الأربعاء، 14 مايو، 2008

يعني كان نفسي اقول اوبجكشن

الموضوع ده حيغطي علي تقرير الفضايح بس معلش مش قادر اسكت
كالعادة اليومية كل يوم اتصفح الجرايد المعارضة والمستقلة فقط هوب بقي انهاردة قوم ايه لقيت الخبر ده
اليوم العالمي للصلاة بمصر يدعو لمبارك "بأن يثبت الله حكمه سنين مديدة".. والبياضي يقول إن أمانة السياسات تعمل من أجل مصر 24 ساعة
وبقلب تاني لقيت الخبر ده كمان
10 آلاف كاثوليكي وإنجيلي يدعون لـ«مصر» والرئيس مبارك في يوم الصلاة العالمي.. وغياب تام للكنيسة الأرثوذكسية
مبدهاش بقي الواحد لازم يتكلم يعني الناس دي عايزة تعمل فينا ايه يعني شيخ الازهر ومن زمان عارفين ان هو اصلا كان كلب حكومة و بيفصل فتاوي علي مزاجهم طيب والاقباط حتي الكنيسة وصل بيها الحال انها تتفنن في الدعارة الدينية المبتذلة ؟؟ يعني خلاص لجنة السياسات اللي هتنقذ سفينة الوطن الناس دي متعرفش ان سفينة الوطن غرقت الناس دي متعرفش ان الشعب المصري مسيحين ومسلمين كلهم متنيلين زي بعض
الناس دي فاكرة ايه ؟؟ هو جمال مبارك ده اتبهدل زي اي شاب مصري ؟؟ جمال مبارك ده دخل جيش ومسك خدمة في عز البرد ولا طلع مأمورية في عز الشمس ؟؟ جمال مبارك ده داخ مع السماسرة علي شقة ايجار جديد ؟؟ الاجابة علي كل الاسئلة دي طبعا لالالالالا
طيب ازاي واحد معملش اي حاجة من اللي بيعملها المصريين العاديين هيحس بيهم ؟؟ ازاي واحد ملهوش اي صفة في الدولة غير انه يبقي ابن الرئيس يتحكم فينا كدة ويخلينا كمان ندعيله علي المنابر وفي الكنايس ؟؟ ازاي مصر تبقي الدولة الوحيدة اللي فيها منصب رسمي اسمه ابن سيادة الرئيس ؟؟
ازاي الدكتور / صفوت البياض رئيس الطائفة الإنجيلية يقحم الدين في السياسة للدرجة دي وازاي تتعمل صلاة جماعية والبابا شنودة نفسه ميبقاش هو اللي متقدم القداس ؟؟؟ انا مش فاهم اوي في المجتمع الكنسي المسيحي بس اللي انا فهمته ان اللي اتعمل ده غلط ومينفعش يصدر عن قس زي الدكتور البياضي وبرده مش لازم نسكت علي كدة لأن لو سكتنا حنلاقي ان خطبة الجمعة موضوعها تحليل التوريث والاخوة الاقباط في مدارس الاحد حيعلموا الاطفال السلبية والتأقلم علي عدم رد الفعل والقمع بس كويس ان في ناس زي الدكتور بطرس فلتاؤوس رئيس الطائفة المعمدانية الكتابية الأولى وده يعتبر الوحيد اللي رد علي الدكتور البياضي انا معرفش حد مسيحي حر غير مينا ذكري ويا ريت مينا يفهمني ايه اللي بيحصل في الكنيسة لأن من فترة كدة البابا شنودة كمان صرح بأن الرئيس مبارك هدية من ربنا يجب الحفاظ عليها
انا عن نفسي مش راضي ولا عن البابا شنودة ولا عن شيخ الازهر لأن كلهم دلوقتي بقو حكومة وانا طول عمري ضد الـحـكـومـة

هناك 14 تعليقًا:

Desert cat يقول...

بص يا تامر انا طول عمرى رافضه ربط الدين بالسياسة ومن يستغل الدين سواء مسيحى او مسلم للتقرب من الحاكم يبقى ابحث عن الهدف الاساسى خلف ما يفعل

الافغاني يقول...

فعلا انا موافقك

ده نوعغ من النفاق الجماعي

باجوجو يقول...

