـامنـــا غيرُ الظـلام ِوصــورةِ الجــلاد

وَدُعَاءُ أمي ..”كِيسُ”مِلـْح ٍزَادِي رُدُّوا إلي أمِّي القـَمِيـــصَ فـَقـَـدْ رَأتْ مَالا أرَي منْ غـُرْبَتِي وَمُـرَادِي
وَطـَنٌ بَخِيلٌ بَاعَنــي فـــــي غفلـــــة ٍحِينَ اشْترتـْهُ عِصَابَة ُالإفـْسَـــادِ

في لـَحْظـَةٍ سَكـَنَ الوُجُودُ تـَنـَاثـَـــرَت ْحَوْلِي مَرَايا المَوْتِ والمِيـَـــلادِ قـَدْ كـَانَ آخِرَ مَا لـَمَحْتُ عـَلـَي الـْمَـدَي
وَالنبْضُ يخْبوُ .. صُورَة ُالجـَلادِ قـَدْ كـَانَ يضْحَـكُ وَالعِصَابَة ُحَوْلـَــــــهُ وَعَلي امْتِدَادِ النَّهْر يبْكِي الوَادِي

وَصَرَخْتُ ..وَالـْكـَلِمَاتُ تهْرَبُ مِنْ فـَمِي :هَذِي بـِلادٌ .. لمْ تـَعُـــدْ كـَبـِلادِي

وانا اضم صوتي لصوت احدي الطالبات في محافظة الاسكندرية فهي قالت لي بالحرف الواحد ماليش دعوه يا اما الامتحانات تتسرب فى كل المحافظات او بلاش تسريب خالص والامتحانات السنه دى وحشه زفت

وعلي رأي مرجان مصر كلها شربت شاي بالياسمين

هناك 37 تعليقًا:

Desert cat يقول...

طيب يا تامر ماهو اللى يتقوله ده مش جديد
كل سنة بنسمع عن تسريب الامتحانات وابقى تعالى اتفرج على النتيجة بتكون طالعه عاملة ازاى
بالرغم من انهم غاشين لما هما طافحينه من الغش وامتحانات متسربة
بتلاقى واحد جايب 110% اه والله مش تستغرب وطلعتها لكذا واحد السنة اللى فاتت وانا بطلع النتيجة 110% والتانى جايب 51 % وهذا وان دل فانما يدل على ان مصر ولادة والشاى بالياسين عامل عمايل سودة

نعكشة يقول...

طيب وما هو الحل؟؟؟

إن الواحد يعمل اللي عليه و خلاص؟؟

.
انا عندي بس اعتراض علي حاجة صغيرة حضرتك كاتبها

يعني انت موافق عالغش
ومش موافق علي ان الامتحان يتاخد
إزاي يعني

دة حتي اللي بيغش بعد ما يكون زاكر دة اغرب يا شيخ
يعني بيضيع كل مجهودة
و بيخلي كل جهدو راح هدر
ايوة راح هدر
لإنو اتبني علي غش

وبعدين بتقول الكلمتين دة دول و بعديها تقول آية قرآنية
لا انا فعلا مستغربة

سبحان الله

دمت سالم
سلامون عليك

Empress appy يقول...

ههههههههههه انا لسه شايفه الفيلم ده بس فى النهايه اتصلح يا تامر بجد
على فكره انا نجحت مش بالغش ولا عمري كنت اعرف يمكن متربتش على كده مع انه كان سهل بالواسطه فى اللجات بس بابا بيرفضها وربانى على كده بكره مصر تتصلح بينا احنا يا تاني

tarek momen يقول...

يا باشا دي وجهة نظر اقتصادية بحتة اسمها خصخصة الأمتحانات يعني بيعودوا الأولاد من صغرهم علي فهم نظرية الخصخصة عملي معاك فلوس استثمرها في شراء الامتحان مامعاكش اتنيل اقف في الطابور وذاكر يمكن تلحق مجموع مدعم ..وهكذا نكتشف عبقرية التعليم في بلدنا
بس خطرت علي بالي فكرة هايلة دلوقت
الراجل اللي حط امتحان التفاضل ده فعلا راجل وطني و احنا ظلمناه
ده الراجل حط امتحان مالهش حل
يعني يتسرب ما يتسربش مش هاتعرفوا تحلوه يا كلاب والرؤوس اتساوت امام التفاضل
هاهاهاهاه

nody يقول...

