الخميس، 8 مايو 2008

وتستمر الحكومة المصرية بالانفردات ( Exclusive )

الخازوق الثالث علي التوالي ( أةةةة يا ورايا )

ومازالت الانفردات مستمرة فها هي الحكومة المصرية وبعد عناء شديد مع الازمات المعاصرة من خبز لغلاء لتصدير الغاز للاسرائيل لأي حاجة تخلي المواطن المصري يطلع من هدومه ويمشي في الشارع يقول
تيييييت الحكومة المصرية
فقد ابهجنا اليوم السيد المحترم المفخم جدا المبجل خالص
الدكتور/ احمد فتحي سرور بقراره الحكيم والذي يأتي بعد 48 ساعة فقط من اقرار المجلس الموقر لزيادة المحروقات وهو ده القرار اللي حيخلينا ندعيله من كل قلبنا بأن ربنا يديله علي قد نيته وضميره
هو وسيادة الرئيس محمد حسني مبارك قول امين
القرار بعد أقل من ٤٨ ساعة من إقرار نواب الأغلبية بمجلس الشعب رفع أسعار البنزين والسولار والسجائر، اتخذت اللجنة العامة بمجلس الشعب، التي يشغل الحزب الوطني أغلبية أعضائها ويرأسها احمد فتحي سرور رئيس المجلس ، قراراً في اجتماعها أمس،
برفع مكافآت وبدلات النواب ٣٠% وذلك بداية من أول مايو الحالي ودي بقي تعتبر الزيادة الثانية التي يحصل عليها نواب الفصل التشريعي الحالي، حيث تم إقرار زيادة كبيرة في نهاية دورة عام ٢٠٠٥، استفاد منها نواب الفصل التشريعي الحالي بينما لم يستفد منها النواب الذين أقروها، حيث أخفق ٨٠% منهم في الانتخابات الأخيرة. وطبعا علشان احنا شعب غني جدا وبنصرف علي الحكومة اللي هم شغالين عندنا ببزخ فقررنا اننا ( علي اعتبار ان القرار ده احنا اللي وافقنا عليه يعني ) نزود الفلوس بتاعة النواب اللي محدش فينا اختارهم خالص والزيادة حتبقي علي النحو التالي رفع المكافأة الشهرية من ٥ آلاف جنيه للعضو إلي ٧ آلاف جنيه، ورفع بدل الجلسة من ١٠٠ إلي ١٢٥ جنيهاً، وبدل حضور اللجان من ٧٥ إلي ١٠٠ جنيه، وبدل العلاج من ٧ آلاف إلي ١٠ آلاف جنيه سنوياً، وبدل التليفونات من ألف إلي ثلاثة آلاف جنيه سنوياً. علشان كدة عايزكم كلكم تبعتو معايا رسالة شكر بالغ ، وتقدير عميق ، واحترام واجب ، وحب عظيم ، ومحبة قوية ، وعشق شنيع ، وغرام كبير للحكومة المصرية اللي بتخليني كل يوم اصمد علي رأيي فيها واعلن ان انا مازلت


ضد الحكومة

هناك 16 تعليقًا:

a7md Helal ( المهم ) يقول...

هما مش بيشتغلوا عند الحكومة يبقي لازم ياخدوا الزياده
وبعدين دول احسن في البلد بيشتغلوا عند الحكومة

موافقه ...... علي كل حاجة بتعملها الحكومة
يبقي كمان ياخدوا 40 و 50 في الميه

ولا ايه

Desert cat يقول...

يعنى الناس عمال تصوت وتكلم فى نفسها وهما بيجامول بعض وبيزودوا مرتبات بعض من جيوبنا
انا مش مسامحه فى اى قرش ادفعه للحكومة
حسبى الله ونعم الوكيل
ربنا ينتقم منهم واحد واحد

رئيس جمهوريه نفسى يقول...

من معاميع قلبى بوجه صيحه شكــــــــــــــــــــــــــــــــــــــــــــــــــــــر اعتراضيه للحكومه المصريه وحسبى الله ونعمه الوكيل

PrInCeSS BeRy يقول...

هكتفى بحسبنا الله ونعم الوكيل

هوة اللى شايفنا وهوة اللى هيرحمنا

شكرا لك

على باب الله يقول...

لا لا بس خلي بالك

الحكومة منحازة لمحدودي الدخل

و بتحاول تاخد من القادرين و تدي غير القادرين

walaa يقول...

زادة المرتبات دى غيير السرقه والنهب
اللى هما بيسراقوه
والشعب الله يكون فى عونه ناس ماشيه تكلم بعضها
تحياتى ولاء

hamdool يقول...

مشربتش من نيلها
طب جربت تغنيلها
جربت فعز ما تحلم
تمشي بشوارعها و تحكيلها

كل ما بسمع الأغنيه دي مع صاحبي
بيقول طب والله أنا ما عملتش
90% من الكلام اللي فيها
و ما عشتش فيها كمان بس
بحبها .. مصر جميله و حتبقى
أحلى بس قولوا يا رب

و تفاءلوا

رامى اشرف يقول...

