الثلاثاء، 6 مايو، 2008

وأدي تاني خبر

صورة لموقف في العريش بعد رفض السائقين للعمل

تــحـــديـــث


شهدت مدينة العريش صباح اليوم إضراب سائقي سيارات الأجرة "7 راكب" اعتراضًا على ارتفاع أسعار الوقود؛ الأمر الذي اضطر الحكومة إلى استغلال أتوبيسات الـ(سوبر جيت) لنقل الموظَّفين إلى أعمالهم؛ حتى لا تتوقَّف حركة العمل في المحافظة بأكملها،


الزيادات في القاهرة بدأت بـ ٢٥ قرشاً.. والسائقون يرفضون تمويل «العلاوة»
إقبال غير عادي من السائقين علي شراء الصحف ليس من أجل الثقافة لا سمح الله لكن من اجل اقناع الزبون بالزيادة قال إبراهيم لطفي «بائع صحف بموقف عبود» إن اليوم شهد إقبالاً غير عادي من السائقين علي شراء الصحف أكثر من أيام مباريات الأهلي والزمالك، فيما احتفظ ياسر عبدالرحمن، سائق علي خط عبود ـ شربين، بنسخة من صحيفة حكومية، وحرص علي إبرازها في وجه الركاب بعد أن رفع مع غيره من السائقين الأجرة من ثمانية إلي عشرة جنيهات. فيما رفع سائقون بخطوط الشرقية الأجرة خمسين قرشاً،
هذا وقد ارتفع سعر صفيحة الجاز ٧ جنيهات، والبنزين ١١ جنيهاً، وغيار زيت السيارة الذي وصل إلي ٤٥ جنيهاً للجركن بعد أن كان ١٢ و٢٦ جنيهاً، إضافة إلي الصيانة والمخالفات،
ارتفاع قيمة أجرة سيارات خط «عبود ـ شربين» من ٨ إلي ١٠ جنيهات، وعبود ـ طنطا من ٦ إلي 6.5 جنيه، وعبود ـ كفرالزيات من 605 إلي ٧ جنيهات، وعبود ـ المحلة من ٧ إلي ٨ جنيهات، فيما ثبتت أسعار خطوط المنوفية وده اللي بيخليني اتأكد اكتر ما انا متأكد ان المنوفية تعتبر دولة مستقلة . فيما رفع سائقو الميكروباص بشبرا الخيمة الأجرة من ٣٠ إلي ٥٠ قرشاً، والتزم سائقو خط العتبة ـ مسطرد بالأجرة الحالية وده طبعا مش حيدوم كتير علشان في موقف مسطرد، قال سائقون إنهم سيرفعون قيمة الأجرة ما بين ٢٥ و٥٠ قرشاً، وهو ما أدي إلي استياء المواطنين، ومعظمهم من الموظفين، وطبعا السواقين حيعملو فيها الحمل الوديع ويطلعو كلهم ابرياء وبيخسرو من الشغلانة اللي بقت مش جايبة همها وده بناء علي تصريحات احد السائقين في الموقف حيث قال الزيادة علينا وعلي الركاب، كما أن مكسب السيارة الواحدة لا يتعدي ١٧ جنيهاً في الدور، منها ١٢٥ قرشاً كارتة وصفيحة أو صفيحتان جاز، وغيار زيت، إضافة لصاحب السيارة، وبالتالي فإن ما يحصل عليه السائق في الدور الواحد لا يتعدي أربعة جنيهات، ونضطر للدفع من جيوبنا لشراء البنزين والجاز وده ميرضيش ربنا وطبعا علشان ميرضيش ربنا فلازم المواطن هو اللي يتحمل اخطاء الحكومة الرشيدة اللي جاية علشان تخلي بالها من الشعب الطيب الصبور المهاود وبذلك فلازما وحتما ولابد أن يعلنها جميع الشعب المصري ويقول كلنا ضد الحكومة
--------------------------------------------------
ابشر يا ريس يا جامد يا عبقري يا اللي مفيش زيك

اولا خد عندك سواق اتعارك مع احد الركاب علي الاجرة وبكل بساطة السواق ضرب الراكب بمفك في وشه
ثانيا السواقين بقو شغالين بلطجية الاجرة زادت 50 % واذا كان عاجبك مش عاجبك حتنضرب بالمفك طبعا
ثالثا بعض الانباء المؤكدة من المحلة وطنطا وكفر الدوار والاسكندرية عن اضراب سواقين الميكرو باص المرة دي ( مش بالمفك )
رابعا بعض السائقين الذين لم يشتركوا في الاضراب رفعوا تعريفات الركوب من تلقاء أنفسهم وإن نسب الزيادة تراوحت بين 50 في المئة ومئة في المئة.
خامسا اخبار من شبين الكوم عاصمة محافظة المنوفية اللي هي مسقط رأسك يا ريس ان حوالي مئة سائق أضربوا عن العمل لعدة ساعات في المدينة مطالبين بزيادة تعريفات الركوب لكن الشرطة تدخلت لانهاء الاضراب. ويقول السائقون ان زيادات أسعار السولار الذي تعمل به الحافلات الصغيرة تكلف الواحد منهم حوالي 50 جنيها واصحاب البنزيمة مخبيين البنزين الـ 80 وانا قولت قبل كدة نعمل سور يفصل بينا وبين المنوفية محدش سمع كلامي
سادسا رئيس الوزراء أحمد بيه نظيف قال بعد موافقة البرلمان على رفع الأسعار ان الزيادات التي ستتقرر في تعريفات ركوب الحافلات الصغيرة ستكون ضئيلة للغاية وده طبعا يدل علي ان البيه بتاعك يا مش فاهم حاجة يا بيشتغلنا
اخيرا وليس اخرا قنا : في محافظة قنا المحافظ مجدي أيوب دعا لجنة خاصة من المجلس الشعبي المحلي للاجتماع ومناقشة تعريفات الركوب الجديدة في المحافظة تمهيدا لاصدار قرار بها. وهناك اجراءات أمن مشددة اتخذت في المحافظة وشملت محطات التزود بالوقود بعد اضطراب حدث في المحطات يوم الاثنين يعني برده القرار مش مدروس يا باشا والسعر اترفع من غير اي دراسات زي قرار المدينتين اللي اتعملو ما بين يوم وليلة وده يخليني برده اقولها بصوت عالي اوي انا ضد الحكومة