ويسلام بقى لو كان الوالد الى اشترى الامتحان لابنه ده
دكتور فى الجامعه
والواد يدخل عند ابوه
وطبعا ها يبقى معيد
قلبت علينا المواجع

Unknown يقول...

وعندك 80مليون شاى بالياسمين وبوظه..... عادى عادى كلها محصلة بعضها وبعدين ايه يعنى الامتحانات تتسرب عادى بالزبادى يبقى انت اكيد اكيد فى مصر

غير معرف يقول...

والله ما فيه اى حاجه جديده

كل دا بيحصل كل سنه فى جميع المراحل

بس اهو من ضمن الفضايح


والناس خرجت من مرحله الصمت للصويت


والله يحرق الحكومة على التعليم بوزيره

tamer.sala7 يقول...

قطة الصحراء
انا علي ايام الثانوية العامة بتاعتي كان اقصي غش بالموبايل وبعدين اللي بيجيب 110% ده بيدخل ايه انشاء ؟؟
ده تلاقي الكليات بتتعارك عليه
--------------------------------
نعكشة
الحل اننا نتقي الله وكل واحد ما يخدش اكتر من حقه ومش لازم يبقي حقه وعليه حتة زيادة يعني وبرده محدش يفرط في حقه او ياخد حقه ناقص حتة
اذا اردت ان تأخذ كل شئ فخذ كل شئ
بالنسبة للاعتراض بتاعك انا موافق علي الغش بعد المذاكرة وده اللي بتطبق في الجامعات الاجنبية اللي هو اسمه امتحان اوبن بوك ده اللي انا اقصده والاية القرأنية المقصود بيها ان الاب اللي بيساعد ابنه علي الغش بيضيعه مش بينفعه
----------------------------------
appy
علي فكرة هو اتصلح علشان فيلم انما في الحقيقة مستحيل وما بني علي باطل فهو باطل
علي فكرة كلنا بابا كان بيرفض فكرة الغش وكان ممكن يوصي علينا في اللجان بس انا كت بغش واروح اقول حليت مع اني لما ذاكرت في الثانوية العامة جيب 51 ولما غشيت جيبت 89 ودي قاعدة معروفة ذاكر تنجح غش تجيب مجموع
----------------------------------
طارق مؤمن
أ/ طارق كان الله في عون حضرتك وربنا مع كل الطلبة بس اذا كان ده المقصود من مذبحة التفاضل يبقي بجد محتاج شوب شاي بالياسمين
---------------------------------
nody
وطبعا بعد ما يبقي معيد حيخلي ادارة الجامعة تشرب شاي بالياسمين وبقي استاذ مساعد وبعد حيبقي دكتور ومش بعيد كمان يبقي وزير ورئيس وزراءطويل كمان
-----------------------------------
enjy
لا يا انجي كلها مش محصلة بعضها انا بقي لو كنت عرفت اجيب شاي بالياسمين كان زماني دلوقتي شغال في الادارة الهندسية للسفارة المصرية في شرم الشيخ
----------------------------------
همس
هو كل سنة الامتحان بيتسرب بس مش بتوصل انه يبقي في المكتبات بالليل المرة دي وسعت اوي غير ان الامتحانات السنة دي صعبة يعني كمان اللي مذاكر مش حيعرف يحل

على باب الله يقول...

ذاكر تنجح .. غش تجيب مجموع

هي دي الخلاصة

تصدق أن الأول علي مدرستنا كانت منقبة و شفتها بعيني و هي بتحط سماعة التليفون تحت النقاب قبل ما تخش الإمتحان .. و سلملي علي الأخلاق و الدين

يا باشا أبن الدكتور بيطلع دكتور
أمال أنت فاكر يعني مين اللي بينسي الفوط و المقصات و السكاكين جوا بطون العيانين ؟
و أبن الممثل بيطلع ممثل و أبن سيادة اللواء بيطلع ظابط و بيكمل مسيرة أبوه في كفاحه الطويل لكسر الرقم القياسي و القبض علي المعتقل رقم مليون

سلو بلدنا كده

alshared يقول...