تامر باشا
ربط الدين بالسياسة من وجهة نظرى ليس أمرا خاطئا
بل هو ضرورى
ولكن لا بد أن تكون السيادة للدين على السياسة
لا أن يقع الدين تحت أقدام السياسة

tamer.sala7 يقول...

Desert cat
الهدف الاساسي المصلحة الشخصية طبعا بس ربط الدين بالسياسة مبدأ مطلوب بس مش في كل الاوقات ولا في كل الحالات
---------------------------
الافغاني
هو نفاق بس مش جماعي ده نفاق شخصي للحاكم من واحد مش فاهم حجم اللي بيعمله
---------------------------
باجوجو
ربط الدين بالسياسة في حد ذاته امرا خاطئا جدا
فين الدولة المدنية واهدافها فين المعاملة علي اساس الفعل وعدم التعصب لدين او ملة ومتنساش
ان الله لاينظر الي الوانكم ولكن ينظر الي قلوبكم
يعني الدين ده علاقة بين الانسان وربه فقط

أحمد سعيد بسيوني يقول...

وانا معاك برضه ضد هذه الحكومة الفاسدة
تخياتي

Hosam Yahia حسام يحى يقول...

مممممممم


تمام كده

انا برده زيك اكره النفاق الدينى للحاكم

لكنى اقبل واعتقد بان السياسه جزء من الدين

.:.-=- ELGaZaLy-=-.:. يقول...

اليوم العالمي للصلاة بمصر يدعو لمبارك "بأن يثبت الله حكمه سنين مديدة".. والبياضي يقول إن أمانة السياسات تعمل من أجل مصر 24 ساعة
وبقلب تاني لقيت الخبر ده كمان
10 آلاف كاثوليكي وإنجيلي يدعون لـ«مصر» والرئيس مبارك في يوم الصلاة العالمي.. وغياب تام للكنيسة الأرثوذكسية

--------------------------

ازيك يا تامر يا جميل ..صباح السكر...معلش اخوك سعيد...يب سعيد حبتين كدة...

المهم خلينا فى التوبك...

يا صديقى العزيز اتذكر القصة الشهيرة التى مثلت الى فيلم اشهر...

يا عزيزى كلنا لصوص...

يا عزيزى كلهم منافقين ولا يختلف فى ذالك شيخ الازهر او البابا الاكبر..او حتى قداسة حخام اليهود المصريين لو ظهعر


ياعم فى اكتر انة طلع من الاشراف؟؟؟

يا جدعان بلا عك بقى..وبلا قرف...

وانا مش مع فكرة فصل الدين عن السياسة

لانك شئت ام ابيت فى دولة بيحكمها الدين والقيم؟؟..

بس بما انك اصلا مبقاش عندك تطبيق صحيح لاى دين الا دين تاليه السيد الرئيس والاستشهاد بايات قرانية ونصوص انجيلية لاتيياد اقوالة...


فبلا قرف

رامى اشرف يقول...

كلها سياسه يا تامر كلهم زى بعض مناصب سياسيه من الدرجه الاولى
واللعبه معروفه من زمان لعبه مصالح مصلحتى فى رضا امريكا ورضا امريكا يعنى ارضى اسرائيل يعنى اصدر الغاز
مصلحتى فى التقرب للحاكم يبقى ادعيله وانا بصلى لو المصلحه تتطلب ذلك
ملصحتى اولا قبل كل شىء

حـــــدوتـــــة يقول...

هدية الرئيس مبارك هدية
والله فى كلمة على طرف لسانى
بس المشكلة ان دى مدونة محترمة
مع ان ساعات الشتيمة بتبقى ابلغ رد على بعض الكلام اللى الواحد بيسمعه

سلالالالالالالالالالالالالالالالالام

اجندا حمرا يقول...

