الثلاثاء، 6 مايو 2008

في انتظار حسن الهلالي

والله انا ولا بتاع تدوين ولا غيره مع اني متابع الموضوع ده من زمان وكان نفسي ادخل فيه بس كنت بقول يا واد بلاش سيب العيش لخبازه خلي الصحافة تاكل عيش لكن دلوقتي لا noooooo كدة كتير ربنا خلقلي مرارة واحدة انا مش قادر استحمل لازم اعمل اي حاجة علشان منفجرش بس مفيش اي حاجة اعملها غير اني اعلنها انا ضد الحكومة
الموضوع كله اني اتنفخت من اللي بيحصل في البلد دي وقررت اني اكتب اللي انا حاسه يعني مش لاقي مكان اطلع فيه زهقي قولت اطلعه علي النت
يعني كل اللي بيحصل في البلد ده والحكومة وعارفة وشايفة الاضرابات والحالة المستفزة اللي الشعب بقي فيها وبرده مصممة انها تحك مناخيره في الرصيف علي رأي نوارة نجم بس في كل الاحوال موضوع البنزين اللي ارتفع امبارح ده بجد ضربة معلم يعني الريس اتمطع وهوووووووب راح رازع القفي المتين للشعب كله
يعني هو نزل للشعب علاوة 30 في المئة وراح رافع سعر البنزين صايع صحيح منوفي علي ابوه منوفي اصلي يعني عرف ياخد حقه تالت ومتلت بس اللي هو ميعرفهوش اننا مش بلد اكسلانسات برده علي رأي نوارة نجم

( اعزروني علشان انا متأثر اوي بيها ) وبما اننا مش بلد اكسلانسات يبقي بكل بساطة ينتظر انتقام الناس اللي مش اكسلانسات علي طريقة أنور وجدي لما قال ( انا حسن الهلالي )
ونحن في انتظار هذا الهلالي

هناك 4 تعليقات:

غير معرف يقول...

والله يا ابني الهلالي ده اتأخر اوي

غير معرف يقول...

اةةةةةةةةة
وانا اقول حاسة بوجع ليه من ورايا اتاريه رزعني قفي وراح مزود كمان بعبوص فوق البيعة

a7md Helal ( المهم ) يقول...

طيب ليه حسن الهلالي
ماينفعش احمد هلال

عموما بالتوفيق

tamer.sala7 يقول...

غير معروف
بس انت ادعي وقول ربنا يسوقك يا هلالي
---------------------
عبير الشرقاوي
الحمد لله انا اخدت قفي وبس
--------------------------
المهـــــم
والله حسن الهلالي احمد هلال يا رب حتي شارون الهلالي بس نخلص منهم