والله ربنا معاهم
هايعملوا أيه ولا أيه يعني
يعني هايعدوا يلفوا بالعربيات وينزلوا يعملوا شوبينج في المولات ويصطادو البنات ولا هايقعدوا يذاكروا
يا جدعان الشباب دول وراهم مسئوليه قوميه لازم كلهم نشجعهم عليها
دول هما اللي هايحكمونا في المستقبل يعني أنتا عايز اللي بيحكمونا يكونوا جايبين مجموع ضعيف في الثناويه العاميه مثلا
ولا يتعقدوا من صعوبة الامتحانات
يا جدعان انا شفت أمتحان الانجليزي بتاع تانيه ثانوي أتعقدت
الراجل جايبلهم العومله في القطعه
وبيسألهم عنها
وجايبلهم أعادة التصنيع في البراجراف
والله اللي حاطط الامتحان ما يعرف يكتب في أعادة التصنيع

دول بيستهبلوا

شد يا تامر
شد السلخ
ربنا يقويك


خالص تحياتي

Alkomi يقول...

مساء الخير يا تامر

الغريبة ان موضوع تسريب الامتحانات ده مش جديد

قبل كدة كان بيحصل بس عالمتداري
انما بالمفتشر كدة يبقى خلاص باظت

بالمناسبة

انا ثانوية عامة 99 - 2000

سنتها امتحان الكيمياء اتسرب في اسكندرية قبل الامتحان بيوم كامل
و حصلت مشكلة بس عالضيق و ساعتها الاعلام مكانش زي كدة

بس احلى حاجة عجبتني

الاب اللي بيشتري الامتحان لابنه و يبوسه و يقولله ربنا معاك مابيجيش في باله انه ممكن مايشوفوش تاني

معنى جميل لحدث قبيح

تحياتي

Cold air يقول...

هاى تامر
والله الراجل ده بيقول كلام زي الفل

أنا برشح إنهم بدل ميكلفوا نفسهم
ويطبعوا ورق الأمتحانات في السنيين اللي جاية أو حتي يسربوه

يبعتوه للطلبة علي الموبايلات sms
وربنا يخليلنا شركات الموبايل
عبده فون & ومتنيلين & اللي مش مصرية للإتصالات

ويخللنا وزارة قلة التربية والتظبيط

وعندك واحد شاي بس كتر الياسمين وصلحه
أو بوظه مبقتش فارقه

نعكشة يقول...

يا حلاوة

أوبن بوك لحضرتك لوحدك و باقي الناس لأ؟؟؟؟
والله انت سكر

دة علي أساس إيه؟؟؟
سبحان الله والله يعني ازاي دية ؟؟
وحديث " من غشنا فليس منا" دة اسمو اية
ماهوو كلو غش
الفرق ان الاول انت تعبت نفسك و التاني جاول عالجاهز
بس كلو غش
انا مش بقول انو مادام الناس بتغش يبقي نحلل ان الامتحانات تتسرب و تتاخد
لأ انا معترضة علي دة
بس دة غش


...

هوه انا اكيد معترضة علي اللي بيحصل و مش عاجبني الوضع
والحل فعلا إننا نتقي الله
وندافع عن نفسنا لو مظلومين

عامتاً جزاك الله خيراً علي طرح الموضوع

سلامون عليك

Tamer Nabil Moussa يقول...

مشكلة بجد زى مشاكل كتير موجودة فى البلد

الرسول علية الصلاة والسلام / قال من غشنا ليس منا

وبعدين ازى واحد مش فاهم اى حاجة ينجح بالغش ويبقى دكتور وبعد كدة نسمع عن عمليات قاتلة وسرقة اعضاء وعلى كل حال مهنة طالب نجح فيها بالغش مش هنشوف فيها خير ابدا

تحياتى

نـــــور يقول...

سلام ياتامر... دى اول زيارة ليا لمدونتك وان شاء الله ماتكونش الاخيرة بس اسمحلى اتكلم فى حاجات كتيرة
اولا: الصورة العجيبة اللى شدتنى اصلا انى ادخل اشوف مدونتك

ثانيا: ليه كاتب عمرك 108 ؟؟

ثالثا: ليه للاسف مصرى ؟؟ العيب مش فى مصر ياتامر مصر هى هى طول عمرها بس للاسف اللى حولها من مصر اللى كانت بتحكم الدول العربيه كلها بكلمتها ومركز قياده وسلطه لمصر ذل وفقر وشعب مطحون هما ناسها
الفرق هو الناس انما مصر بملامحها وترابها وهواها هى هى مااتغيرتش
يعنى الاصح انك تقول اسكندرانى لكن للاسف عايش فى زمن كارهه ليا ولمصر كده تبقى اظهرت ولاءك وانتمائك اللى انا مش شاكه فيه بعد ماقريت مدوناتك

اما عن رابعا: فايه الحلاوة دى بتغش بمجهودك والله كويس...الغش هو الغش مهما اتغيرت اسماؤه او مبرراته مافهوش ابيض واسود كله حرام

وبعدين انا مش بتفق معاك انت والبنت اللى عايزه اما يتسرب للناس كلها او لا لان ده معناه انها مش بتغش علشان هى صاحبة مبدأهى كده مش بتغش قصر ديل يعنى لو لقت فرصة هتغش يعنى حرااااااااام

اسفه على التطوبل ياتامر وارجو ان يكون كلامى خفيف عليك واتمنى يدوم التواصل

ليكوريكا يقول...