بيتفننو فى استفذاذ الناس
مع انهم ممكن يسرقونا واحنا عادى
وممكن ميكونش فى ديمقراطيه زى جمال كدا والناس كانت فقرة برضو بس كانو بيحبوة لان احنا شعب عاطفى ممكن ينضحك عاليه بكلمتين فيهم عنتريا
ولكن النظام دا عجيب صراحه
يتفنن فى اسفذاذ الناس الواحد بيسمع ويشوف حاجات بيقى هيتشل من اهدار المال العام
البلد كان الى يعرف ياخد حاجه ياخدها ميغه يا نجم
حاجه تهبل بجد

Unknown يقول...

دة يا ابنى مبدا لازم نضحى بالشعب عشان الباشا يعيش...وسمعنى سلام اخترناه....روح زور مدونتى يمكن تعجبك يعنى وللا حاجة ماشى؟

بنت مصريه يقول...

مقدرش اقول غير ربنا معانا

tamer.sala7 يقول...

المهــم
لا يا احمد هم مش بيشتغلو عند الحكومة دول بيشتغلو عندنا ولو في حد بيشتغل عندك سرقك اكيد حتاخد حقك منه او علي الاقل حتمشيه وهو ده اللي لازم يحصل يا ريت كلنا نفهم ده
-----------------------
Desert cat
كلنا مش مسامحين بس ده مش كفاية لازم نعمل حاجة ربنا لماذا أمر ستنا مريم ان تهز بجزع النخلة ؟؟ يعني هو مش قادر يخلي البلح ينزل عليها من غير ما تهز ؟؟ لازم الواحد يعمل علشان ربنا يقف معاه يعني لازم تهز النخلة مع العلم ان هي كانت ضعيفة ومش الهزة بتاعتها اللي حتخلي البلح ينزل عليها بس الفكرة ان هي تبقي عملت وده اللي المفروض احنا نعمله يعني اسعي يا عبد وانا اسعي معاك
----------------------
رئيس جمهوريه نفسى
حمد الله علي السلامة ده اولا وثانيا يا رب صيحة الشكر الاعتراضية بتاعتك تكون وصلت لأي كلب في الحكومة المصرية وكلنا حسبنا الله ونعم الوكيل
----------------------
PrInCeSS BeRy
نفس الرد بتاع قطة الصحراء مش كفاية الحسبنة واحنا قاعدين ساكتين
-----------------------
على باب الله
لو كلامك ده معكوس يبقي معاك حق ولو كلامك ده تقصد بيه معناه يبقي اسمحلي اقولك اوبجكشن يا حكومة
-----------------------
ولاء
الناس فعلا ماشية تكلم بعض بس بعد كدة حتاخصم بعض وحتاكل بعض وحتقل بعض عايزين نلحق نفسنا علشان منفذش المخطط بتاع الحكومة اللي هو فرق تسد يعني يوقعونا في بعض وهما يركبونا كلنا
---------------------
hamdool
يا باشا احنا كلنا عارفين ان مصر جميلة ومحدش معترض علي كدة احنا اعتراضنا علي الحكومة المصرية مش اكتر ولازم نفرق بين مصر وبين الحكومة المصرية
---------------------
رامى اشرف
واحنا حنفضل ساكتين علي الميغة دي لغاية امتي يا رامي والله العظيم التراب بتاع البلد زعلان علينا ده حتي الكوايتة ولا الكلب الشواذ بيتعوجوا علينا ويقولو لنا اللي مش عارف ياخد حقه في بلده مش حياخده برة بلده
---------------------
انجي
اولا انا مختارتش حد يعني سلام اخترناه ده مش حتسمعيه عندي ثانيا مبدأ نضحي بالشعب علشان الباشا يعيش لازم يتغير يبقي نضحي بالشعب والباشا علشان البلد تعيش
---------------------
بنت مصرية
ربنا مش حيبقي معانا واحنا مش بنعمل اي حاجة يعني لازم نتحرك علشان ربنا يبقي معانا ويا ريت نفتكر ان لا يغير الله بقوم ما يغيرو ما بأنفسهم

Empress appy يقول...

عاتى بقى هنعمل ايه هما لسه برضه قرارات كمان
ايه بقى فى ايدينا

tamer.sala7 يقول...

appy
والله العظيم في ايدينا كتير وكتير اوي بس كل واحد يبدأ بنفسه والساكت عن الحق شيطان اخرس
ولو كلنا قولنا زيك حتيبقي اسمها
مصر المخروسة مش مصر المحروسة

.:.-=- ELGaZaLy-=-.:. يقول...

عادى يا باش مهندس...

تحيا جمهورية مصر العربية....


ياعم بلا نيلة بقى جتنا ستين وكسة...


الحكومة عندنا مش بس منفردة.,..دى بنت ستين كلب...

tamer.sala7 يقول...

.:.-=- ELGaZaLy-=-.:.
لو متحركناش دلوقتي حتشوف الستين الكلب قرايب الحكومة دول وهم بياكلونا

la3lahakhier يقول...

السلام عليكم
انا بكره السياسة والحكومة ومابحبش اتكلم فيهم لكن انا جيت ارد الزيارة
اشكرك