هناك 11 تعليقًا:

غير معرف يقول...

والله يا ابني مش لوحدك اللي ضد الحكومة
علي فكرة انا كمان عايز موضوع السور اللي يفصل بينا وبين المنوفية

Desert cat يقول...

بص يا تامر الحكومة مش السبب احنا السبب
احنا الىل مكتومين عمال تخوذقنا وتبضن اللى جابونا وبرضه مكتومين ومخروسين
البنزين سعره زاد عملنا ايه
كل واحد عمال ينفخ وحاطط صرمة قديمة فى بؤه ومكتوم
خلينا نشرب بقى

tamer.sala7 يقول...

غير معروف
ولما انت كمان ضد الحكومة عملت ايه وخايف ليه ده انت حتي مكتبتش اسمك
موضوع السور ده عايز طلب احاطة بس ياريت ميحضرش كل اخوانا بتوع المنوفية في جلسة المناقشة

Desert cat
طيب مهو الحكومة بقالها كتير بتبضن يبقي كفاية بيض لغاية كدة و احنا بقالنا كتير اوي بنشرب
وخدي عندك مثلا انتي قطعو عليكي المية اللي كنتي بتشربيها وخلوكي تتسولي علي كوباية مية عملتي ايه ؟؟

مفقوعة مرارتي من حماتــــــــــــي يقول...

عندك حق احنا ننقل المنوفية نخرجها برة مصر من أساسه عشان تبطل تتحفنا بمجايبها

dr.Roufy يقول...

انا مش ضد الحكومة دي بس لا
انا ضد حكومات بتيجي بقالها 27 سنة وكل واحدة انيل من الي قبلها
دي منهجية تخريب منظم فعلا
امتى بقى ..نفوق ,امتى؟

Tamer Nabil يقول...

بلد بجد

بقت حالها يضرب يقلب

ربنا معانا

تحياتى

cenotaph يقول...

كلنا معاك ضد الحكومه بعد اللي شايفينو ده

رحاله يقول...

وتبقى مصر ام الدنيا
انا بس ضد الفسااااااد ومع شباب الحزب الوطنى
تقبل تحياتى
جيلان

خبيب يقول...

وانا معاك

ضد السرقة والنهب ، والعشوائية ، وعدم الاهتمام بأمور الناس

وبرضه ضد السلبية والسكوت ع الظلم اللي احنا فيه

رامى اشرف يقول...

اغلس حاجه فى المعارضه كلمه حكومه دى مبحبهاش نقول نظام نظام قايم على الفساد والظلم والحفاظ على السلطه قبل اى شىء حتى لو على مصلحه الشعب
الى بيخنقنى من برامج المعارضه الهبله فى التلفزيون انهم يمسكو نظيم توبيك على ايه موش عارف مع ان الراجل مظلوم هوا ماسكلها بيظه وهيسبها بيظه موش فارقه كتير لو سابها بيظه زيادة شويا
وشكرا على زياردتك يا نجم

tamer.sala7 يقول...

سوسو
كدة يبقي انا وانتي موافقين علي فكرة نقل المنوفية وتقريبا حماتك ممكن تبقي ملكة لدولة المنوفية العربية الشقيقة
---------------------
Rofaida
حلو المصطلح بتاع منهجية تخريب منظم بس موضوع امتي نفوق ده معتتمد علي احنا عايزين نفوق امتي
---------------------
Tamer Nabil
البلد ملهاش ذنب في اللي بيحصل المشكلة في الحكومات يا ريت نفصل بين مصر والحكومة المصرية مصر اللي موجودة دلوقتي هي مصر سيدنا يوسف وهي مصر سيدنا المسيح عيسي ابن مريم وهي مصر عمرو ابن العاص
----------------------
mohamed medo
انتي حتعملني زعيم وطني ولا ايه ؟؟ وبعدين انا مش حقف ضد الحكومة لوحدي لازم كلنا نبقي إيد واحدة راجل واحد لغاية ما نطردهم برة ونخرج الاحتلال المصري من مصر
------------------------
اختي الصغيرة جيهان
الحزب الوطني دلوقتي مش هو نفس الحزب الوطني بتاع مصطفي كامل مقرات الحزب الوطني دلوقتي بقت عاملة زي المغارة اللي كان بيتقابل فيها العصابات وشباب الحزب الوطني مضحوك عليهم زينا لأنهم في الاخر برده مصريين
-------------------------
خبيب
نفسي اصرخ واردد اللي انت قولته بس لوحدي مش حينفع ولوحدك برده مش حينفع لازم نتجمع ونبقي شخص واحد ولو الموضوع وصل للموت يبقي بيدي لا بيد عمرو
---------------------------
استاذي رامي شرف
مع اني حاسس بلهجة تشائم ويأس في كلام حضرتك لكني اتفق معك علي كل ما قولته