"ان الله لا يضيع اجر من احسن عملا"

بس خلاص ...

ليكوريكا

Desert cat يقول...

اللى بيجيب 110% ده
الكليات مش بتتخانق عليه ولا حاجه
لأنه بيكون واخد مواد اضافيه
فدى اللى بترفعه
لو عندك حد قريبك او جارك فى ثانوية عامة ابقى اساله ازاى بيجبوا 110%
سلام

سبهللة يقول...

تامر
ماتاخدش فى بالك
هى دى بلدنا دايما متفردة فى حاجات لا يمكن توجد فى اى دول غير هنا
هى دى مصر
=========
تامر ليك عندى واجب ياريت تروح تاخده من مدونتى

tamer.sala7 يقول...

علي باب الله
والله القاعدة دي اتحققت معايا

بالنسبة للمنقبة الموضوع ملهوش دعوة بالدين والنقاب ده من الكماليات يعني هي لابساه مخصوص علشان تغش
----------------------------------
الشريد
انا معنديش مانع انهم يحكمونا بس مش لازم يعني الامتحان يتسرب
----------------------------------
محمد الكومي
انا معنديش اي اعتراض انه الامتحان يتسرب بس برده ميستربش لناس وناس لا
---------------------------------
cold air
فكرة الاس ام اس دي جامدة وبجد لو اتنزفزت حتبقي قشطة بس يا ريت الاجابة تبقي عن طريق 0900
----------------------------------
نعكشة
ربنا يسكرك
بس انا مقصدش انه يبقي اوبن بوك ليا لوحدي بس انا عايز نظام الاوبن بوك يتطبق عندنا ومتنسيش ان المقال ساخر
---------------------------------
حبيبة
اهلا بيكي في اي وقت واسمحيلي ارد عليك بالتفصيل
بالنسبة للصورة دي تعتبر رمز للمواطن المصري اللي الحكومة عملته يعني فاتح بقه ومش بيتكلم فاتح عينه ومش شايف
بالنسبة لعمري 108 سنة ده بحجم المشاكل اللي حصلت في مصر وشوفتها بعيني
بالنسبة بقي بللاسف مصري دي انا جاوبتها قبل كدة بس حجاوب تاني
انا اقصد بللأسف مصري (اني ائسف علي اني مصري عاجز شايف حقي بيضيع قدامي ومش قادر امد ايدي اجيبه) شوية مرتزقة شغاليين عندي لحم كتافهم من ضرايبي انا واهلي وبيسرقوني
رابعا بقي انا كنت بغش بمجهودي لأني مكنش فيه علي ايامي تسريب امتحانات او عل يالاقل مكنتش عارف اجيبها وعل فيكرة انا عارف ان الغش هو الغش وعارف برده انه حرام وعلي العموم ربنا مش بيضيع اجر المجتهدين
--------------------------------
تامر نبيل
صدق رسول الله صلي الله عليه وسلم ويا ريت ابو الطالب اللي بيشتريله الامتحان ده يعرف ان هو بيضره
--------------------------------
سبهللة
مهو انا لما بشوف كدة بتأكد ان انا اكيد في مصر

نعكشة يقول...

طيب

ساخر ساخر
اوكشة

دمت سالم
سلامون عليك

Unknown يقول...

المرة دى زى كل سنة لجان بتتظبط وامتحانات بتتسرب فعلا يا تامر كلنا شربنا شاى بالياسمين
تحياتى

ahmed saker يقول...

كده بقي عشان ميبقاش فيه حد احسن من حد

عشان بعد كده يسري الجمل يقول لبقية الوزراء يا عزيزي كلنا لصوص

عشان يقوله يا عزيزي كلنا مفسدون

يقوله يا عزيزي كلنا اختلفنا في كل شئ الا شئ واحد و هو تدمير البلد

و حسبنا الله و نعم الوكيل

Tamer Nabil Moussa يقول...

ازيك ياتامر

اخبارك اية

انا نزلت اليوم الحلقة الثالثة من ارض النور

تحياتى

يوميات فنانه مفروسه جداا يقول...