عزيزي تامر

صباح المواضيع المثيره للجدل

شوف ياتامر جرايد الحكومه بقت تخنق زي اللي عمله ممتاز القط في معلقاته الشهيره يوم عيد ميلاد الريس
و شكل كمان صحف المعارضه حتحصلهم

ماهو عايزه اقولك حاجه لازم برضه الكنيسه و رؤوسائها يعملوا كده و يتسابقوا كمان مع الأزهر عشان ينولهم من الحب جانب واخدلي بالك انت؟
شوف ياتامر وقت اما جابوا اغلبيه الوزراء الجدد من رجال الأعمال قالولك انهم جايبينهم اغنياء عشان تكون عنينهم ماليانه و مايكونش فيه فساد لكن هما مش واخدين بالهم ان البحر بيحب الزياده
يعني فلوس بالكوم حيقولوا لأ
طبعا سمعت عن مصنع مصر للألبان و اللي حصله لصالح رجل اعمال يشغل منصب وزاري دلوقتي

للأسف ياتامر كلو بقه بيضحك علي كلو عشان مصالحهم الشخصيه و الشعب و لا في بالهم اساسا

تحياتي ليك و اكيد حزورك كتير

mohager يقول...

ايه ده انت مش بتصلي لمبارك ولا ايه؟
انت هتدخل النار بصاروخ
واطيعوا الله واطيعوا الرسول وأولي الأمر منكم .
هو بقي أولي الأمر منكم دي .
مش بقولك انت هتدخل النار بصاروخ يابني .
يعني نار دنيا وآخره .


باجوجو .
مع احترامي لحضرتك
اي دين اللي نربطه بالسياسة ؟
عشان بس فيه كذا ديانه في كل بلد
مصر ؟
طيب نمشيها اسلامية ولا مسيحية ؟
طيب لو مشيناها اسلامية وضغطنا علي المسيحيين اللي في البلد ،هنستحمل لما الدول الغربية تبقي دول مسيحية بحته؟
ماهو من حقهم بقي .

ثم الرسول صلي الله عليه وسلم قال " أنتم أولى بأمور دنياكم" أو كما قال صلي الله عليه وسلم .

dr.Roufy يقول...

للأسف مواقف مثل مواقف الأزهر والكنيسة المصرية والممثلة في قياداتهما
لا تكن الا في دولة ديكتاتورية متهالكة
لنا الله
:(

tamer.sala7 يقول...

احمد سعيد بسيوني
مش كفاية انا وانت وبس نبقي ضد الحكومة لازم كلنا نبقي ضد الحكومة
-------------------------------
حسام يحي
مش في كل الاوقات السياسة بتكون جزء من الدين ولازم نفصل بسن الدين والسياسة
---------------------------------
.:.-=- ELGaZaLy-=-.:.
هو مين ده اللي طلع من الاشراف ؟؟
ويعني ايه اشراف ؟؟
وايه الفرق بين الاشراف واللي مش اشراف ؟؟
لازم نفصل بين الدين والسياسة ولو اتعاملنا مع حد يبقي ملناش دعوة بدينه ولا شغلته
وفعلا يا عزيزي كلهم منافقين
--------------------------------
رامي شرف
من امتي الوعظ الدين والافتاء في شئون الديني بقي وظيفة ؟؟
وبمناسبة امريكا عايز اوصل رسالة للأخ الكريم جورج بوش
عايز اي حد يشوفه يشكره علي الخطاب اللي قاله في الكنيست ويسألو امك في العش ولا طارت ؟؟
----------------------------------
حدوتة
عايزك تشتم وتقول اللي في نفسك كله بس المهم انه يجيب نتيجة بس انا مش رد غير المثل اللي بيقول
اللي اختشو ماتو
---------------------------------
اجندا حمراء
يبقي فعلا عندي حق لما بقيت ضد الحكومة ولا ايه ؟؟
----------------------------------
المهاجر
سيدنا الاله الرئيس خنقني خلاص انا عايز اعمل اي حاجة علشان يمشي وبعدين كمان حدخل النار دنيا واخرة علشان سيدي الرئيس طيب نار بنار يبقي كس ام سيدي الرئيس
---------------------------------
Rofaida
طيب احنا عايزين ننقذ الدولة المتهالكة يبقي الحل ايه ؟؟

رئيس جمهوريه نفسى يقول...

دى نتيجه اختلاط السياسه بالدين الاتنين بيفسدو بعض وبيدمرو بعض مثال فتوى جلد الصحفين
وطول ما مناصب رجال الدين بالتعيين حجنشوف اكتر من كده من ناس المفروض متعرفش غير انها فى الحق لا تخشى لومه لائم