طب تقول ايه في اللي بيغش بالبلطجه يعني داخل اللجنه هغش يعني هغش ويبقي حاطط مطوي في جيبه

عليه العوض ومنه العوض

بس علي فكره بقي القيامه قربت تقوم

سلامز

بحبها يقول...

كلامك جميل بس ليه عتاب لى بتقول للاسف مصرى مش معنى الفساد المنتشر انى ناسف اننا مصرينا مصر حاجة والفساد حاجة وشكرا

سبهللة يقول...

فينك
من يوم ما كتبت البوست دة
انت اعتزلت ولا ايه؟؟
طمننا عليك

Empress appy يقول...

تامررررررررررررر
انت اتقفشت انا قولت دى اخرتها
انت فين طيب صفررررررر ولا اعمل اى حاجه هجيلك او ابعت لك خرفانى

Empress appy يقول...

يا ابنى بج انت بتقلقنى عليك يخرب بيت الجنان والنبى قولى انت فين وكويس ولا لا

بيكيا للبيع يقول...

يخرب بيت اللى يزعلك يا عم قول بقى انت فين وكويس ولا لا ايه حصلك شكلى هنزل بوست ابحث مع خرفانى عن تامر

Soooo يقول...

مش عارف حاسس ان الموضوع ليه ابعاد تانيه
وهوضحلك ازاي بالتفصيل وخليك معايا واحده واحده

دلوقتي المسئولين دول .. بيجيبو الامتحانات لولادهم ليه وهم كده كده قادرين يدخلو ولادهم اي جامعه خاصه وده اللي بيحصل اصلا؟؟

حاجه تانيه .. مش واخد بالك ان الموضوع بتاع فساد التعليم الحكومي ده ظهر بعد زيادة الضرايب على المدارس الخاصه ؟؟؟

اقولك اللي في دماغي وتشوف اذا كان تفكيري صح ولا انا بيتهيألي

فاكر لما حصلت دوشه على القطر بتاع الصعيد وساعتها ناس في مجلس الشعب وتبع الحزب الوطني طالبو بانه يتم تخصيص السكه الحديد عشان يخلو الخدمه فيه احسن وأأمن ولو حصلت حاجه يبقى من الناس للشركات الخاصه ومنهم على التأمينات .. ساعتها الناس هاجت وماجت خصوصا ان معظم الناس الغلابه مش هيقدرو يشترو تزكره بعد ماتتباع السكه الحديد

اللي بيحصل دلوقتي تقريبا نفس الموضوع
بيبنو ان التعليم الحكومي فيه فساد
وبيقولو مابين السطور اللي عايز يعلم ولاده يدخلهم مدارس خاصه .. مش مدارس تجريبي ولا مدارس لغات .. لأ .. مدارس من اللي هي امريكان دبلوما واللي في سكة الشويفات والحاجات اللي بنسمع عنها دي
واللي بتيجي امتحاناتها من بره مش من عندنا

وبالتالي بما ان الضرايب زايده على التعليم الخاص .. يبقى الفلوس اللي هتدخل البلد تكتر والسرقه تزيد

مش عارف تفكيري ده صح ولا غلط
ول اني باتمنى انه يكون غلط
لكن كل حاجه بتحصل حوالينا بتقول كده

وربنا يستر بقى




سلامووووووووووووز

ابراهيم يقول...

الفساد بمية رجل لكنها عرجاء
هي الحكومة العرجة هتدينا شعب واقف عل رجلة
ادعوك لزيارة مدونتي واتمني التواصل الدائم بيننا

غير معرف يقول...

فينك يا تامر

بقالى فتره ماشوفناك

لعل المانع خير

يارب تكون بخير

Empress appy يقول...

لاااااااااا يا تامر كده اوفى انا هعمل نداء على مدونتى بجد خلاص

سبهللة يقول...

يا ولاد الحلال عيل تايه طول كدة
اسمه تامر واختفى بعد البوست دة
حسرة يا ولداه
كام عيل تاه


طمننا عليك يا ابنى
ولا انت غيرت وبقيت مع الحكومة ولا ايه؟؟

غير معرف يقول...

تصدق يا تامر انا الفار بدا يلعب

فربنا يستر

انت فينك يا تااااااااااااامر


طمناااااااااااا

Empress appy يقول...

تامر كده اوفر طمنا عليك والنبى

mostafashaban يقول...

نجار بالرياض رخيص